కేసీఆర్ జాతీయ పార్టీ బీఆర్ఎస్ దేశ వ్యాప్తంగా ఆరు రాష్ట్రాలలో తన కార్యకలాపాలను విస్తరించడానికి ప్రణాళికలు, కార్యాచరణ సిద్ధం చేసింది. దేశ వ్యాప్తంగా బీఆర్ఎస్ ను విస్తరించాలన్న వ్యూహంలో భాగంగా ముందుగా ఆరు రాష్ట్రాలను ఎంపిక చేసుకుంది.  

ఇందు కోసం ముందుగా ఆ ఆరు  రాష్ట్రాలలోనూ బీఆర్ఎస్ అనుబంధ సంస్థ బీఆర్ఎస్ కిసాన్ సమితిని ప్రారంభించాలని కేసీఆర్ భావిస్తున్నారు. ముందుగా పంజాబ్, హర్యానా, మహారాష్ట్ర, కర్నాటక, ఒడిస్సా, సహా ఆంధ్ర ప్రదేశ్ లలో బీఆర్ఎస్ కిసాన్ సెల్ లు ఏర్పాటు చేయాలని కేసీఆర్ నిర్ణయించినట్లు చెబుతున్నారు.

ఈ సారి రైతు రాజ్యం అన్ననినాదంతో ముందుకు పోవాలని అధికారికంగా బీఆర్ఎస్ ఆవిర్భావ సభ నిర్వహించిన నాడే ప్రకటించిన సంగతి తెలిసిందే. ఆ మేరకే ఏపీ సహా ఆరు రాష్ట్రాలలో బీఆర్ఎస్ తన కార్యకలాపాలను విస్తరించ నుంది. ఏపీ సహా పంజాబ్, హర్యానా, మహారాష్ట్ర, కర్నాటక, ఒడిస్సా రాష్ట్రాలలో క్రిస్మస్ తరువాత ఏ క్షణంలోనైనా బీఆర్ఎస్ కిసాన్ సెల్ లు ప్రారంభమయ్యే అవకాశాలున్నాయి.