అమరావతి.. పగ పట్టారు.. హస్తిన పొగ పెట్టారు..!

Publish Date:Nov 11, 2023

Advertisement

మనుషులు కనిపించడం లేదంటే అర్థముంది. కానీ.. అదే రాజధానులు కనిపించడం లేదంటే మాత్రం ఆలోచించాల్సిందే. తాజాగా దేశంలో రెండు రాజధానులు కనిపించడం లేదు.. వాటిలో ఒకటి పగ వల్ల.. మరోటి పొగ వల్ల కనిపించకుండా పోయాయి.  ఆంధ్రప్రదేశ్ రాజధాని అమరావతి జగన్ పగపట్టడం వల్ల కనిపించకుండా పోతే,  దేశ రాజధాని ఢిల్లీ  పొగ వల్ల కనిపించడం లేదంటూ నెటిజన్లు  సెటైర్లు వేస్తున్నారు.  నవ్యాంధ్ర రాజధాని అమరావతి జగన్ కక్ష సాధింపు ధోరణి కారణంగా నాలుగున్నరేళ్ల క్రితం మాయమైంది. 

ఇంకా క్లారిటీగా చెప్పాలంటే.. ప్రతిపక్షనేతగా  జగన్ .. రాజధాని అమరావతికి అసెంబ్లీ సాక్షిగా మద్దతు ఇచ్చి.. ముఖ్యమంత్రి పీఠం ఎక్కిన తర్వాత.. ఆంధ్రప్రదేశ్‌కు మూడు రాజధానులంటూ  మాట మార్చారు. అమరావతిని కనుమరుగు చేశారు.  రాజధాని అమరావతికి భూములు ఇచ్చిన రైతుల గుండెల్లో చిచ్చు పెట్టారు. దీనిపై ప్రతిపక్షాలు నిరసన గళం విప్పితే.. ఓ సామాజిక వర్గానికి మాత్రమే ఈ రాజధాని ప్రాంతం కేంద్రీకృతమైందంటూ ఓ వితండ వాదాన్ని  జగన్ పార్టీ తెరపైకి తీసుకు వచ్చింది. 
మరోవైపు తమ భూములు ఇచ్చి అన్నీ కోల్పోయామంటూ.. రాజధానికి భూములు ఇచ్చిన రైతులు అటు తిరుమలలో కొలువైన ఆ దేవ దేవుడు వద్దకు, ఇటు అరసవల్లిలో కొలువు తీరిన ప్రత్యక్ష నారాయణుడు.. సూర్యభగవానుడి చెంతకు  పాదయాత్రలు చేపట్టినా..  జగన్ ప్రభుత్వంలో మాత్రం కదలిక అనేది లేదు.. రాలేదు.  జగన్ ప్రభుత్వం రాజధాని అమరావతిపై   పగ పట్టి కక్షపూరితంగా వ్యవహరిస్తున్నదని జనం నిశ్చితాభిప్రాయానికి వచ్చేశారు. 

2014లో 23 జిల్లాల ఉమ్మడి ఆంధ్ర్రప్రదేశ్ రాష్ట్రంలో.. 10 జిల్లాలతో ప్రత్యేక తెలంగాణ రాష్ట్రం ఏర్పాటైంది. అయితే 10 ఏళ్ల పాటు ఈ ఇరు రాష్ట్రాలకు ఉమ్మడి రాజధానిగా హైదరాబాద్‌ ఉంటుందని విభజన హామీల్లో స్పష్టం చేసినా.. నవ్యాంధ్రకు సొంత రాజధాని కోసం  అప్పటి ముఖ్యమంత్రి  నారా చంద్రబాబు నాయుడు.. 13 జిల్లాలకు సెంటర్ పాయింట్‌గా.. అంటే అటు శ్రీకాకుళం జిల్లా నుంచి ఇటు అనంతపురం జిల్లా వరకు కరెక్ట్ సెంటర్ పాయింట్ తుళ్లూరు గ్రామంగా గుర్తించి.. ఆ గ్రామానికి పరిసరాల్లో ఉన్న మొత్తం 29 గ్రామాల్లోని ప్రజలు, రైతులతో మాట్లాడి.. వారిని ఒప్పించడంతో.. రాజధానికి వారంతా స్వచ్ఛందంగా భూములు ఇచ్చారు. అలా రాజధాని అమరావతి నిర్మాణానికి చంద్రబాబునాయుడు బీజం వేశారు.  రాజధాని అమరావతి శుంఖుస్థాపనకు దేశ ప్రధాని మోదీ,  పలు రాష్ట్రాల ముఖ్యమంత్రులు సైతం హాజరయ్యారు. రాజధాని అమరావతి నిర్మాణం ప్రారంభం అయ్యింది. భవనాల నిర్మాణం తుది దశకు చేరుకుంది. అసెంబ్లీ, హైకోర్టులు కొలువుదీరాయి. ఆ  దశలో 2019 ఎన్నికలు వచ్చేశాయి. ఈ ఎన్నికల్లో  జగన్‌ పార్టీకి విజయం సాధించి అధికారం చేపట్టింది. అంతే అమరావతికి గ్రహణం పట్టింది.  మూడు రాజధానుల మూడుముక్కలాటకు తెర లేచింది.    

మరోవైపు దేశ రాజధాని ఢిల్లీలో.. వాయు కాలుష్యం విపరీతంగా పెరిగింది. దీంతో గాలి నాణ్యత బాగా క్షీణించి.. ప్రమాదకర స్థాయికి పడిపోయింది. దాంతో ఢిల్లీ అంతటా విషపూరిత పొగమంచు కమ్మేయడంతో.. ప్రజలు తీవ్ర ఇబ్బందులు ఎదుర్కొంటున్నారు. పొరుగు రాష్ట్రాల్లో పంట వ్యర్థాలను తగలబెట్టడంతో.. ఈ పరిస్థితి ఏర్పడింది. ఈ నేపథ్యంలో ఢిల్లీలో కాలుష్య నియంత్రణకు అక్కడి రాష్ట్ర  ప్రభుత్వం చర్యలు చేపట్టింది. అలాగే ఢిల్లీలో కాలుష్య తీవ్రతపై సుప్రీంకోర్టు సైతం స్పందించింది. కాలుష్య నివారణ చర్యలు ఏం చేపట్టారంటూ.. ఢిల్లీతోపాటు పొరుగు రాష్ట్రాలను సూప్రీంకోర్టు ప్రశ్నలు సంధించింది. 

ఇటువంటి పరిస్థితుల్లో  ఏపీ రాజధాని  అమరావతి ఆ రాష్ట్ర ముఖ్యమంత్రి జగన్ పగ వల్ల.. కనిపించకుండా పోతే..  దేశ రాజధాని ఢిల్లీలో మాత్రం పాలకుల నిర్లక్ష్యం కారణంగా వాయు కాలుష్యం కారణంగా పొగ కమ్మేసి  కనిపించకుండా పోయిందని అంటున్నారు. 

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.