శ్రీకాకుళం జిల్లా భావనపాడు తీరంలో భారీ నౌక డిజైర్  లంగరేసింది.  ఇక్కడి మూలపేట ప్రాంతంలో గత నెల రోజులుగా మూలపేట పోర్టు ఆధారిత సముద్ర తీర ప్రాంతాల్లో సాయిల్ టెస్టులు నిర్వహిస్తున్నసంగతి తెలిసిందే.

అందు కోసం ఈ డిజైర్ నౌక గత  నెల రోజులుగా పనిచేస్తోంది. ఆ నౌకలో సాంకేతిక సమస్యలు తలెత్తడంతో మరమ్మతుల కోసం నౌకను తీరానికి తీసుకువచ్చినట్లు చెబుతున్నారు.

భారీ నౌకను వీక్షించేందుకు పెద్ద సంఖ్యలు ప్రజలు భావనపాడు తీరానికి చేరుకున్నారు.  ఈ నౌక వల్ల ఎటువంటి ప్రమాదం లేదనీ,  అయితే దీనివల్ల ఎలాంటి ఇబ్బందులు తలెత్తవనీ, ఇది భారత ప్రభుత్వాని చెందిన నౌకేననీ మెరైన్ సీఐ తెలిపారు. మరమ్మతులు పూర్తి కాగానే తీరం నుంచి వెళ్లిపోతుందని వివరించారు.