బ్రెయిన్ ట్యూమర్ అనేది ఒక తీవ్రమైన సమస్య. ఈ సమస్య  కారణంగా ప్రతి సంవత్సరం లక్షలాది మంది మరణిస్తున్నారు. మెదడులో లేదా దాని చుట్టూ ఉన్న కణాలు అసాధారణంగా  పెరగడాన్ని బ్రెయిన్ ట్యూమర్ అంటారు. కొన్నిసార్లు ఇది క్యాన్సర్ కావచ్చు లేదా క్యాన్సర్ కాకుండా కూడా ఉండవచ్చు. కణితి పరిమాణం పెరిగేకొద్దీ, మెదడు కణజాలంపై ఒత్తిడి కూడా పెరుగుతుంది. ఇది అనేక రకాల సమస్యలను కలిగిస్తుంది.

ఒక నివేదిక ప్రకారం మెదడు కణితుల్లో మూడింట ఒక వంతు మాత్రమే క్యాన్సర్‌గా మారుతాయి. కానీ అవి క్యాన్సర్ అయినా కాకపోయినా, మెదడు కణితులు మెదడు పనితీరును,  ఆరోగ్యాన్ని అనేక విధాలుగా ప్రభావితం చేస్తాయి. కణితులు పెద్దగా పెరిగినప్పుడు, అవి సమీపంలోని నరాలు, రక్త నాళాలు,  కణజాలాలను ప్రభావితం చేస్తాయి. అందుకే సకాలంలో రోగ నిర్ధారణ,  చికిత్స చాలా అవసరం. మెదడు కణితిని సకాలంలో గుర్తించడానికి దాని లక్షణాలపై  శ్రద్ధ చూపడం ముఖ్యం. కణితిని ముందుగా గుర్తించడం వలన చికిత్స సాధ్యమవుతుంది.  వ్యాధి తీవ్రమయ్యే ప్రమాదాన్ని తగ్గిస్తుంది.

మెదడు కణితి సమస్య

కొన్ని జన్యువులు దెబ్బతిన్నప్పుడు లేదా సరిగా పనిచేయనప్పుడు మెదడు కణితి సంభవిస్తుందని పరిశోధకులు విశ్వసిస్తున్నారు.  వయసు పెరిగే కొద్దీ లేదా అధిక రసాయనాలకు గురైనప్పుడు మెదడు కణితి వచ్చే ప్రమాదం పెరుగుతుంది. బ్రెయిన్ ట్యూమర్ ఉన్న వారందరికీ ప్రారంభంలోనే దాని లక్షణాలు కనిపించడం  జరగదని ఆరోగ్య నిపుణులు అంటున్నారు. అయితే కొన్ని సంకేతాలకు తీవ్ర శ్రద్ధ ఉండాలి. తరచుగా కణితి కారణంగా తీవ్రమైన తలనొప్పి,  తలతిరగడం దాని ప్రధాన లక్షణాలుగా పరిగణించబడతాయి. ఇది కాకుండా కొంతమంది కణితి విషయంలో కొన్ని వింత లక్షణాల  గురించి కూడా ఫిర్యాదు చేస్తుంటారు.

వింత లక్షణాలు..

ఆలివ్, పాలకూర, టమోటాలు తినాలని  ఎప్పుడూ ఇష్టం లేకపోయినా బ్రెయిన్ ట్యూమర్ ఉంటే  తరచుగా వాటిని తినాలని  వింతైన బలమైన కోరికలు కొందరిలో కలుగుతాయట.
తీవ్రమైన తలనొప్పి,  తలతిరుగుడు వంటి సమస్యలు ఉండటం. వీటి కోసం వైద్యులు ఇచ్చిన మందులు పనిచేయకపోవడం.

లక్షణాలు..

కొంతమందికి బ్రెయిన్ ట్యూమర్ ఉన్నప్పుడు ఎటువంటి లక్షణాలు కనిపించవని, ముఖ్యంగా అది చాలా చిన్నగా ఉంటే ఎలాంటి లక్షణాలు ఉండవని ఆరోగ్య నిపుణులు అంటున్నారు. అయితే దాని పరిమాణం పెరిగేకొద్దీ  అనేక సమస్యలను ఎదుర్కోవలసి రావచ్చు. దీని ప్రధాన లక్షణం తలనొప్పి, ఇది ఉదయం మరింత తీవ్రంగా ఉంటుంది. దీనితో పాటు, కణితి కారణంగా, మూర్ఛలు, ఆలోచించడంలో, మాట్లాడటంలో లేదా భాషను అర్థం చేసుకోవడంలో ఇబ్బంది, వ్యక్తిత్వ మార్పులు, శరీరంలోని ఒక భాగంలో బలహీనత లేదా పక్షవాతం, తరచుగా వికారం లేదా వాంతులు వచ్చే అవకాశం ఉంటుంది.

                                     *రూపశ్రీ

గమనిక:

ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు...