చంద్రబాబును చూసి నేర్చుకో మిస్టర్ జగన్!

Publish Date:Jun 21, 2024

Advertisement

సంస్కారం వున్న సంస్కర్త అని ఆంధ్రప్రదేశ్ ముఖ్యమంత్రి చంద్రబాబు నాయుడు మరోసారి నిరూపించుకున్నారు. అది మరెవరి విషయంలోనో కాదు.. తన రాజకీయ ప్రత్యర్థి, వైసీపీ అధ్యక్షుడు జగన్మోహన్‌రెడ్డి విషయంలో. అసెంబ్లీ అంటే కౌరవ సభలా కాదు.. గౌరవ సభలా వుండాలని ఆశించే ఆయన, దాన్ని తన ఆచరణలో కూడా చూపించారు. ఇదే నాకూ, జగన్‌కి మధ్య వున్న తేడా అని చెప్పకనే స్పష్టంగా చెప్పారు. 

శుక్రవారం (21-06-24) నాడు ఆంధ్రప్రదేశ్ శాసనసభ సమావేశాలు ప్రారంభమైనప్పుడు మొదటగా కొత్తగా శాసనసభకు ఎన్నికైన సభ్యుల ప్రమాణ స్వీకార కార్యక్రమం జరిగింది. మొదట ముఖ్యమంత్రి, తర్వాత ఉప ముఖ్యమంత్రి, మంత్రులు, మహిళా సభ్యులు, సాధరణ సభ్యులు ప్రమాణ స్వీకారం చేయడం అనేది సాధారణంగా జరుగుతూ వుంటుంది. అదే సంప్రదాయాన్ని ఇప్పుడు కూడా పాటిస్తున్నారు. ఈ లెక్కప్రకారం ప్రతిపక్ష హోదా కూడా దక్కని జగన్మోహన్‌రెడ్డి సాధారణ శాసనసభ్యుడి హోదాలో ప్రమాణ స్వీకారం చేయాల్సి వుంటుంది. శాసన సభ్యుల ప్రమాణ స్వీకారం అనేది ఇంగ్లీషు ఆల్ఫాబెటికల్ ఆర్డర్‌లో జరుగుతుంది. ఇంటిపేరు ‘A’తో ప్రారంభమయ్యే శాసనసభ్యుడు మొదట ప్రమాణ స్వీకారం చేస్తారు. ఈ లెక్కప్రకారం జగన్మోహన్‌రెడ్డి ఇంటిపేరు ‘YS’ కాబట్టి ఆయన అందరికంటే చివరగా ప్రమాణ స్వీకారం చేయాల్సి వుంటుంది. అంటే, ప్రమాణ స్వీకార కార్యక్రమం మొదటి నుంచి చివరి వరకు ఆయన శాసనభలోనే వుండి, తన పేరు వచ్చే వరకు వేచి చూడాల్సి వుంటుంది. 

అయితే, జగన్ తనకు ముందే ప్రమాణ స్వీకారం చేసే అవకాశం ఇవ్వాలని ప్రభుత్వాన్ని కోరారు. జగన్ విజ్ఞప్తిని గౌరవిస్తూ ప్రభుత్వాధినేత చంద్రబాబు నాయుడు జగన్‌కి ఆ అవకాశాన్ని ఇచ్చారు. అందువల్ల జగన్ సభకు వచ్చీ రాగానే ప్రమాణ స్వీకారం చేసే అవకాశం కల్పించారు. అలా వచ్చారు.. ఇలా ప్రమాణ స్వీకారం చేశారు.. మళ్ళీ అలా వెళ్ళిపోయారు. కట్టె కొట్టె తెచ్చె అన్నట్టుగా సింపుల్‌గా జగన్ ప్రమాణ స్వీకార కార్యక్రమం ముగిసింది. శుక్రవారం నాడు అసెంబ్లీ ప్రవేశద్వారం ఎమ్మెల్యేల కార్లను అనుమతించడం లేదు. జగన్ సాధారణ ఎమ్మెల్యేనే కాబట్టి ఆయన కారును కూడా అసెంబ్లీ ప్రవేశ ద్వారం వరకు అనుమతించే అవకాశం లేదు. కొంత దూరం నడుచుకుంటూ ప్రవేశ ద్వారం దగ్గరకి రావలసి వుంటుంది. 
కానీ, జగన్మోహన్‌రెడ్డి కారును ప్రవేశద్వారం వరకు అనుమతించాలని చంద్రబాబు ఆదేశించారు. ఇలా జగన్మోహన్‌రెడ్డి గౌరవానికి ఎలాంటి భంగం కలగకుండా చూశారు.

ఇదే జగన్ అయితే ఇలా చేసేవారా? నిస్సందేహంగా చేసేవారు కాదు.. తన అహంకారాన్ని నిర్లజ్జగా ప్రదర్శించి వుండేవారు. రూల్స్ పాటించాల్సిందే అని నియంతలాగా మాట్లాడి వుండేవారు. ఇదేదో ఊహించడం కాదు.. గతంలో చాలా సందర్భాల్లో అసెంబ్లీలోనే ఇలాంటి ప్రవర్తనను జగన్‌లో అందరూ చూశారు. అంతేకాదు, సినీ ప్రముఖులు ఆయన దగ్గరకి వచ్చినప్పుడు అందరూ ఎక్కడో దూరంగా కార్లు ఆపుకుని, చాలాదూరం నడిచి ముఖ్యమంత్రి కార్యాలయంలోకి వెళ్ళాల్సి రావడం అంత త్వరగా మరచిపోయే విషయం కాదు. 

అధికారంలో వున్నా, అధికారంలో లేకపోయినా మనిషికి విలువని, గౌరవాన్ని పెంచేది సంస్కారమేనని జగన్ ఇప్పటికైనా తెలుసుకుంటే బాగుంటుంది. తనకు, చంద్రబాబు నాయుడికి తేడా ఏమిటో అర్థం చేసుకుంటే, తన ప్రవర్తనను దిద్దుకుంటే రాజకీయంగా ఉపయోగపడినా పడకపోయినా, ఒక మనిషిగా ఉపయోగపడుతుంది.

By
en-us Political News

  
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.