యానాం వద్ద గోదావరి నదిలో ఓఎన్జీసీ పైప్ లైన్ నుంచి భారీగా గ్యాస్ లీక్ అవుతోంది. యానాం సమీపంలోని దరియాల తిప్ప, బలుసు తిప్ప మధ్య గోదావరి నదిలో ఈ గ్యాస్ లీక్ ను గుర్తించారు.  ఈ రోజు తెల్లవారు జామునుంచి గోదావరి నీటిని చీల్చుకుంటూ గ్యాస్ పైకి ఎగసి వస్తోంది. దీంతో చుట్టుపక్కల కిలో మీటర్ల మేర గ్యాస్ వ్యాపించింది. ఏ క్షణంలోనైనా మంటలు ఎగసిపడే ప్రమాదం ఉందని స్థానికులు భయాందోళలను వ్యక్తం చేస్తున్నారు. గ్యాస్ లీక్ ను అరికట్టేందుకు ఓఎన్జీసీ అధికారులు ప్రయత్నిస్తున్నారు. కాగా  చుట్టుపక్కల కిలోమీటర్ల మేర ఈ గ్యాస్ వ్యాపించిందని, మంటలు ఎగసిపడే ప్రమాదం ఉందని స్థానికులు భయాందోళనలు వ్యక్తం చేస్తున్నారు.  ఉమ్మడి తూర్పుగోదావరి  జిల్లాలో   గ్యాస్ లీక్ ఘటనలు, గ్యాస్ లీక్ కారణంగా మంటలు చెలరేగిన ఘటనలు గతంలోనూ చోటుచేసుకున్నాయి.