దేవినేని అవినాష్ ను బుక్ చేసేసిన జగన్!

Publish Date:Feb 19, 2025

Advertisement

ఆంధ్రప్రదేశ్ మాజీ ముఖ్యమంత్రి, పులివెందుల ఎమ్మెల్యే జగన్ తానేం చేస్తున్నారో తనకే తెలియని స్థితిలో ఉన్నారు. ఫ్రస్ట్రేషన్ పీక్స్ కు చేరిపోయి.. ఏం మాట్లాడుతున్నారో? ఎక్కడ మాట్లాడుతున్నారో? తెలియని అయోమయస్థితికి చేరుకున్నారా? అంటే వైసీపీ క్యాడర్ నుంచే ఔనన్న సమాధానం వస్తోంది. 

జగన్ మంగళవారం (ఫిబ్రవరి 18) విజయవాడ జిల్లా జైలుకు వెళ్లి వల్లభనేని వంశీతో ములాఖత్ ద్వారా భేటీ అయ్యారు. ఆ తరువాత జైలు బయట విలేకరులతో మాట్లాడారు. కూడా తెచ్చుకున్న స్క్రిప్ట్ ను తడబడుతూ చదివేశారు. పేరుగా మీడియా సమావేశం అంటారు  కానీ, ఆ మీడియా సమావేశానికి జగన్ అనుకూల మీడియా ప్రతినిథులు వినా మరెవరూ రావడానికి వీల్లేకుండా అన్ని జాగ్రత్తలూ తీసుకుంటారు. అందుకే జిల్లా జైలు వద్ద జగన్ ను మీడియా అడిగిన ప్రశ్నలన్నీ ఆయనకు అనుకూలంగానే ఉన్నాయి.

సరే జగన్ నోరు తెరిచారంటే చంద్రబాబు, లోకేష్ లపై ఊకదంపుడు విమర్శలు ఉంటూనే ఉంటాయి. విజయవాడ జిల్లా జైలు వద్ద జగన్ ప్రసంగంలో కూడా అవి అలాగే ఉన్నాయి. అయితే ఈ సారి ఆయన ఆవేశంలోనో, అనాలోచితంగానో సొంత పార్టీకి చెందిన దేవినేని అవినాష్ ను ఇరికించేశారు. ఇహనో ఇప్పుడో అవినాష్ అరెస్టు కాక తప్పని పరిస్థితిని స్వయంగా క్రియేట్ చేశారు. జగన్ హయాంలో ఇష్టారీతిగా రెచ్చిపోయి దాడులకు పాల్పడిన కేసుల్లో అవినాష్ కూడా నిందితుడిగా ఉన్నారు.  అయితే ఆ కేసులకు సంబంధించి అవినాష్ అరెస్టు ఇప్పుడప్పేడే ఉండదని అంతా భావిస్తున్నారు. వల్లభనేని వంశీ వంతు అయిపోయింది. తరువాతి వంతు కొడాలి నానిది అని వైసీపీ వర్గాలే భావిస్తున్నాయి. స్వయంగా కొడాలి నాని కూడా అదే ఉద్దేశంతో ఉన్నారు. లోన వణికి పోతున్నా మేకపోతు గాంభీర్యం ప్రదర్శిస్తూ అరెస్టులంటే భయం లేదని చెబుతున్నారు.

కానీ దేవినేని అవినాష్ మాత్రం ఎక్కడా నోరెత్తడం లేదు. పార్టీ కార్యక్రమాలలోనూ క్రియాశీలంగా పాల్గొనడం లేదు. చాలా చాలా లో ప్రొఫైల్ మెయిన్ టైన్ చేస్తూ పోలీసుల దృష్టిలో పడకుండా.. ఇంకా స్పష్టంగా చెప్పాలంటే నక్కినక్కి అన్నట్లుగా రోజులు వెళ్లదీస్తున్నారు. అయితే పార్టీ అధినేత జగన్ వచ్చారు కనుక తప్పదన్నట్లు గన్నవరం విమానాశ్రయంలో ఆయనకు స్వాగతం పలికారు. ఆ తరువాత విజయవాడ జిల్లా జైలు వద్దకూ వెళ్లి జగన్ పక్కన నిలబడ్డారు. అంత మాత్రం దానికే జగన్ త్వరలో అరెస్టు కాబోయే వాళ్లలో దేవినేని అవినాష్ కూడా ఉన్నారని ప్రకటించేశారు. ఇంతకీ ఆయనను ఎందుకు అరెస్టు చేస్తారంటూ ఆయన అందంగా ఉన్నాడు కనక, ఆయనకు ప్రజలలో గ్లామర్ ఉంది కనుక అంతే కాకుండా ఆయన రాజకీయంగా ఎదుగుతున్నారు కనుక అని జగన్ చెప్పారు. అందం, గ్లామర్, రాజకీయంగా ఎదుగుదల విషయాలెలా ఉన్నా.. ఆయనపై కేసులు ఉన్నాయన్న విషయాన్ని జగన్ చాటారు. తద్వారా అరెస్టు చేసే దమ్ముందా? అని పోలీసులకు సవాల్ విసిరారు.  అరెస్టు చేస్తే తాను మళ్లీ అధికారంలోకి వచ్చిన తరువాత లెక్క తేలుస్తానని హెచ్చరించారు.  తద్వారా పోలీసులకు ఇక అవినాష్ కేసులపై దృష్టి సారించక తప్పని పరిస్థితి కల్పించారు. జగన్ పక్కనే నిలబడి ఆయన ప్రసంగం విన్న అవినాష్ కచ్చితంగా తలపట్టుకునే ఉంటారు. గుట్టుగా గడుపుతున్న తనను రోడ్డుకు లాగి, అరెస్టయ్యే పరిస్థితికి తీసుకువచ్చినందుకు ఆయన మనసులో జగన్ ను తిట్టుకునే ఉంటారు.   

By
en-us Political News

  
సాధారణంగా   నాయకులు, తాము ప్రజలకు చేయగల పనుల విషయంలో వాస్తవికత వదిలేసి అతిశయోక్తులతో, అతి అంచనాలతో గొప్పలు చెప్పుకుంటుంటారు.
మొత్తం 28 జడ్పీ అధ్యక్ష, ఉపాధ్యక్ష స్థానాలకు జరిగిన ఎన్నికల్లో తెలుగుదేశం, జనసేన, బీజేపీ కూటమి 27 చోట్ల విజయం సాధించి తిరుగులేని ఆధిపత్యాన్ని ప్రదర్శించింది.  
అదానీతో సంబంధాలపై   రేవంత్ రెడ్డి స్పష్టత ఇచ్చారు. తెలంగాణలో అదానీ పెట్టుబడుల ద్వారా స్థానిక ప్రజలకు ఉపాధి అవకాశాలు కల్పిస్తున్నామని, ప్రజాధనాన్ని దోచి అదానీకి కట్టబెట్టే విధానం తమది కాదని స్పష్టం చేశారు. తెలంగాణలో బీజేపీకి బలమైన ఉనికి లేదని, ఇటీవలి జూబ్లీహిల్స్ ఉప ఎన్నికలో బీజేపీ డిపాజిట్ కూడా కోల్పోవడమే ఇందుకు నిదర్శనమన్నారు.
పోలీసుల హెచ్చరికలు, ఆంక్షలను బేఖాతరు చేస్తూ ఆయన భారీ కాన్వాయ్‌తో అక్కడికి రావడంపై స్థానిక ప్రజలు, తెలుగుదేశం వర్గీయులు  ఆగ్రహం వ్యక్తం చేశారు.  ఎంపీ కాన్వాయ్ ను అడ్డుకునే ప్రయత్నం చేశారు. ఈ సందర్భంగా  అంకాలమ్మ గూడూరులో ఘర్షణ వాతావరణం నెలకొంది. 
ఇదే వేదికపై నుంచి   544.11 కోట్ల రూపాయల విలువైన అభివృద్ధి పనులకు శంకుస్థాపనలు, ప్రారంభోత్సవాలు చేసిన రేవంత్ రెడ్డి,  ఇందిరమ్మ కుటుంబ జీవిత బీమా పథకాన్ని కూడా   ప్రారంభించారు.
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.