ఏపీ కేబినెట్ మంగళవారం  జరిగింది. కూటమి ప్రభుత్వం అమలు చేయబోయే యాక్ట్ లకు సంబంధించి ఆమోదం లభించాయి.  ల్యాండ్ టైట్లింగ్ యాక్ట్, ఉచిత ఇసుక విధానం, రబీ సీజన్‌లో ధాన్యం సేకరణపై  చర్చ సాగింది.  కేబినెట్ నిర్ణయాలను మంత్రి కొలుసు పార్థసారథి మీడియాతో పంచుకున్నారు. 
 ల్యాండ్ టైటిలింగ్ యాక్ట్ కు కేబినెట్ ఆమోదం తెలిపింది. గత ప్రభుత్వం చేసిన ఇసుక పాలసీని, వివిధ సంస్ధలతో చేసుకున్న అగ్రిమెంట్లు రద్దు చేయాలని  కేబినెట్ నిర్ణయం తీసుకుంది. 
ధాన్యం కోనుగోలు ఒక మండలంలోనిది ఇంకో మండలానికి ట్యాగ్ చేయడం.. రైతులకు ఇవ్వాల్సిన సోమ్మును 90 రోజులు వరకూ ఆపడం వారిని ఇబ్బందులు గురిచేయడం ఇలా గతంలో ఇబ్బందులు ఎదుర్కోవాల్సి వచ్చింది. వచ్చే సీజన్‌లో రైతులకు ఇబ్బంది లేకుండా 3200 కోట్లు బుణం పొదేందుకు వ్యవసాయ సహకార శాఖకు ఆమోదం తెలిపారు. సరైన క్రాప్ ఇన్సూరెన్స్ విధానం లేకపోవడంతో రైతులు తీవ్రంగా నష్టపోయారు. దీనికి ముగ్గురు మంత్రుల తో కమిటీ ఏర్పాటు చేస్తున్నాం. కౌలు రైతులకు పూర్తిగా బ్యాంకుల నుంచి రావడం లేదనే విషయంపై కౌలు రైతు కార్డు ఇచ్చే విషయంపైనా కేబినెట్‌లో చర్చించాం అని కొలుసు పార్థ సారథి తెలిపారు.