నేషనల్ హెరాల్డ్ కేసులో ఈడీ మళ్లీ దూకుడు పెంచింది. ఇటీవలే ఇదే కేసుకు సంబంధించి కాంగ్రెస్ అగ్రనేతలు సోనియా, రాహుల్ గాంధీలను విచారించిన ఈడీ తాజాగా ఏపీకి చెందిన ఇద్దరు నేతలకు నోటీసులు జారీ చేసింది. ఈ ఇరువురూ కూడా నిజామాబాద్ జిల్లాకు చెందిన వారే కావడం గమనార్హం. ఏపీ కాంగ్రెస్ సీనియర్ నాయకులైన అలీ షబ్బీర్, పి. సుదర్శన్ రెడ్డిలకు ఈడీ  నోటీసులు జారీ చేసింది.

ఎంఎల్ పిఏ ( ప్రివెన్షన్ ఆఫ్ మనీలాండరింగ్ చట్టం) సెక్షన్ 50 కింద వీరిరువురికీ ఈడీ నోటీసులు జారీ చేసింది. నేషనల్ హెరాల్డ్ కేసులో సంబంధం ఉన్న కంపెనీలకు ఈ ఇరువురి నాయకుల ఖాతాల నుంచి నిధులు బదలీ అయ్యాయని ఈడీ వర్గాలు తెలిపాయి.

కాగా ఈ ఇరువురిలో సుదర్శన్ రెడ్డిని వచ్చే నెల 10న విచారణకు కావలసిందిగా ఈడీ ఆ నోటీసులలో పేర్కొంది. మరో నాయకుడు అలీ షబ్బీర్ మరుసటి రోజు అంటు అక్టోబర్ 11న ఈడీ ఎదుట హాజరౌతారు. ఈడీ వర్గాల సమాచారం మేరకు  కాంగ్రెస్ సీనియర్ మహిళా నాయకురాలికి కూడా నోటీసులు జారీ చేసినట్లు తెలిసింది.

హైదరాబాద్ కు చెందిన ఆ నాయకురాలు గతంలో   కాంగ్రెస్ ప్రభుత్వంలో సుదీర్ఘ కాలం మంత్రిగా పని చేసినట్లు చెబుతున్నారు.