దాగుడుమూత దండాకోర్ సినిమా చూపిస్తున్న జగన్ సర్కార్!

Publish Date:Nov 17, 2023

Advertisement

ఇకపై ప్రభుత్వానికి సంబంధించిన అన్ని శాఖలూ తమ తమ ఉత్తర్వులను ఏపీ గెజిట్ వైబ్ సైట్ లో అప్లోడ్ చేయాలని ఏపీ ప్రభుత్వం ఆదేశించింది. ప్రభుత్వ ఉత్తర్వులను అప్ లోడ్  చేయకపోవడంపై సాధారణ పరిపాలనా శాఖ (జిఏడీ) అభ్యంతరం వ్యక్తం చేసినట్లు వెల్లడించిన ప్రభుత్వం ఇకపై అన్ని జీవోలు క్రమం తప్పకుండా గెజిట్ వెబ్ సైట్లో పొందుపరచాలని పేర్కొంది. కొన్ని ప్రభుత్వ విభాగాలు జీవోలు అప్ లోడ్ చేయకపోవడంపై అభ్యంతరం వ్యక్తం చేసిన జీఏడీ.. ఇకపై అన్ని జీవోలు అప్లోడ్ చేయాలని పేర్కొంది. దాంతోపాటు జీవోఎంఎస్, జీవోఆర్టీలను నిరంతరం అప్ లోడ్ చేయాలని జీఏడీ నోట్ విడుదల చేసింది. 2022 ఫిబ్రవరి 1 నుంచి నేటి వరకు జారీచేసిన జీవోలను వెంటనే సైట్ లో పెట్టాలని ఆదేశించింది. జీవోలు అప్ లోడ్  చేయడమే కాకుండా, వాటి వివరాలు కేబినెట్ సెక్షన్ అధికారికి పంపాలని వివరించింది. జీవోలు అప్ లోడ్  చేయకపోతే.. ఇన్ చార్జీలను బాధ్యులను చేస్తామని హెచ్చరించింది. ఏపీ ప్రభుత్వం జారీ చేసే పలు జీవోలు పబ్లిక్ కి తెలియడం లేదని, ప్రజలకు అందుబాటులో ఉండడం లేదని హైకోర్టు తప్పు పట్టిన నేపథ్యంలో హడావిడిగా వివిధ శాఖలకు జీఏడీ ఈ నోట్ విడుదల చేసింది.

అయితే  జీవోలపై ప్రభుత్వం ఇలాంటి హెచ్చరికలు చేయడం ఇదే మొదటి సారి కాదు. కోర్టులలో ఈ కేసు విచారణకు వచ్చిన ప్రతిసారీ ప్రభుత్వం ఇదే తరహా హెచ్చరికలు చేస్తూ వస్తోంది. కానీ  ఆచరణ మాత్రం సూన్యం.  గతంలొ 2021 సెప్టెంబర్ 7న ఒకసారి ఇలాగే అన్ని ప్రభుత్వ శాఖలను హెచ్చరిస్తూ ఆదేశాలిచ్చారు. అన్ని శాఖలు తమ పరిధిలోని అన్ని జీవోలు ఏపీ గెజిట్ వైబ్ సైట్ లో పొందు పరచాలని ఆదేశించారు. కానీ చాలా జీవోలు ప్రజలకు కనిపించడం లేదు. ఆ తర్వాత 2022లోనూ సాధారణ పరిపాలన శాఖ ఇదే ఆదేశాలు ఇచ్చింది. కానీ  జీవోలు మాత్రం ఏపీ గెజిట్ వెబ్ సైట్లో కనిపించలేదు.   ఈ ఏడాది మే నెలలోలో కూడా జీవోల అప్ లోడింగ్ పై ప్రభుత్వ శాఖలకు మరోసారి ఆదేశాలు జారీ  అయ్యాయి. అయినా ఇప్పటికీ పరిస్ధితిలో మార్పు లేదు.  జీవోలు అప్ లోడ్ చేయకపోవటాన్ని ఇటీవలే హైకోర్టు తప్పుపట్టిన నేపథ్యంలో ఇప్పుడు మరోసారి హడావిడిగా వివిధ శాఖలకు జీఏడీ అన్ని జీవోలు అప్ లోడ్ చేయాలని ఆదేశిస్తూ  నోట్ విడుదల చేసింది. దీంతో ఇప్పుడు ఈ ఆదేశాలు కూడా ఉతుత్తి ఆదేశాలేనా? అన్న అనుమానాలు వ్యక్తం అవుతున్నాయి.  

ప్రభుత్వం ప్రతీ రోజూ పలు అంశాలపై వివిధ నిర్ణయాలు తీసుకుంటుంది. ఆ నిర్ణయాలను జీవోల రూపంలో  విడుదల చేస్తుంది. ఈ జీవోల ఆధారంగానే సంబంధిత వ్యక్తులు, సంస్ధలు, అధికారులు నిర్ణయాలు తీసుకుంటారు. వీటిని గతంలో జీవోఐఆర్ వెబ్ సైట్ లో అప్ లోడ్ చేసే వారు. కానీ వైసీపీ ప్రభుత్వం అధికారంలోకి వచ్చాక 2021లో పలు మార్పులు చేసి ఏపీ గెజిట్ పేరుతో కొత్త వెబ్ సైట్  తీసుకువచ్చింది. సైట్ పేరు అయితే మారింది కానీ  జీవోలు మాత్రం అప్ లోడ్ కావడం లేదు. దీనిపై చాలా కాలంగా ఫిర్యాదులు ఉన్నాయి. ఈ నాలుగున్నరేళ్ల జగన్ మోహన్ రెడ్డి ప్రభుత్వంలో ఈ అంశంపై ఇప్పటికే పదిసార్లు ఫిర్యాదులు, పదుల సంఖ్యలో ఆదేశాలు ఇచ్చారంటే ఇది ఏ స్థాయిలో  వివాదాస్పదం అయ్యిందో అర్ధం అవుతుంది. ప్రభుత్వం ఎన్నిసార్లు ఆదేశాలిచ్చినా పూర్తిస్థాయిలో జీవోలు అప్ లోడ్ కావడం లేదు. వాస్తవానికి ప్రభుత్వమే మా ఆదేశాలు ఉత్తుత్తివే.. జీవోలు అప్ లోడ్ ప్రశక్తేలేదన్న విధంగా వ్యవహరిస్తోందని పరిశీలకులు విశ్లేషిస్తున్నారు.   చాలాసార్లు రహస్య జీవోలు తెచ్చి ఆయా శాఖలకు ఆదేశాలివ్వడం, ఆ శాఖ గుట్టుచప్పుడు కాకుండా అమలు చేయడం జరిగిపోతుంది. అలాంటి రహస్య జీవోలకు కూడా నంబరు ఉంటుంది కానీ  అందులో కంటెంట్‌ మాత్రం కనపడదు.   ఈ ప్రభుత్వంలో  జీవోలు ఏవీ కూడా వెబ్ సైట్ లో అందుబాటులో ఉండడం లేదు.

దీంతో ఇప్పుడు జీవోలన్నీ విడుదల చేయమంటూ ప్రభుత్వం ఇచ్చిన ఆదేశాలు కూడా ఉత్తుత్తివేనన్న అభిప్రాయమే సర్వత్రా వినవస్తోంది.  జగన్ ప్రభుత్వం తీసుకొనే పలు నిర్ణయాలపై మీడియాలో చర్చ జరగడం, సోషల్‌ మీడియాలో ట్రోల్‌ అవడం, కోర్టుల్లో వ్యతిరేక తీర్పులు రావడం తెలిసిందే. దీంతో ఈ జీవోల రూపంలో ప్రజలు వాస్తవాలు తెలుసుకోవడం అధికార పార్టీకి ఇబ్బందికరంగా మారింది. దీంతో ఏపీ గెజిట్ లో జీవోలను అప్ లోడ్  చేయడం మానేశారు. ప్రభుత్వం ఇష్టం వచ్చినట్లుగా నిర్ణయాలు తీసుకోవడం.. ఆయా శాఖలు ఆ ఆదేశాలను అమలు చేయడం జరిగిపోతున్నది. కానీ ప్రజలకే అసలు విషయం తెలియడం లేదు. ప్రభుత్వానికి పారదర్శకత చాలా అవసరం. కానీ  జగన్ సర్కార్ లో అదే లోపించింది. దీంతో హైకోర్టు ఆగ్రహించి ప్రభుత్వాన్ని తీవ్రంగా హెచ్చరించింది. ఆ వెంటనే ప్రభుత్వం అన్ని శాఖలకు మరోసారి ఆదేశాలిచ్చింది. కానీ, ఈ ఆదేశాలు అమలవుతాయా అంటే  మాత్రం అనుమానమే అన్న సమాధానమే వస్తోంది. 

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.