హిజాబ్ వివాదం తెలంగాణకు చేరిందా?

Publish Date:Feb 10, 2022

Advertisement

కర్ణాటకలో ఓ పాఠశాలలో మొదలైన హిజాబ్ వివాదం ఇప్పుడు ఆ రాష్ట్రం మొత్తాన్ని అతలాకుతలం చేస్తోంది. హైకోర్టు కూడా సమస్య తీవ్రరూపం దాల్చే ప్రమాదం ఉందని గుర్తించినట్లు కనిపిస్తోంది. మరోవంక ప్రభుత్వం విద్యా సంస్థలకు సెలవు ప్రకటించి..సమస్యను చల్లార్చే ప్రయత్నం చేస్తోంది. 

అయితే, సమస్య చల్లారక పొగ సరిహద్దులు దాటే ప్రమాదం ఉందనే ఆందోళన వ్యక్తమవుతోంది. కర్ణాటక పరిణామాలపై రాష్ట్ర స్థాయిని, జాతీయ స్థాయిని దాటి అంతర్జాతీయ స్థాయిలో వ్యాఖ్యలు, విమర్శలు వినిపిస్తున్నాయి. తెలంగాణలో రాష్ట్ర మీడియా కూడా కర్ణాటక పరిణామాలపై ఫోకస్ పెట్టింది.   
ఈ నేపధ్యంలో మహబూబ్ నగర్ జిల్లా జడ్చర్ల ఎమ్మెల్యే లక్ష్మారెడ్డి హిజాబ్‌ వివాదం పై చేసిన వ్యాఖ్యలు సంచలనంగా మారాయి. 

కర్ణాటక పరిణామాలు తెలంగాణలోకి వ్యాపిస్తాయేమో అనే అనుమానం, ఆందోళన వ్యక్తం చేశారు ఎమ్మెల్యే లక్ష్మారెడ్డి. తాము కూడా హిందువులమే అయినా బీజేపీ కారణంగా జై శ్రీరాం అనలేక పోతున్నామని సంచలన వ్యాఖ్యలు చేశారు. బీజేపీ ఓట్ల కోసం స్వార్థబుద్ధితో కర్ణాటకలో హింసను ప్రేరేపిస్తుందని ఆయన ఆరోపించారు. రెండు మతాలకు చెందిన విద్యార్థులు కొట్టుకునే స్థాయికి దిగజార్చిందని ఆవేదన వ్యక్తం చేశారు. ఆ గొడవ ప్రశాంతంగా ఉన్న తెలంగాణలో మొదలైతే.. హైదరాబాద్‌లో కర్ఫ్యూ పరిస్థితులు తలెత్తితే ఎవరు బాధ్యత వహిస్తారని ఎమ్మెల్యే ల‌క్ష్మారెడ్డి ప్రశ్నించారు. 

అదలా ఉంటే, తెలంగాణలోనూ హిజాబ్‌ వివాదం తలెత్తే ప్రమాదం ఉందన్న సంకేతాలు స్పష్టమవుతున్నాయి. హైదరాబాద్ ఎంపీ, ఎంఐఎం అధ్యక్షుడు అసదుద్దీన్ ఒవైసీ హిజాబ్’కు అనుకూలంగా స్పందించారు. ఆయన తమదైన శైల్లో విద్యార్ధినులను రెచ్చగొట్టే ప్రయత్నం చేశారు. అది ముస్లిమ్ల్ హక్కని పేర్కొన్నారు. మరోవంక హైదరాబాద్ లోనూ ముస్లిం విద్యార్థినులు హిజాబ్’కు అనుకూలంగా గొంతు విప్పుతున్నారు. హిజాబ్‌ భారత రాజ్యాంగం ఇచ్చిన హక్కుగా ముస్లిం విద్యార్థినులు పేర్కొన్నారు. కర్ణాటకలో ముస్లిం విద్యార్థినులు హిజాబ్‌ ధరించి పాఠశాలలు, కళాశాలకు రావడంపై  తీవ్ర అభ్యంతరాలు వ్యక్తమవుతున్న నేపథ్యంలో హైదరాబాద్‌లో నిరసనలు మొదలయ్యాయి. సైదాబాద్‌లోని ఉజాలేషా దర్గాలో ముస్లిం మహిళలు సామూహిక ప్రార్థనలు నిర్వహించారు. చార్మినార్‌ సమీపంలోని యునానీ నిజామియా టిబ్బి కాలేజీ విద్యార్థినులు నిరసన తెలిపారు. ఈ పరిణామాలను గమనిస్తే, కర్ణాటక తర్వాత హిజాబ్ అగ్గి రాజుకునేది హైదరాబాద్ లోనే అనే అనుమానాలు వినవస్తున్నాయి.

By
en-us Political News

  
విజయవాడలో ప్రతిష్ఠాత్మక రామోజీ ఎక్స్‌లెన్స్ అవార్డుల ప్రదానోత్సవం ఘనంగా నిర్వహించారు.
ఆన్‌లైన్ పరిచయం.. చాటింగ్‌తో స్నేహం.. వీడియో కాల్స్‌తో నమ్మకం.. ఆ తర్వాత ఇంటికి ఆహ్వానం. అంతా సజావుగా సాగుతున్నట్లే కనిపిస్తుంది. కానీ ఆ పరిచయాల వెనుక ఉన్నది స్నేహం కాదు
హైదరాబాద్ వేదికగా ఇటీవల జరిగిన భారత్ సమ్మిట్‌ 2026లో చోటుచేసుకున్న పరిణామాలు రాజకీయ వర్గాల్లో తీవ్ర చర్చకు దారితీశాయి.
సినిమాను తలపించిన నగల దొంగతనం..పట్టించిన పచ్చబొట్టు.!
హైదరాబాద్ నగరవాసులకు, ముఖ్యంగా బిర్యానీ ప్రియులకు భారీ షాక్ తగిలింది.
ప్రియుడి హత్యకు 19 ఏళ్ల యువతి సుపారీ.. షాకింగ్ ట్విస్ట్.!
దీపావళి పండుగను కుటుంబ సభ్యులతో కలిసి ఆనందంగా గడపడానికి స్వస్థలానికి వచ్చిన ఓ యువతికి మృత్యువు అనూహ్య రీతిలో ఎదురైంది.
హిందూ ధర్మంలో అత్యంత పవిత్రమైనదిగా భావించే కార్తీక మాసం ప్రారంభం కావడంతో తెలుగు రాష్ట్రాల్లోని శైవక్షేత్రాలన్నీ ఆధ్యాత్మిక శోభను సంతరించుకున్నాయి.
తెలుగు చలనచిత్ర పరిశ్రమలో మరో విషాద ఛాయలు అలుముకున్నాయి.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
తెలుగు చలనచిత్ర పరిశ్రమలో తీవ్ర విషాదం చోటుచేసుకుంది.
తీపి పదార్థమనుకుని నోట్లో పెట్టుకున్నాడు.. చివరకు విగతజీవిగా మారాడు!
డిజిటల్ ఆర్థిక వ్యవస్థలో కీలక పాత్ర పోషిస్తున్న గిగ్ వర్కర్ల సంక్షేమానికి తెలంగాణ ప్రభుత్వం కీలక అడుగులు వేస్తోంది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.