దావోస్ వేదికగా జగన్, కేటీఆర్ రహస్య చర్చలు?

Publish Date:May 20, 2022

Advertisement

ఆంధ్ర ప్రదేదేశ్ ముఖ్యమంత్రి జగన్మోహన్ రెడ్డి దావోస్‌లో జరిగే వరల్డ్ ఎకనమిక్ ఫోరం సదస్సుకు బయలు దేరారు.. అయన కంటే ముందే తెలంగాణ ఐటీ పరిశ్రమల శాఖ మంత్రి కేటీఆర్ వయా యూకే, దావోస్’ కు పయనమయ్యారు. అయితే, ఉభయ తెలుగు రాష్ట్రాలకు చెందిన ఈ ఇద్దరు ముఖ్యనేతలు విదేశీ గడ్డమీద కలవడం యాదృచ్చికమా,లేక వ్యుహత్మకమా? జగన్ రెడ్డి, కేటీఆర్ ముందుగా అనుకునే దావోస్ ఎకనమిక్ ఫోరం వేదికను రాజకీయ చర్చలు, సంప్రదింపులకు వేదిక చేసుకున్నారా? అంటే, అదే నిజమని అంటున్నారు, రెండు పార్టీల లోగుట్టు తెలిసిన రాజకీయ విశ్లేషకులు. నిజానికి, కేటీఆర్’కు ఎకనమిక్ ఫోరం ఇన్విటేషన్ లేదని, జగన్ రెడ్డితో రహస్య చర్చలు జరిపేందుకు మేనేజ్ చేసి ఇన్విటేషన్ తెచ్చుకున్నారని అంటున్నారు.  

ఉభయ తెలుగు రాష్ట్రాలో అధికార పార్టీలు ప్రజాగ్రహాన్ని ఎదుర్కుంటున్నాయి. అందులో ఎవరికీ ఎలాంటి సందేహం లేదు. ఎన్నికలు ఎప్పుడు వచ్చినా, ఏపీలో వైసీపీ, తెలంగాణలో తెరాస ఓటమి తధ్యం అనేది గోడ మీద రాతలా స్పష్టంగా, క్లిస్టర్  క్లియర్ గా అందరికీ కనిపిస్తోంది. ఈ విషయంలో ఎవరికీ ఎలాంటి సందేహం లేదు.అదే, సమయంలో ఏపీలో చంద్రబాబు నాయుడు, తెలంగాణలో టీపీసీసీ చీఫ్ రేవంత్ రెడ్డి, రాజకీయ దూకుడు ప్రదర్శిస్తున్నారు.వ్యూహాత్మకంగా పావులు కదుపుతున్నారు.ఎ

న్నికకు ఇంకా సమయం ఉన్నా, ఐదేళ్ళు పాలించే  సత్తా ముఖ్యమంత్రి జగన్ రెడ్డికి /వైసీపీ లేదని తేల్చి చెప్పిన చంద్రాబాబు ముందస్తుకు సిదమై సత్తా చూపుతున్నారు. ఆయన ఎక్కడికి వెళితే అక్కడ ప్రజలు ఆయనకు బ్రహ్మరథం పడుతున్నారు. అదే విధంగా కేసీఆర్ ముందస్తుకు పోవడం ఖాయమని ముందుగానే నిర్ణయానికి వచ్చిన రేవంత్ రెడ్డి దూకుడు పెంచారు. అధిష్టానం అండదండలతో దూసుకు పోతున్నారు. కేసీఆర్’ని ఓడించే సత్తా ఒక్క రేవంత్ రెడ్డికి మాత్రమే ఉందని ప్రజలు సైతం ఒక నిర్ణయానికి వచ్చారు. ఈ నేపధ్యంలో చంద్రబాబు నాయుడు, రేవంత్ రెడ్డి, ఆ ఇద్దరే .. ఈ ఇద్దరు జగన్ రెడ్డి, కేసీఆర్’కు ప్రధాన, ప్రమాదకర రాజకీయ ప్రత్యర్ధులుగా మారారు.. అందుకే ఆ ఇద్దరిని  కట్టడి చేసేందుకు,గుట్టుచప్పుడు కాకుండా, ఉమ్మడి వ్యూహ రచన చేసేందుకు, జగన్ రెడ్డి, కేటీఆర్ దావోస్’ వేదికను ఎంచుకున్నారని విశ్వసనీయ వర్గాల ద్వారా తెలుస్తోంది.

ఇందులో ప్రధానంగా, పరస్పర సహకారంతో పాత కేసులను తిరగతోడి అటు చంద్రబాబును, ఇటు రేవంత్  రెడ్డిని రాజకీయంగా దెబ్బతీసే ప్రణాళికను సిద్దం చేస్తున్నట్లు తెలుస్తోంది. ఈ నేపధ్యంలో ఉభయ తెలుగు రాష్ట్రాల ముఖ్యమంత్రుల మధ్య, అధికార పార్టీల నడుమ సాగుతున్న పొలిటికల్’ క్విట్ ప్రొ కో గురించి రాజకీయ వర్గాల్లో  ఆసక్తికర చర్చ జరుగుతోంది. వివరాలోకి వెళితే .. ఉభయ తెలుగు రాష్టాల ముఖ్యమంత్రుల మధ్య రాజకీయ సయోధ్య మూడు పూవులు, ఆరు కాయలుగా విలసిల్లుతోందా? రాజకీయ అవసరాలు, ఓటమి భయం ఉభయ రాష్ట్రాల అధికార  పార్టీలను దగ్గర చేసిందా? ఆ ఇద్దరు ముఖ్యమంత్రులు,’నీకు నేను, నాకు నీవు’ అని యుగళ  గీతాలు పాడుకుంటున్నారా ? అంటే, రాజకీయ విశ్లేషకులు అవుననే అంటున్నారు.

రాజ్యసభ అభ్యర్ధుల ఎంపిక విషయంలో ఉభయ రాష్ట్రాల ముఖ్యమంత్రుల మధ్య కనిపించిన ఇచ్చి పుచ్చుకునే ధోరణి భవిష్యత్ రాజకీయాలకు సంకేతమనే మాట కుడా రాజకీయ వర్గాల్లో వినిపిస్తోంది. అంతే కాదు, మునకేసేందుకు సిద్దంగా ఉన్న ఓటి పడవలో పయనిస్తున్న ఇద్దరు ముఖ్యమంత్రులు  ఉభయ తెలుగు రాష్ట్రాలలో ఒకే సారి ఎన్నికలు నిర్వహించే దిశగా వ్యూహ రచన చేస్తున్నారని కూడా  రాజకీయ పండితులు విశ్లేషిస్తున్నారు. 

నిజానికి, ఆంధ్ర ప్రదేశ్ ముఖ్యమంత్రి జగన్మోహన్ రెడ్డి, తెలంగాణ ముఖ్యమంత్రి కేసేఅర్ మధ్య అది నుంచి కూడా, పైకి కనిపించక పోయినా, రాజకీయ స్నేహ సంబంధాలు ఒకే విధంగా ఉన్నాయి. ముఖ్యంగా ఎన్నికల సమయంలో, ఒకరికొకరు సహకరించుకుంటూనే ఉన్నారు. మధ్య మధ్యలో కాసింత ఎడం పాటించినా ఇద్దరు ఒకటిగానే అడుగులు వేస్తున్నారు. ఈ నేపధ్యంలోనే, 2019 అసెంబ్లీ ఎన్నికల సమయంలో  తెలంగాణ ముఖ్యమంత్రి కేసీఆర్, వైసీపీకి సంపూర్ణ స్నేహ హస్తం అందించారని అంటారు. జగన్ రెడ్డికి కేసీఆర్ వందల కోట్లలో ఆర్థిక సహాయం అందించారని, అంటారు. అందుకు ప్రతిఫలంగానే ఏపీలో అధికార పగ్గాలు చేపట్టిన వెంటనే  జగన్ రెడ్డి. ఉమ్మడి రాజధాని హైదరాబాద్ పై ఏపీకి ఉన్న సర్వ హక్కులను, ఆస్తులను ఉదారంగా వదిలేసుకున్నారు.

ఎన్నికల నిధులు సమకూర్చి నందుకు కృతజ్ఞతగా రాష్ట్ర ప్రయోజనాలను, ఆంద్ర ప్రజల ఆస్తులను తెలంగాణకు ధారాదత్తం చేశారు. ఆ విధంగా ఎన్నికల  ఋణం తీర్చుకున్నారు. ఇప్పడు కూడా ముందస్తు ఎన్నికలకు సిద్దమైతే, ఎన్నికల ఖర్చులో మేజర్ షేర్ ఇచ్చేందుకు తెరాస నుంచి స్పష్టమైన హామీ ఉందని వైసీపీ నాయకులే పిచ్చాపాటి ముచ్చట్లలో బయట పడి పోతున్నారు.

సరే అదలా ఉంటే ఇప్పుడు, ఏపీలో ప్రతిపక్ష నేత చంద్రబాబు, తెలంగాణలో పీసీసీ చీఫ్ రేవత్ రెడ్డి ఆయా రాష్ట్రాలలో అధికార పార్టీలకి గట్టి సవాలు విసురుతున్నారు. ఏపీలో చంద్రబాబు నాయుడు వ్యూహాత్మకంగా పావులు కదుపుతున్నారు. గత (2019 ఎన్నికల) అనుభవాన్ని దృష్టిలో పెట్టుకుని, అధికార వైసీపీ ఓటు చీలకుండా ఇతర పార్టీలతో పొత్తుకు సిద్డంవుతున్నారు.రాష్ట్రంలో మూడవ శక్తిగా అవతరిస్తున్న జనసేనతో పాటుగా, ఇతర ప్రతిపక్ష పార్టీలతో పొత్తుకు సిద్దమయ్యారు. అందుకే అవసరం అయితే త్యాగాలు సిద్దం కావాలని పార్టీ నాయకులకు పిలుపు నిచ్చారు. మరో వంక జనసేన కూడా తెలుగుదేశంతో పొత్తుకు సానుకులతను వ్యక్తపరిచింది. నిజానికి వైసేపీ వ్యతిరేక ఓటు చీలకుండా చూడాలనే ప్రతిపాదనను ముందుగా జనసేన అధినేత పవన్ కళ్యాణే తెరమీదకు తెచ్చారు.  ఇక తెలంగాణ విషయానికి వస్తే, ముందస్తు ఎన్నికలను ముందుగానే పసిగట్టిన పీసీసీ అధ్యక్షుడు రేవంత్ రెడ్డి దూకుడు పెంచారు. ముఖ్యంగా కాంగ్రెస్ పార్టీ అగ్ర యువ నేత రాహుల్ గాంధీ రాష్ట్ర పర్యటన తర్వాతా పార్టీలో మరింత జోష్ పెరిగింది.

అదికార పార్టీ నేతలు సైతం కాంగ్రెస్ వైపు చూస్తున్నారు. ఇప్పటికే టీఆర్‌ఎ్‌సకు చెందిన మంచిర్యాల జిల్లా పరిషత్‌ చైర్‌పర్సన్‌ నల్లాల భాగ్యలక్ష్మి, ఆమె భర్త మాజీ ఎమ్మెల్యే నల్లాల ఓదెలు, కాంగ్రెస్ పార్టీలో చేరారు.ఇందతా ఒకెత్తు అయితే, రాహుల్ గాంధీ చేతుల మీదుగా విదుదల చేసిన వరంగల్ డిక్లరేషన్, హస్తం చేతిలో పాశుపదాస్త్రంగా మారుతోందని పరిశీలకులు అంటున్నారు. రైతులు, వ్యవసాయ దారులు, గ్రామీణ ప్రజానీకం అందరూ, వరంగల్ డిక్లరేషన్’ కు జేజేలు పలుకుతున్నారు. 

ఇలా అక్కడ ఏపీలో చంద్రబాబు చాణక్యంతో ఇక్కడ రేవంత్ దూకుడు, రాహుల్ సంధించిన  వరంగల్ డిక్లరేషన్ పాశుపతాస్త్రాన్ని తట్టుకునేందుకు, కేసేఆర్, జగన్ రెడ్డి ఉమ్మడి వ్యూహంతో ముందుకు వెళుతున్నారు. అందులో భాగంగా దావోస్’ వేదికగా వ్యూహ రచన సాగుతోందని విస్వసనీయ వర్గాల ద్వారా తెలుస్తోంది. అయితే, ఇప్పటికే  చంద్రబాబు నిప్పులాగా బతికిన తనను ఎవరూ ఏమీ చేయలేరని స్పష్టం చేశారు. అలాగే రేవంత్ రెడ్డి కూడా కేసులకు భయపడే వ్యక్తి కాదని, అంటున్నారు. అయితే, ఓటమి భయం వెంటాడుతున్నకేసీఆర్, జగన్ రెడ్డి కలిసి ఏమి చేస్తారు.... జగన్ రెడ్డి, కేటీఆర్ వ్యూహం ఏమిటి అనేది  అనేది ఇప్పడు అందరి ముందున్న ప్రశ్న.

By
en-us Political News

  
మ‌ర‌ణానికి మ‌రింత ద‌గ్గ‌ర్లో వున్న తండ్రికి ర‌మ్ ఇచ్చి ఆనంద‌ప‌రిచింది పెన్నెలోప్‌ ఆన్‌!  చిన్న ప్ప‌టి నుంచి బిస్కెట్లూ, చాక్లెట్లు ఇచ్చి బ‌డికి పంపిన తండ్రి పెదాల మీద చివ‌రి చిర్న‌వ్వు  కోసం ఆన్ త‌న‌కు బొత్తిగా ఇష్టంలేని రమ్ ఇవ్వ‌క త‌ప్ప‌లేదు.
నాటకీయ పరిణామాల నడుమ జూన్ 30న మహా రాష్ట్ర ముఖ్యమంత్రిగా ప్రమాణస్వీకారం చేసిన, శివసేన తిరుగుబాటు నాయకుడు, ఏక్నాథ్ షిండే ఈ రోజు ( సోమవారం) రాష్ట్ర శాసన సభలో సభలో నిర్వహించిన బలపరీక్షలో నెగ్గారు. 164 మంది ఎమ్మెల్యేలు షిండే’కు మద్దతుగా నిలిచారు. మ్యాజిక్ ఫిగర్ (144) కంటే 20 ఎక్కువ ఓట్లు సాధించారు. ఆయన బలపరీక్షలో గెలుపొందినట్లు స్పీకర్ రాహుల్ నర్వేకర్ ప్రకటించారు. దీంతో షిండే తిరుగుబాటుతో మొదలైన మహా సంక్షోభం షిండే విజయంతో, ముగింపు కొచ్చింది. మరోవైపు, శివసేన చీఫ్ విప్గా సునీల్ ప్రభును తొలగించి.. భరత్ గోగావలేను నియమించిన నేపథ్యంలో ఠాక్రే వర్గం మరోసారి సుప్రీంకోర్టును ఆశ్రయించింది. ఈ కేసు విచారణ జూలై 11 న విచారణకు వస్తుంది. అయితే, కోర్టు తీర్పు ఎటు వచ్చినా, షిండే సర్కార్’ కు తక్షణ ముప్పు వచ్చే ప్రమాదం లేదని, న్యాయ కోవిదులు పేర్కొంటున్నారు.
బీజేపీ జాతీయ కార్యవర్గ సమావేశాల సందర్బంగా రెండు రోజుల పాటు ఇటు బీజేపీ, అటు తెరాస హైదరాబాద్ వేదికగా రాజకీయ సర్కర్ చేశాయి. ప్రజలతో సంబంధం లేని విన్యాసాలెన్నో చేశాయి. ప్లెక్సీల యుద్ధం నుంచీ కేంద్రం సహాయం వరకూ ఇరు పార్టీలూ పరస్పర విమర్శలలో పోటీ పడ్డాయి. కాషాయ దళం మొత్తం రావడం చుస్తే గులాబి కోటని ఆక్రమించుకోవడానికి రాజు తన బలం తో సైన్యం తో వచ్చి తన బలం ఏమిటో చూపించి నట్టు వుంది.ఆదివారం హైదరాబాద్ లో జరిగిన భారతియ జనతా పార్టీ విజయ సంకల్పసభ లో ప్రధాన మంత్రి నరేంద్రమోడి మాటలమయజాలం తో అందర్నీమాయలో పడేసారు .
కాల‌క్ర‌మంలో మొబైల్ ఫోన్ వ‌చ్చి అంద‌రికీ ఆత్మీయం అయి కూర్చుంది. చేతిలో మొబైల్ వుంటే లోక‌మంతా అర‌చేతిలో వున్న‌ట్టే అంటూ యాడ్స్ తో యువ‌త‌ను  విప రీతంగా ఆక‌ట్టుకోవ‌డంలో మొబైల్ కంపెనీలు లాభార్జ‌న బాట‌లో వున్నాయి. ఇపుడు రోజుకో కొత్త ర‌కం  ఐ ఫోన్‌లు చూస్తున్నాం. ఆట‌లు, పాట‌లు, సినిమాలు, సీరియ‌ళ్లు ఒక‌టేమిటి అంతా దానితోనే సాగిపోతోంది.  
ముఖ్యమంత్రి జగన్మోహన్ రెడ్డి, వైసీపీ ప్రభుత్వ ముఖ్య సలహాదారు, సజ్జల రామ కృష్ణా రెడ్డి, ఇంకో కీలక పదవిలో ఇంకొక రెడ్డి .. ఇలా పార్టీలో , ప్రభుత్వంలో అంతటా, ఆ రెండు అక్షరాలదే హవా... ఈమాటలు అన్నది, అంటున్నదీ ఎవరో కాదు, పార్టీ ఆవిర్భావం నుంచి వైసీపీలో క్రియాశీలంగా మెలుగుతూ, పార్టీ గెలుపు కోసం శక్తీ వంచన లేకుండా, అహర్నిశలు శ్రమించిన అన్య ‘కుల’ కార్యకర్తలు నాయకులు. ఇందులో ఎస్సీలున్నారు, ఎస్టీలున్నారు. ఓసీ లున్నారు. బీసీలు, మైనారిటీలున్నారు. అందరిలోనూ అసంతృప్తి వుంది. అయినా, ముఖ్యమంత్రి జగన్ రెడీ మాత్రం, అదేమీ పట్టించుకోవడం లేదు. దీంతో ఇప్పడు, అన్య సామాజిక వర్గాల నాయకులు, కార్యకర్తలు పునరాలోచనలో పడ్డారని తెలుస్తోంది.
తెలంగాణ గడ్డపై బీజేపీ జాతీయ కార్యవర్గ సమావేశాలు ముగిశాయి. ముగింపు సందర్భంగా పరేడ్ గ్రౌండ్స్ లో బీజేపీ నిర్వహించిన విజయ సంకల్ప సభ బ్రహ్మాండంగా విజయవంతమైంది. మోడీ ప్రసంగించిన ఆ సభకు జనసమీకరణలో రాష్ట్ర బీజేపీ విజయవంతమైంది. ప్రధాని మోడీ కూడా సభకు హాజరైన జనసందోహాన్ని చూసి ఉబ్బితబ్బిబ్బయ్యారు. సభా నిర్వహణ భేష్ అంటూ బీజేపీ రాష్ట్ర అధ్యక్షుడు బండి సంజయ్ ను భుజం తట్టి మరీ అభినందించారు. అదీ సభా వేదికపైనే. ఇది బండికి అనుకోని కానుక. అగ్రనేత, అందునా ప్రధాని మోడీ నుంచి భుజం తట్టి అభినందన అందుకోవడంతో ఆయన ఆనందం పట్టలేకపోయారు. కన్నీటి పర్యంతమయ్యారు.
అత్తమీద కోపం దుత్త మీద చూపించాడన్నది సామెత. కానీ ఢిల్లీకి చెందిన ధరమ్ వీర్ దహియా కుక్క మీద కోపం ఆ కుక్క యజమానుల మీద చూపించాడు. అలాగని కుక్కనూ వదిలేయలేదు. దానిమీదా దాడి చేసి తన కోపం తీర్చుకున్నాడు. మనిషిలోని పశుత్వానికి పరాకాష్టగా నిలిచే ఈ సంఘటనకు ఢిల్లీ వేదిక అయ్యింది. ఢిల్లీలోని పశ్చిమ విహార్ లో నివసించే ధరమ్ వీర్ దహియా ఉదయాన్నే వాకింగ్ కు వెళుతుంటే.. పొరుగింటి వారి కుక్క అతడిని చూసి మొరిగింది.
తెలంగాణ ముఖ్యమంత్రి కేసీఆర్’ కు గత కొంత కాలంగా దెబ్బ మీద దెబ్బ వరసగా ఎదురు దెబ్బలు తగులుతూనే ఉన్నాయి. జాతీయ స్థాయిలో రాజకీయాలను ప్రభావితం చేయాలనే ఆలోచన వచ్చింది మొదలు, ప్రతి అడుగులో అవరోధాలు,అవమానాలు ఎదురవుతున్నాయి. ప్రాంతీయ పార్టీలను కలుపుకుని, కాంగ్రెస్, బీజేపీలకు ప్రత్యాన్మయంగా ప్రాంతీయ పార్టీల జాతీయ ఫ్రంట్ ఏర్పాటు చేసిన ప్రయత్నాలు ఫలిచలేదు. జాతీయ పార్టీ, జాతీయ ప్రత్యాన్మాయ ప్రణాళిక ఆలోచనలు ఎక్కడవేసిన గొంగళి అక్కడే అన్నట్లు ఫార్మ్ హౌస్ గడప దాట లేదు.మరోవంక వరితో మొదలైన కేంద్రం పై యుద్ధం ఆశించిన ఫలితం సాధించలేక పోయింది. ఇక ఇప్పడు తాజాగా, రాష్ట్ర రాజధాని, భాగ్యనగరంలో బీజేపీ జాతీయ కార్యవర్గ సమావేశాలు నిర్వహించాలనే నిర్ణయం జరిగిన మరు క్షణం నుంచి, కేసీఆర్, కేటీఆర్ బీజేపీని బద్నాం చేయడమే ధ్యేయంగా పావులు కదుపుతూ వచ్చారు. అయితే చివరాఖరుకు, కథ అడ్డం తిరిగింది. బీజేపీని, ప్రధాని మోడీని బద్నాం చేసేందుకు, ఫ్లెక్సీల యుద్ధం చేసినా, రాష్ట్రపతి ఎన్నికల్లో పోటీచేస్తున్న ప్రతిపక్షాల ఉమ్మడి అభ్బ్యర్ది యశ్వంత్ సిన్హా తీసుకొచ్చి హడావిడి చేసినా, అదే అదనుగా ప్రధాని మోడీ పై ‘’సేల్స్ మ్యాన్’ వంటి విమర్శలు చేసినా, జాతీయ, అంతర్జాతీయ విషయాలు అన్నింటినీ కలబోసి ప్రశ్నలు సంధించినా, చివరకు, వృధా ప్రయాసే మిగిలిందని, తెరాస నేతలే ముఖం చిన్నబుచ్చుకుంటున్నారు.
బీజేపీ. జనసేనల మధ్య దూరం పెరిగిందా? ప్రధాని మోడీ భీమవరం పర్యటనకు, ఆయన పాల్గొనే భారీ బహిరంగ సభకు జనసేనాని పవన్ కల్యాణ్ కు అందుకే ఆహ్వానం అందలేదా? అన్న ప్రశ్నలకు రాజకీయ పండితులు ఔననే సమాధానం ఇస్తున్నారు. ఇప్పటి కిప్పుడు ఆ రెండు పార్టీలూ కూడా తమ మధ్య మైత్రి చెడిందని బహిరంగంగా ప్రకటించకపోయినా.. జనసేన, బీజేపీల మధ్య సంబంధాలు బెడిసాయనడంలో ఎటువంటి సందేహం లేదని వారు నొక్కి వక్కాణిస్తున్నారు. ప్రధాని మోడీ ఏపీలో పర్యటిస్తున్నా..జనసేనాని పవన్ కల్యాణ్ ఆ ఛాయలకు కూడా వెళ్లకపోవడాన్ని ఇందుకు నిదర్శనంగా వారు చూపుతున్నారు. తాను భీమవరంలో అల్లూరి విగ్రహావిష్కరణ కార్యక్రమానికి వెళ్లలేకపోవడానికి బిజీ షెడ్యూల్ కారణమని పవన్ కల్యాణ్ చెబుతున్నా.. ఇరు పార్టీల మధ్యా సఖ్యత ఉండి ఉంటే షెడ్యూల్ మార్చుకునైనా పవన్ కల్యాణ్ హాజరై ఉండేవారని వారు విశ్లేషిస్తున్నారు. వాస్తవానికి అల్లూరి విగ్రహావిష్కరణకు పవన్ హాజరౌతారనీ, మోడీతో వేదిక పంచుకుంటారనీ మొదటి నుంచీ జనసేన వర్గాలు చెబుతూ వస్తున్నాయి. అయితే ఇటీవలి కాలంలో ముఖ్యమంత్రి అభ్యర్థిత్వంపై బీజేపీ, జనసేనల మధ్య జరిగిన మాటల యుద్ధంతో ఇరు పార్టీల మధ్యా సఖ్యత చెడింది. ఆ తరువాతే పవన్ కల్యాణ్ వరుస కార్యక్రమాలతో బిజీ అయ్యారు.
మొత్తానికి బిజెపి యావ‌త్ సైన్యం వ‌చ్చి చేసిన త‌ప్పుడు ప్ర‌చారాలు, ఊక‌దంపు ప్ర‌సంగాల వ‌ల్ల తెలంగా ణాకు, టిఆర్ ఎస్‌కు వ‌చ్చే న‌ష్టం శూన్యం.  ప్ర‌తిగా బిజెపీ వ‌ర్గాలే న‌ష్ట‌పోయే అవ‌కాశాలున్నాయి. తెలం గాణా ఏర్పాట‌యిన‌ప్ప‌టి నుంచి కేంద్రం పెద్ద‌గా స‌హ‌క‌రించిందేమీ లేద‌ని, ఇపుడు మ‌రింత రాజ‌కీయ వైఫల్యాన్ని బిజెపీ స్వ‌యంగా ఇంత దూరం వ‌చ్చి తెలంగాణాలో బ‌య‌ట‌ప‌డ‌టం ప‌ట్ల అంతా న‌వ్వుకుం టున్నారు
ఆజాదీ కా అమృత్ మహోత్సవ్ లో భాగంగా భీమవరంలో సోమవారం జరగనున్న అల్లూరి సీతారామరాజు విగ్రహావిష్కరణ కార్యక్రమంలో ప్రధాని మోడీ పాల్గొంటున్న సంగతి తెలిసిందే. ఈ సందర్భంగా జరిగే సభలో స్థానిక ఎంపీ రఘురామకృష్ణం రాజుకు చోటు లేదని తేలిపోయింది. ఈ సభలో వేదికపై కూర్చునే ప్రముఖుల పేర్లు ఖరారయ్యాయి. వారిలో రఘురామకృష్ణం రాజు పేరు లేదు. ప్రధాని సభలో ప్రొటోకాల్ ప్రకారం స్థానిక ఎంపీకి అవకాశం ఉండాలి. అయితే అందుకు భిన్నంగా సభలో ప్రధానితో పాటు వేదికపై కూర్చునే ప్రముఖుల పేర్లలో రఘురామకృష్ణం రాజు పేరు లేదు.
తెరాస పార్టీకి ఇప్పుడు సొంత గడ్డ తెలంగాణలోనే ఎదురుగాలి వీస్తున్నదా అన్న ప్రశ్నకు పరిస్థితులు గమనిస్తే అవుననే సమాధానం ఇవ్వాల్సి వస్తున్నదని పరిశీలకులు అంటున్నారు. 2018 ఎన్నికలకు ముందు, ఆ తరువాత కేసీఆర్ ఆపరేషన్ ఆకర్ష్ పేరిట రాష్ట్రంలో విపక్షాలను ఖాళీ చేయడానికి అనుసరించిన వ్యూహమే ఇప్పుడు బూమరాంగ్ అవుతున్న పరిస్థితి కనిపిస్తున్నదంటున్నారు. గతంలో కాంగ్రెస్ నుంచి పెద్ద ఎత్తున టీఆర్ఎస్ లోకి వలస వచ్చిన నేతలు ఒక్కరొక్కరుగా తిరిగి సొంతగూటికి చేరుతున్న పరిస్థితులు కనిపిస్తున్నాయి. ఇప్పటికే వలసలు ప్రారంభమయ్యాయని చెప్పవచ్చు.
కోర్టులు ఆదేశించినా, ఏకంగా పీఎంవో నుంచే అవరోధాలు సృష్టించవద్దంటూ ఆదేశాలు వచ్చినా జగన్ సర్కార్ నర్సాపురం ఎంపీ రఘురామరాజును వదలడం లేదు. ఆయన ఎట్టి పరిస్థితుల్లోనూ భీమవరంలో జరగనున్న అల్లూరి సీతారామరాజు విగ్రహావిష్కరణ కార్యక్రమానికి రాకుండా చేయాలని ‘ఔట్ ఆఫ్ ది వే’ ప్రయత్నాలను ఆపడం లేదు. ఆజాదీ కా అమృత్ మహోత్సవ్ లో భాగంగా భీమవరంలో సోమవారం అల్లూరి సీతారామరాజు విగ్రహావిష్కరణ కార్యక్రమానికి ప్రధాని మోడీ హాజరౌతున్నారు. ప్రొటో కాల్ ప్రకారం స్థానిక ఎంపీ ఆ కార్యక్రమంలో పాల్గొనాల్సి ఉంది. అందుకు ఎంపి రఘురామకృష్ణం రాజు అన్ని విధాలుగా ప్రయత్నాలు చేసి.. కోర్టు నుంచి కూడా లైన్ క్లియర్ చేసుకున్నారు. కోర్టు ఎంపీని అరెస్టు చేయవద్దంటూ స్పష్టమైన ఆదేశాలు ఇవ్వడంతో ఆయన భీమవరం వచ్చేందుకు నిర్ణయించుకున్నారు. అయితే రాష్ట్ర ప్రభుత్వం మాత్రం ఎట్టి పరిస్థితుల్లోనూ ఆయనను భీమవరం కార్యక్రమానికి హాజరు కాకుండా అడ్డుకోవాలనే నిర్ణయించింది. దీంతో కోర్టు తీర్పును లెక్క చేయకుండా అన్ని ప్రయత్నాలు చేస్తోంది. ఎంపీని అరెస్టు చేయవద్దంటూ కోర్టు ఆదేశాలు వచ్చిన మరుసటి రోజునే భీమవరంలోని రఘురామకృష్ణంరాజు ఇంటి ముందు రోడ్డు ప్రభుత్వం ఆదేశాలతో తవ్వేశారు.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.