ప్రజా క్షేత్రంలో లోకేష్ నడక.. పాదయాత్రకు ముహూర్తం ఖరారు

Publish Date:Nov 11, 2022

Advertisement

టీడీపీ జాతీయ ప్రధాన కార్యదర్శి నారా లోకేశ్ చేపట్టనున్న పాదయాత్రకు ముహూర్తం ఖరారు అయింది. 2023, జనవరి 27న చిత్తూరు జిల్లా కుప్పం నుంచి ఈ పాదయాత్రను ఆయన చేపట్టనున్నారు. ఉమ్మడి శ్రీకాకుళం జిల్లాలోని ఇచ్చాపురంలో ఈ పాదయాత్ర పూర్తి కానుంది. ఈ పాదయాత్ర ద్వారా దాదాపు 450 రోజుల పాటు లోకేశ్.... ప్రజల మధ్య ఉండే విధంగా రూట్ మ్యాప్ సిద్ధమైనట్లు తెలుస్తోంది.

ఈ పాదయాత్రలో లోకేశ్.. ఓ వైపు ప్రజల సమస్యలు తెలుసుకొంటూ.. మరోవైపు.. ప్రభుత్వ వైఫల్యాలను ఎండగడుతూ.. ముందుకు సాగనున్నారని సమాచారం. ఆ క్రమంలో యువత, మహిళలు, రైతులు ఎదుర్కొంటున్న సమస్యలపై లోకేశ్ తనదైన శైలిలో గళం విప్పనున్నారని తెలుస్తోంది. అయితే లోకేశ్ పాదయాత్రకు సంబంధించిన విధివిధానాలన్నింటిని నవంబర్ నెలాఖరులోగా ఫైనల్ అయ్యే అవకాశం ఉందని సైకిల్ పార్టీలో ఓ చర్చ అయితే జరుగుతోంది. అయితే ఈ పాదయాత్రలో యువతను పెద్ద ఎత్తున భాగస్వామ్యం చేసుకుంటూ ముందుకు సాగేందుకు లోకేశ్.. తనదైన శైలిలో వ్యూహాత్మకంగా అడుగులు వేస్తున్నట్లు తెలుస్తోంది.

అలాగే లోకేశ్ పాదయాత్ర విజయవంతం అయ్యేందుకు.. చంద్రబాబు ఇప్పటికే రంగంలోకి దిగి.. తనదైన చాణక్యానికి పదును పెడుతున్నట్లు సమాచారం. మరోవైపు లోకేశ్.. తాను చేపట్టే ఈ పాదయాత్రలో ఎక్కడా విరామం అనేది లేకుండా... వారంలో ఏడు రోజులు కొనసాగిస్తారని తెలుస్తోంది. అలాగే 175కి 175 నియోజకవర్గాలను టచ్ చేసుకొంటూ ఆయన.. తన పాదయాత్రను సాగించేందుకు లోకేశ్.. తన కార్యాచరణ సిద్ధం చేసుకొంటారని తెలుస్తోంది. 2024 ఫిబ్రవరి చివర వారం లేదా మార్చి మొదటి రెండు వారాల్లో ఎన్నికల షెడ్యూల్ విడుదల అయ్యే అవకాశం ఉందని.. ఈ నేపథ్యంలో అప్పటి వరకు ప్రజల మధ్య ఉండేందుకు నారా లోకేశ్.. కృత నిశ్చయంతో ఉన్నట్లు సమాచారం.

అలాగే ఈ పాదయత్ర వల్ల లోకేశ్ ఓ వైపు పార్టీపై పట్టు పెంచుకొవడమే కాకుండా.. మరోవైపు ప్రజలతో మమేకమయ్యేందుకు దోహదం చేస్తుందనే ఓ భావన టీడీపీ జాతీయ అధ్యక్షుడు నారా చంద్రబాబులో బలంగా ఉన్నట్లు తెలుస్తోంది. అలాగే పార్టీలోని క్షేత్రస్థాయి పరిస్థితులనే కాదు.... ప్రజల సమస్యలను సైతం నేరుగా తెలుసుకొనే అవకాశం నారా లోకేశ్‌కు దక్కుతోందని సమాచారం.

అదేవిధంగా జగన్ ప్రభుత్వాన్నే లక్ష్యంగా చేసుకొని నారా లోకేశ్.. ఈ పాదయాత్రలో ప్రసంగించనున్నారని తెలుస్తోంది.  అలాగే రోడ్ షోలు, బహిరంగ సభలకు సైతం లోకేశ్.. ప్రణాళికలు సిద్ధం చేస్తుకొంటున్నారు. టీడీపీకి కంచుకోటు లాంటి నియోజకవర్గాల్లో మరింత బలంగా చొచ్చుకెళ్లేందుకు లోకేశ్ సమయత్తమైనట్లు తెలుస్తోంది. అలాగే వైసీపీకి బలమైన నియోజకవర్గాల్లో సైతం రోడ్డు షోలు, బాదుడే బాదడు తదితర కార్యక్రమాలతోపాటు బహిరంగ సభలు సైతం ఏర్పాటు చేస్తున్నట్లు తెలుస్తోంది.

By
en-us Political News

  
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.