బెయిల్ రద్దుపై విచారణ.. జగన్ మళ్ళీ జైలుకేనా?

Publish Date:Nov 24, 2023

Advertisement

అసలే పాలనపై ప్రజలలో తీవ్ర అసంతృప్తి మూటగట్టుకున్న ఏపీ సీఎం జగన్ కు ఇప్పుడు కోర్టులు ఇస్తున్న షాకులు మరింత గాభరాపెడుతున్నాయి.  తాజాగా గురువారం (నవంబర్ 23)  రాష్ట్ర అత్యున్నత న్యాయస్థానం  పాలనలో ఆర్ధిక అవకతవకలపై సీఎం జగన్ సహా క్యాబినెట్ మంత్రులకు కూడా నోటీసులు జారీ చేసిన సంగతి తెలిసిందే. ఆ వెంటనే శుక్రవారం  (నవంబర్ 24)  సుప్రీంకోర్టు మరో భారీ షాక్  ఇచ్చింది. అక్రమాస్తుల కేసులో 16 నెలల పాటు జైల్లో గడిపిన జగన్ ఇప్పుడు బెయిల్ పై ఉన్న సంగతి తెలిసిందే. ఈ నేపథ్యంలో జగన్ బెయిలు రద్దు చేయాలని వైసీపీ రెబెల్ ఎంపీ రఘురామకృష్ణరాజు సుప్రీంకోర్టులో దాఖలు చేసిన పిటిషన్ పై విచారణ మొదలు పెట్టింది. ఈ పిటిషన్ ను సుప్రీంకోర్టు నవంబర్ మొదటి వారంలోనే విచారణకు స్వీకరించగా.. పిటిషనర్ కోరినట్లుగా ఈ కేసును మరో రాష్ట్రానికి ఎందుకు బదిలీ చేయకూడదో చెప్పాలని సీబీఐ, సీబీఐ కోర్టును సుప్రీం ఆదేశించింది.   ఇప్పుడు రెగ్యులర్ విచారణ మొదలు పెట్టిన సుప్రీం ధర్మాసనం.. సీబీఐ, జగన్ సహా ప్రతివాదులందరికీ నోటీసులు ఇచ్చింది. అంతే కాకుండా జగన్ అక్రమాస్తుల కేసును వేరే రాష్ట్రానికి బదిలీ చేయాలన్న పిటిషన్ ను కూడా బెయిలు రద్దు పిటిషన్ తో కలిపాలని ఆదేశించింది. 

ఈ శుక్రవారం ఈ పిటిషన్ విచారణ సందర్భంగా సుప్రీం ధర్మాసనం ఆసక్తికర వ్యాఖ్యలు చేసింది. పిటిషనర్ రఘురామ లాయర్ ను ఉద్దేశించి ధర్మాసనం.. బెయిల్ ఇప్పుడే రద్దు చేయాలా? అని కూడా ప్రశ్నించింది. దీనికి రఘురామ న్యాయవాది బాలాజీ శ్రీనివాసన్ నోటీసులు ఇచ్చి తదుపరి ప్రక్రియ చేపట్టాలని కోరారు. దీంతో కోర్టు నోటీసులు జారీ చేసింది.  ఇప్పటికే విచారణను హైదరాబాద్ నుంచి ఢిల్లీకి మార్చాలని రఘురామ పిటిషన్‌లో కోరగా.. ఆ పిటిషన్‌కు ఈ బెయిల్ రద్దు పిటిషన్ కూడా జతచేయాలని రిజిస్ట్రీని ధర్మాసనం ఆదేశించింది.  తదుపరి విచారణను జనవరి మొదటి వారానికి వాయిదా వేసింది.   జనవరిలో ఈ కేసులో ఎలాంటి కదలిక వచ్చినా వైఎస్ జగన్ మోహన్ రెడ్డికి తీరని నష్టమే మిగల నుంది. ఈ కేసు విచారణలో సీబీఐ వేగం పెంచినా.. లేక జనవరిలో సుప్రీం ఈ కేసును మరో రాష్ట్రానికి బదిలీ చేసినా.. సీబీఐ వేగంగా దర్యాప్తు పూర్తి చేయాలని భావించినా జగన్ మోహన్ రెడ్డికి ప్రతికూలమే అవుతుంది. 

వచ్చే ఏడాది జనవరి అంటే సరిగ్గా ఎన్నికల సమయం. మహా అయితే ఎన్నికలకు రెండు మూడు నెలల వ్యవధి మాత్రమే ఉంటుంది. ఆ సమయంలో అక్రమాస్తుల కేసు విచారణకు వస్తే వైసీపీ పరిస్థితి దారుణంగా మారుతుంది. జగన్ కేసులు విచారణకు వస్తే జగన్ అక్రమార్జన, క్విడ్ ప్రోకో, అరెస్టు వంటి అంశాలపై జనంలో చర్చ జరగడం ఖాయం. జగన్ అక్రమాస్తుల కేసులో ఎలాంటి కదలిక వచ్చినా అది జగన్ ప్రతిష్టకు విఘాతమే అవుతుంది. ప్రతిపక్షాలకు ఒక ఆయుధంగా కూడా మారుతుంది. ఎన్నికల వేళ సీబీఐ ఈ కేసు విచారణ వేగవంతం చేస్తే అది జగన్ కు శరాఘాతం కాక మానదు. అలాగే  జగన్ ప్రతి శుక్రవారం కోర్టుకు హాజరు కావాల్సి ఉంటుంది. అప్పుడు కూడా కుంటి సాకులతో విచారణకు హాజరు కాకపొతే అరెస్ట్ తప్పదన్న హెచ్చరిక కోర్టునుంచి వచ్చినా ఆశ్చర్యం ఉండదు.  అసలు ఈ కేసు మరో రాష్ట్రానికి బదిలీ అయి బెయిల్ రద్దు అయితే జగన్ మళ్ళీ జైలుకి వెళ్లాల్సి వస్తుంది. అదే జరిగితే ఈసారి వైసీపీని కాపాడేందుకు ఆయన సోదరి షర్మిల, తల్లి విజయమ్మ కూడా జగన్ తో లేరు.

నిజానికి ఇప్పుడు జగన్ మోహన్ రెడ్డి బెయిల్ పై ఉన్నారంటే.. బీజేపీతో ఉన్న సఖ్యత కారణంగానే అన్నది రాజకీయ వర్గాలలో అందరికీ తెలిసిన నిజమే. కేంద్రం అండదండలతోనే జగన్ ఈ కేసును విచారణ పరంగా ముందుకెళ్ళకుండా మ్యానేజ్ చేయగలుగుతున్నారన్నది బహిరంగ రహస్యమే. అయితే ఎన్నికల ముందు బీజేపీ జగన్ ను ఇలా కాపాడుతుందా.. అప్పుడు కూడా ఈ మైత్రి ఇలాగే  ఉంటుందా అంటే అనుమానమేనని పరిశీలకులు అంటున్నారు. అయితే ఇప్పటికే సంవత్సరాల తరబడి ఈ కేసు సాగుతున్న నేపథ్యంలో  విచారణ వేగవంతం చేయడానికే అవకాశాలు ఎక్కువగా ఉన్నాయంటున్నారు. సీబీఐ అసలు ఈ కేసును ఇంత కాలం పాటు ఎందుకు విచారణ చేయడం లేదన్న విషయంపై కూడా సర్వోన్నత న్యాయస్థానం దృష్టి సారించే అవకాశాలే ఎక్కువగా ఉన్నాయి. ఈ నేపథ్యంలో జనవరిలో జగన్ బెయిల్ రద్దవుతుందా? సరిగ్గా ఎన్నికలకు ముందు మళ్ళీ జగన్ జైలుకు వెళ్లాల్సి వస్తుందా అనే చర్చలు జరుగుతున్నాయి. ఒకవిధంగా వైసీపీకి ఇది అసలు సిసలైన సంక్షోభంగా పరిశీలకులు విశ్లేషిస్తున్నారు. 

By
en-us Political News

  
విజయవాడలో ప్రతిష్ఠాత్మక రామోజీ ఎక్స్‌లెన్స్ అవార్డుల ప్రదానోత్సవం ఘనంగా నిర్వహించారు.
ఆన్‌లైన్ పరిచయం.. చాటింగ్‌తో స్నేహం.. వీడియో కాల్స్‌తో నమ్మకం.. ఆ తర్వాత ఇంటికి ఆహ్వానం. అంతా సజావుగా సాగుతున్నట్లే కనిపిస్తుంది. కానీ ఆ పరిచయాల వెనుక ఉన్నది స్నేహం కాదు
హైదరాబాద్ వేదికగా ఇటీవల జరిగిన భారత్ సమ్మిట్‌ 2026లో చోటుచేసుకున్న పరిణామాలు రాజకీయ వర్గాల్లో తీవ్ర చర్చకు దారితీశాయి.
సినిమాను తలపించిన నగల దొంగతనం..పట్టించిన పచ్చబొట్టు.!
హైదరాబాద్ నగరవాసులకు, ముఖ్యంగా బిర్యానీ ప్రియులకు భారీ షాక్ తగిలింది.
ప్రియుడి హత్యకు 19 ఏళ్ల యువతి సుపారీ.. షాకింగ్ ట్విస్ట్.!
దీపావళి పండుగను కుటుంబ సభ్యులతో కలిసి ఆనందంగా గడపడానికి స్వస్థలానికి వచ్చిన ఓ యువతికి మృత్యువు అనూహ్య రీతిలో ఎదురైంది.
హిందూ ధర్మంలో అత్యంత పవిత్రమైనదిగా భావించే కార్తీక మాసం ప్రారంభం కావడంతో తెలుగు రాష్ట్రాల్లోని శైవక్షేత్రాలన్నీ ఆధ్యాత్మిక శోభను సంతరించుకున్నాయి.
తెలుగు చలనచిత్ర పరిశ్రమలో మరో విషాద ఛాయలు అలుముకున్నాయి.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
తెలుగు చలనచిత్ర పరిశ్రమలో తీవ్ర విషాదం చోటుచేసుకుంది.
తీపి పదార్థమనుకుని నోట్లో పెట్టుకున్నాడు.. చివరకు విగతజీవిగా మారాడు!
డిజిటల్ ఆర్థిక వ్యవస్థలో కీలక పాత్ర పోషిస్తున్న గిగ్ వర్కర్ల సంక్షేమానికి తెలంగాణ ప్రభుత్వం కీలక అడుగులు వేస్తోంది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.