మంత్రి పదవి దక్కేది ఎవరికి?.. రేసులో విడదల రజనీ, డొక్కా!!

Publish Date:Jun 27, 2020

Advertisement

గుంటూరు జిల్లాకు చెందిన మంత్రి మోపిదేవి వెంకటరమణ రాజ్యసభకు ఎంపికైన నేపధ్యంలో ఆయన త్వరలో మంత్రి పదవికి రాజీనామా చేయనున్నారు. దీంతో, ఆయన స్థానంలో మంత్రి పదవి ఎవరికి దక్కబోతుంది అనే విషయంపై రాజకీయంగా ఆసక్తికరమైన చర్చ జరుగుతోంది. బీసీ కోటాలో తనకే మంత్రి పదవి లభిస్తుందని చిలకలూరిపేట ఎమ్మెల్యే విడదల రజనీ హడావిడిచేస్తున్నారట. ఎమ్మెల్యే రజనీ బీసీ సామాజికవర్గానికి చెందినవారు. ఆమె భర్త కాపు సామాజికవర్గానికి చెందిన వారు కావటంతో.. అటు బీసీ సామాజికవర్గానికి మంత్రి పదవి ఇచ్చినట్టుంది. ఇటు కాపు వర్గాన్ని కూడా సంతృప్తి పరిచినట్టు ఉంటుందని ఆమె అనుచరులు చెబుతున్నారు. గతంలో విజయసాయిరెడ్డి ద్వారా పార్టీలో చేరి ఎమ్మెల్యే టిక్కెట్టు తెచ్చుకుని విజయం సాధించిన రజనీ ఆయన ద్వారానే మంత్రి పదవి కోసం ప్రయత్నాలు చేశారు. మరి, ప్రస్తుతం పార్టీలో విజయసాయిరెడ్డి పొజిషన్ మునుపటిలా లేదని ప్రచారం జరుగుతున్న నేపథ్యంలో.. మంత్రి పదవి పొందాలని ఎమ్మెల్యే రజనీ చేస్తున్న ప్రయత్నాలు ఎంత వరకు ఫలిస్తాయో చూడాలి.

కాపు సామాజికవర్గానికి చెందిన సీనియర్ నేత సత్తెనపల్లి ఎమ్మెల్యే అంబటి రాంబాబు కూడా మంత్రి పదవి ఆశిస్తున్నారు. కానీ ఆయనకు మంత్రి పదవి దక్కుతుందా లేదా అనే విషయంపై వైసీపీ పెద్దలు ఎలాంటి అనుకూల, వ్యతిరేక వ్యాఖ్యలు చేయటం లేదు. ఇక, అదే సామాజికవర్గానికి చెందిన శాసనమండలి చీఫ్‍ విప్‍ ఉమారెడ్డి వెంకటేశ్వర్లు కూడా మంత్రి పదవిని ఆశిస్తున్నారట. ఒకవేళ తనకు మంత్రి పదవిని దక్కకపోయినా.. తన అల్లుడు కిలారి రోశయ్యకు మంత్రి పదవి ఇవ్వాలని ఉమారెడ్డి కోరవచ్చునని విశ్వసనీయ వర్గాల సమాచారం. మరోవైపు, కాసు మహేష్‍రెడ్డికి మంత్రి పదవి దక్కటం ఖాయమని ఆయన అనుచరులు ప్రచారం చేస్తున్నారు. అయితే, రెడ్డి సామాజికవర్గానికి మంత్రి పదవి ఇస్తారా లేదా అనే విషయం బయట పడటం లేదు. ఇప్పటికే పార్టీకి రెడ్డి సామాజికవర్గం ముద్ర పడుతున్న నేపథ్యంలో.. మళ్లీ అదే సామాజికవర్గానికి మంత్రి పదవి కట్టబెడితే మిగతా వర్గాలకు తప్పుడు సంకేతాలు వెళ్తాయన్న అభిప్రాయాలు వ్యక్తమవుతున్నాయి. ఇక, కమ్మ సామాజికవర్గానికైతే మంత్రి పదవి దక్కే అవకాశాలు లేనే లేవని అంటున్నారు. 

ఇదిలా ఉంటే, ఇటీవల ఎమ్మెల్సీగా గెలిచిన సీనియర్‌ నేత డొక్కా మాణిక్యవరప్రసాద్‌ కు మంత్రి పదవి ల‌భించబోతోందని రాజకీయ వర్గాల్లో ప్రచారం జరుగుతోంది. ఎస్సీ వర్గాల్లో సీనియర్‌ నేతగా, మంత్రిగా పనిచేసిన డొక్కాను సీఎం జగన్ తన మంత్రివర్గంలోకి తీసుకోబోతున్నారని అంటున్నారు. గతంలో మంత్రిగా పనిచేసిన డొక్కా అనుభవం తనకు పనికి వస్తుందని, రాజ‌కీయంగా కూడా ఇది క‌ల‌సి వ‌స్తుంద‌నే అంచ‌నాల‌తో మాదిగ వర్గానికి చెందిన సీనియర్‌ నేత డొక్కాకు మంత్రివర్గంలో స్థానం కల్పించ‌బోతున్నార‌ని ప్రచారం జరుగుతోంది. దీంతో మాదిగ ల‌ను పూర్తిగా ఆకట్టుకోవచ్చనే ఆలోచనలో సీఎం ఉన్నారు అంటున్నారు.

మొత్తానికి, మోపిదేవి రాజ్యసభ ఎంపికతో ఖాళీ అవుతున్న మంత్రి పదవికి భారీగానే పోటీ ఉంది. మరి సీఎం జగన్ వారిలో ఎవరికి అవకాశమిస్తారో?. అసలు, గుంటూరు జిల్లాలో మంత్రి పదవి ఇవ్వకపోతే నష్టం ఏమిటి అని సీఎం భావిస్తే.. ఈ జిల్లా ఎమ్మెల్యేకు మంత్రి పదవి దక్కకపోవచ్చు. అప్పుడు మరింతమంది ఇతర జిల్లాల నేతలు రేసులోకి రావొచ్చు. ఒక వేళ మంత్రి పదవి గుంటూరు జిల్లాకి చెందిన వారికే ఇవ్వాలనుకుంటే.. మరి రాజకీయ అనుభవాలను పరిగణనలోకి తీసుకుంటారో?.. లేదా కులాలను పరిగణనలోకి తీసుకుంటారో?.. చూడాలి.

By
en-us Political News

  
సాధారణంగా   నాయకులు, తాము ప్రజలకు చేయగల పనుల విషయంలో వాస్తవికత వదిలేసి అతిశయోక్తులతో, అతి అంచనాలతో గొప్పలు చెప్పుకుంటుంటారు.
మొత్తం 28 జడ్పీ అధ్యక్ష, ఉపాధ్యక్ష స్థానాలకు జరిగిన ఎన్నికల్లో తెలుగుదేశం, జనసేన, బీజేపీ కూటమి 27 చోట్ల విజయం సాధించి తిరుగులేని ఆధిపత్యాన్ని ప్రదర్శించింది.  
అదానీతో సంబంధాలపై   రేవంత్ రెడ్డి స్పష్టత ఇచ్చారు. తెలంగాణలో అదానీ పెట్టుబడుల ద్వారా స్థానిక ప్రజలకు ఉపాధి అవకాశాలు కల్పిస్తున్నామని, ప్రజాధనాన్ని దోచి అదానీకి కట్టబెట్టే విధానం తమది కాదని స్పష్టం చేశారు. తెలంగాణలో బీజేపీకి బలమైన ఉనికి లేదని, ఇటీవలి జూబ్లీహిల్స్ ఉప ఎన్నికలో బీజేపీ డిపాజిట్ కూడా కోల్పోవడమే ఇందుకు నిదర్శనమన్నారు.
పోలీసుల హెచ్చరికలు, ఆంక్షలను బేఖాతరు చేస్తూ ఆయన భారీ కాన్వాయ్‌తో అక్కడికి రావడంపై స్థానిక ప్రజలు, తెలుగుదేశం వర్గీయులు  ఆగ్రహం వ్యక్తం చేశారు.  ఎంపీ కాన్వాయ్ ను అడ్డుకునే ప్రయత్నం చేశారు. ఈ సందర్భంగా  అంకాలమ్మ గూడూరులో ఘర్షణ వాతావరణం నెలకొంది. 
ఇదే వేదికపై నుంచి   544.11 కోట్ల రూపాయల విలువైన అభివృద్ధి పనులకు శంకుస్థాపనలు, ప్రారంభోత్సవాలు చేసిన రేవంత్ రెడ్డి,  ఇందిరమ్మ కుటుంబ జీవిత బీమా పథకాన్ని కూడా   ప్రారంభించారు.
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.