జనాలకు కనిపించరు సరే.. ఎమ్మెల్యేలకూ మొహం చాటేస్తారా?

Publish Date:Jun 9, 2022

Advertisement

వైసీపీ నేతలు, మాజీ మంత్రులు, ఎమ్మెల్యేలకు కూడా ఆంధ్రప్రదేశ్ సీఎం వైఎస్ జగన్ దర్శనం గగనమేనా?  తమ నియోజకవర్గాల సమస్యలు చెప్పుకోవాలనుకున్నా, ఇతర సమస్యల గురించి చర్చించాలనుకున్నా జగన్ అప్పాయింట్ మెంట్ దొరకడం దుర్లభమా?  అంటే తాజా మాజీ మంత్రి పేర్ని నాని మాటలు వింటే నిజమేనన పించక మానదు.   బుధవారం సీఎం జగన్ నిర్వహించిన వర్క్ షాప్ లో పలువురు ఎమ్మెల్యేలు నోరు విప్పి, తమ గోడు వినిపించడం విశేషం. ఇప్పటి వరకు కేవలం పార్టీ అధినేత జగన్ చెప్పిన మాటలకు జీ హుజూర్ అంటూ తలొగ్గిన ఒక్కొక్కరూ ఇప్పుడు నోరు మెదిపేందుకు సాహసిస్తున్నారనడానికి బుధవారం జరిగిన వర్క్ షాపే నిదర్శనం.
మాజీ మంత్రి పేర్ని నాని మాటల ప్రకారం చూస్తే.. వైసీపీ నేతలు ఎవర్నీ కూడా జగన్ దరికి రానివ్వడం లేదనేది స్పష్టం అవుతోంది. ప్రతి అంశానికీ సలహాదారుల్నే నమ్మడం, వారు చెప్పిందే వినడం, చేయడం తప్పిస్తే.. వాస్తవ పరిస్థితులను ప్రజా ప్రతినిధుల నోటి నుంచి వినేందుకు ఏమాత్రం జగన్ ఇష్టపడడం లేదని చెబుతున్నారు. తమ గోడు వినిపించుకునేందుకు ఒక్కొక్కరికీ ప్రత్యేకంగా సమయం కేటాయించకపోయినా.. కనీసం ద్వారం వద్దకు వచ్చి అయినా దర్శనం ఇస్తే.. ఒక్కోసారి కనీసం 20 మంది ఎమ్మెల్యేలు సీఎంను కలుసుకునే అవకాశం ఉంటుందని పేర్ని నాని చెప్పడంలోని వాస్తవాన్ని జనం అర్థం చేసుకుంటున్నారు. గతంలో జగన్ రెడ్డి తండ్రి దివంగత సీఎం వైఎస్ రాజశేఖరరెడ్డి ఇలాగే ద్వార దర్శనం ద్వారా ఎమ్మెల్యేలను పలకరించేవారని, ఆ విధానం అయినా కొనసాగిస్తే మంచిదని పేర్ని నాని జగన్ కు సూచించారు.

జగన్ నిర్వహించిన వర్క్ షాప్ లో పలువురు వైసీపీ ఎమ్మెల్యేలు, ప్రజా ప్రతినిధులు గొంతు విప్పి మాట్లాడారు. గడప గడపకు మన ప్రభుత్వం కార్యక్రమానికి వెళ్లినప్పుడు జనం తమను ముఖం మీదే మంచినీరు, రోడ్లు, డ్రైనేజీ , పొలాలకు దారుల గురించి ఎక్కడికక్కడ నిలదీస్తున్నారని, వారి ఆగ్రహాన్ని చల్లార్చడం తమ వల్ల కావడం లేదని కుండబద్దలు కొట్టినట్టు చెప్పారు.

ఇక వర్క్ షాప్ లో పలువురు ఎమ్మెల్యేలు వ్యక్తం చేసిన నియోజకవర్గాల సమస్యల విషయానికి వస్తే..  రాష్ట్రంలో విద్యుత్ కోతలు ఉన్నాయి. బోర్లు వేయించుకుంటామంటే విద్యుత్ శాఖ నుంచి మెటీరియల్ సకాలంలో ఇవ్వడం లేదని రైతులు చెబుతున్నారని, ఇసుక సమస్య కూడా ఉందని, ఇసుక డిపోల సంఖ్య పెంచాలని కందుకూరు ఎమ్మెల్యే మహీధర్ రెడ్డి సీఎం దృష్టికి తీసుకొచ్చారు. గడప గడపకు కార్యక్రంలో మంచినీళ్ల కోసం ప్రజలు, పొలాలకు వెళ్లేందుకు దారులు నిర్మించాలని రైతులు అడుగుతున్నారని మంత్రాలయం ఎమ్మెల్యే బాలనాగిరెడ్డి చెప్పారు. గిరిజన ప్రాంతాల్లో గిరిజనేతరులు కొనుక్కున్న ఇళ్ల స్థలాలకు పట్టాలివ్వడం లేదని, ఈ సమస్యకు పరిష్కారం చూపాలని పోలవరం ఎమ్మెల్యే బాలరాజు వాపోయారు. ఇలా తమ నియోజకవర్గం సమస్యలు చెప్పుకునేందుకు కూడా సీఎం జగన్ అవకాశం ఇవ్వడం లేదనే అసంతృప్తి వైసీపీ ప్రజాప్రతినిధుల్లో నివురుగప్పిన నిప్పులా మారిందంటున్నారు.

అయితే.. ఎమ్మెల్యేలకు సమయం ఇస్తుంటే.. ఒక్కొక్కరూ అరగంటకు పైగా మాట్లాతున్నారని, అలా అయితే.. ఎక్కువ మందితో మాట్లాడడం సాధ్యమయ్యే పనేనా? అని జగన్ అన్నారట. అందుకే కనీసం మీ తండ్రి మాదిరిగా ఒక్కోసారి 20 మంది ఎమ్మెల్యేలకైనా ద్వార దర్శనం కల్పించండి మహప్రభో అని పేర్ని నాని వాపోయారని సమాచారం. జనంలోకి ఎలాగూ రాని జగన్ కనీసం తన పార్టీ ప్రజాప్రతినిధులకు, ఎమ్మెల్యేలకైనా ముఖం చూపిస్తారో లేదో వేచిచూడాలి మరి?!

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.