దిశ యాప్.. దిశ ఏంటి?.. బలవంతపు డౌన్లోడ్ల మర్మమేంటి?

Publish Date:Nov 8, 2023

Advertisement

ఏపీలో దిశ యాప్ పేరిట మరో దుమారం రేగుతుంది. మహిళల రక్షణ కోసం అంటూ జగన్ మోహన్ రెడ్డి ప్రభుత్వం తీసుకొచ్చిన ఈ దిశ చట్టానికి చట్టబద్దత లేదని ఎప్పుడో తేలిపోగా.. దిశా పోలీస్ స్టేషన్లు, దిశ యాప్ అంటూ ప్రభుత్వం హడావుడి మాత్రం ఆగలేదు. అసలు ఈ దిశ పోలీస్ స్టేషన్లు ఎక్కడో ఉన్నాయో.. దిశ పోలీసులు ఎలా పనిచేస్తున్నారో ఎవరికీ అర్ధం కావడం లేదు కానీ.. దిశ యాప్ ను ప్రజల మొబైల్ ఫోన్లలో బలవంతంగా ఇన్ స్టాల్ చేయిస్తున్నారు. మగాళ్ల ఫోన్లలో కూడా దిశా యాప్ ఇన్ స్టాల్ చేయాలంటూ పోలీసులతో బలవంతంగా హింస పెడుతున్నారు. దిశ యాప్ మాకెందుకు అంటే పోలీసులు ప్రజలపై దాడులకు తెగబడుతున్నారు. ఇలాంటి ఘటనే అనకాపల్లిలో చోటు చేసుకుంది. ఓ సైనికోద్యోగి దేశసరిహద్దు నుండి సొంత గ్రామానికి వెళ్తుండగా అనకాపల్లి పోలీసులు అతని మొబైల్ లో దిశ యాప్ ఇన్ స్టాల్ చేయమని బలవంతం చేశారు. అతను ససేమీరా అనడంతో నలుగురు పోలీసులు కలిసి అతన్ని చితకబాదారు. ఈ వీడియోలు సోషల్ మీడియాలో వైరల్ కావడంతో ప్రతిపక్షాలు తీవ్రంగా స్పందిస్తున్నాయి. దిశ యాప్ ఇంత బలవంతంగా ఇన్ స్టాల్ చేయించడం వెనక మరేదైనా కారణాలున్నాయా అన్న అనుమానాలు వ్యక్తం అవుతున్నాయి.

సయ్యద్ అలీముల్లా అనే వ్యక్తి దువ్వాడలో సెక్టార్ 10లో నివసిస్తూ జమ్మూ కాశ్మీర్ లో 52 రాష్ట్రీయ రైఫిల్ క్యాంప్ సోల్జర్ గా పనిచేస్తున్నాడు. సెలవుపై వచ్చిన ఆయన సొంతూరు ఎలమంచిలి మండలం రేగుపాలెం వెళ్లేందుకు పరవాడ సంతబయల బస్టాప్ లో వేచి ఉన్నాడు. ఆయన వద్దకెళ్లిన ఓ మహిళా కానిస్టేబుల్‌ అతని ఫోన్‌ లో దిశ యాప్ ఇన్ స్టాల్ చేయాలని కోరింది. అతను తనకు అవసరం లేదని చెప్పడంతో మహిళ కానిస్టేబుల్ బలవంతంగా అతని నుండి ఫోన్ తీసుకొని దిశ యాప్‌ డౌన్‌లోడ్‌ చేసింది. అంతలో అతను అనుమానించి అసలు మీరు పోలీసులేనా ఐడీ కార్డు చూపించండి.. నేమ్ ప్లేట్ లేదు మీ పేరేంటని అడుగగా ఆమె ఫోన్ వెనక్కి ఇచ్చేసింది. అంతలో ఫోన్‌కొచ్చిన వన్‌టైం పాస్‌వర్డ్ చెప్పాలని కానిస్టేబుల్‌ కోరడంతో అతను ససేమిరా అన్నాడు. పాస్‌వర్డ్‌ను తానే ఎంటర్‌ చేస్తానని కానిస్టేబుల్ చేతిలోని ట్యాబ్ ఇవ్వాలని కోరాడు. దీంతో ఆగ్రహించిన మహిళా కానిస్టేబుల్‌ అతడిపై చేయి చేసుకుంది.

దీంతో నిర్ఘాంతపోయిన సైనికుడు దేశ సరిహద్దు కాశ్మీర్లో పనిచేసే తనకు దిశ యాప్ ఎందుకని ఎదురు తిరిగి ప్రశ్నించాడు. స్థానికులు కూడా ఆయనకు సపోర్ట్‌ చేయడంతో మహిళా కానిస్టేబుల్ తో పాటు వచ్చిన మరో కానిస్టేబుల్‌ స్టేషన్ కి ఫోన్ చేశాడు. నలుగురు సిబ్బంది హుటాహుటిన అక్కడకు అటోలో చేరుకుని సైనికుడిపై దాడికి దిగారు. చుట్టుపక్కల ప్రజలు వారించినా వినకుండా అతని చేతులు కాళ్ళు విరిచి ఆటో ఎక్కించే ప్రయత్నం చేశారు. దేశ సరిహద్దులో యుద్ధం చేసే సైనికుడు కదా పోలీసుల ఆటలు సాగలేదు. మరోవైపు చుట్టూ ప్రజలు కూడా అతనికి మద్దతుగా నిలిచారు. మగాళ్ల ఫోన్ లో దిశాయాప్ ఎందుకని, పోలీసులైనా ఓటీపీ చెప్పాల్సిన అవసరం లేదంటూ స్థానికులు వాదించినా మహిళా కానిస్టేబుల్ మా ఇష్టం అనే రీతిలో స్పందించింది. ఇప్పుడు అందుకు సంబంధించిన వీడియోలు సోషల్ మీడియాలో దుమారం రేపుతుండగా.. సీపీ ఇప్పటికే ఆ నలుగురు కానిస్టేబుళ్లను వీఆర్ కు పంపినట్లు ప్రకటించారు. అయితే, అసలు ఇంత బలవంతంగా దిశ యాప్ ఇన్ స్టాల్ చేయించడం, మగాళ్ల ఫోన్లలో కూడా ఇన్ స్టాల్ చేయాలని బలవంతం చేయడం, ఓటీపీలు స్టోర్ చేసుకోవడంపై పలు అనుమానాలు వ్యక్తమవుతున్నాయి.

ఈ ఘటనపై స్పందించిన తెలుగుదేశం ప్రధాన కార్యదర్శి నారా లోకేష్.. దిశ యాప్ పేరుతో ఏదో దందా నడుస్తోందని సందేహం వ్యక్తం చేశారు. పురుషుల మొబైల్స్ లో ఆ యాప్ ను బలవంతంగా డౌన్ లోడ్ చేయించడం అనుమానాలకు తావిస్తోందన్నారు. జగనాసుర పాలనలో రాష్ట్రంలో మహిళలపై అఘాయిత్యాలు జరుగుతూనే ఉన్నాయని.. ప్రభుత్వం తెచ్చిన దిశ చట్టానికే దిక్కూ మొక్కూ లేదు.. మహిళల భద్రత కోసమని తెచ్చిన దిశ యాప్ ను బలవంతంగా డౌన్ లోడ్ చేయించడమేంటని ప్రశ్నించారు. దేశ రక్షణ కోసం సరిహద్దుల్లో ప్రాణాలను పణంగా పెట్టే సైనికుడు రాష్ట్రానికి వస్తే ఆయన ప్రాణానికే రక్షణ లేకుండా పోయిందని మండిపడ్డారు. పోలీసులే గుండాల్లాగా దాడులు చేయడం ఏంటని లోకేశ్ ఆగ్రహం వ్యక్తం చేశారు. లోకేష్ ఆరోపణల తర్వాత రాజకీయ వర్గాలలో ఇది చర్చగా మారింది. ఇప్పటికే పలు మార్గాల ద్వారా వైసీపీ సర్కార్ ప్రజల డేటాను స్టోర్ చేసుకుంటుందన్న ఆరోపణల నేపథ్యంలో ఈ దిశ యాప్ కూడా అందులో మరొకటిగా మారిందా అనే అనుమానాలు వ్యక్తం అవుతున్నాయి.

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.