బీజేపీ లెక్క త‌ప్పుతోందా? చిక్కులు త‌ప్ప‌వా?

Publish Date:Feb 4, 2022

Advertisement

ఐదు రాష్ట్రాల అసెంబ్లీ ఎన్నికలలో, ముఖ్యంగా దేశం మొత్తం దృష్టిని ఆకర్షిస్తున్న ఉత్తర ప్రదేశ్’లో బీజేపీ అనుకూల పవనాలు వీస్తున్నాయని, సీట్ల సంఖ్య తగ్గినా, యూపీలో మళ్ళీ కమల దళానిదే అధికారమని, ఇంత వరకు చాలా వరకు సర్వేలు చెపుతూ వచ్చాయి. అయితే అది నిన్నటి మాట, పోలింగ్ తేదీలు దగ్గరుతున్న కొద్దీ సీన్ మారుతోంది అనేది తాజా ఖబర్’గా వినవస్తోంది.  

అవును, తొలివిడతలో ఫిబ్రవరి 10 పోలింగ్ జరిగే, పశ్చిమ ఉత్తర ప్రదేశ్’లోని 58 అసెంబ్లీ నియోజక వర్గాల్లో తాజా, పరిస్థితిని గమనిస్తే, కమల దళానికి ఆదిలోనే ఎదురు దెబ్బ తప్పేలా లేదని స్థానిక రాజకీయ విశ్లేషకులు పేర్కొంటున్నారు. ముఖ్యంగా ఈ ప్రాంతంలో గట్టి పట్టున్న ముస్లింలు. అదే విధంగా జాట్లు కారణాలు వేరైనా ఏకమై సమాజ్ వాదీ పార్టీ (ఎస్పీ), రాష్ట్రీయ లోక్ దళ్ (ఆర్ఎల్’డీ) కూటమి వైపు మొగ్గు చూపుతున్నారు. ఈ రెండు వర్గాలను దూరం చేసేందుకు, జాట్ ఓటును తమ వైపుకు తిప్పుకునేందుకు బీజేపీ అన్ని ప్రయత్నాలు చేసింది.అయినా, ఇంతవరకు ఫలితం కనిపించలేదని అంటున్నారు.  

ముఖ్యంగా 2013 నటి ముజఫర్ నగర్ అల్లర్లు, 2014-16 మధ్య కాలంలో హిందువులపై ముస్లింలు జరిపిన దాడులు, ముస్లిం దాడులకు భయపడి హిందువులు వలసలు పోయిన ఉదంతాలు,అలాగే శ్రీ కృష్ణ జనమ భూమి (మధుర) వంటి అంశాలను బీజేపీ ప్రధాన ప్రచార అస్త్రాలుగా ఉపయిగించుకుంటోంది. హిందూ ఓటు ఏకీకరణ కోసం ఏకంగా కేంద్ర హోం మంత్రి అమిత్ షా రంగంలోకి దిగి ఇంటింటి ప్రచారం చేశారు. కైరానా వలస బాధిత హిందూ కుటుంబాలను పరామర్శించారు. అలాగే ముఖ్యమంత్రి యోగీ ఆదిత్య నాథ్’  కైరానాలో కశ్మీర్’ను సృష్టించే ప్రయత్నం చేస్తున్నారని ప్రజలను భయబ్రాంతులనుచేసి తమ వైపుకు తిప్పుకునే ప్రయత్నం చేశారు. 

అయితే, ముస్లిం – జాట్ బంధాన్ని తుంచేసి, హిందువుల ఓట్లను గంపగుత్తగా తమ ఖాతాలో వేసుకునేందుకు, బీజేపీ చేసిన, చేస్తున్న ప్రయత్నాలు అంతగా ఫలిచలేదని, ఎప్పుడో జరిగిన ముజఫర్ నగర్ అల్లర్లు, ఇంకెప్పుడో జరిగిన కైరానా వలసల కంటే, సాగు చట్టాలకు వ్యతిరేకంగా సంవత్సర కాలంపాటు సాగిన రైతుల ఆందోళన, ఆ సందర్భంగా 700 రైతులు చనిపోయిన విషాదం, అందులో ఎక్కువ భాగం పశ్చిమ యూపీకి చెందిన జాట్’ రైతులే కావడం, అన్నిటినీ మించి, కేంద్ర హోం శాఖ సహాయ మంత్రి అజయ్ మిశ్రా కుమారుడు కర్కశంగా కారుతో తొక్కించి ఎనిమిది మంది రైతులను తొక్కించి చంపిన లఖింపూర్ ఖేరీ సంఘటనే జాట్’ ఓటర్ల పై ఎక్కువ ప్రభావం చూపుతుందని అంటున్నారు. కేంద్ర ప్రభుత్వం అజయ్ మిశ్రా పై ఎలాంటి చర్య తీసుకోకపోవడం, పుండు మీద కారం చల్లినట్లు జాట్ రైతులను బాధిస్తోందని, అంటున్నారు.  

ఈ నేపధ్యంలో ‘ఫస్ట్ ఫేజ్’లో పోలింగ్ జరిగే పశ్చిమ యూపీలో బీజేపీకి ఎదురుగాలి తప్పదని, స్థానిక పత్రికల సమాచారం. గత ఎన్నికలలో పశ్చిమ యూపీలోని 70 అసెంబ్లీ స్థానాలకు గానూ, కమల దళం 51 స్థానాలను గెలుచు కుంది, అయితే ఏ సారి అందులో  సగం  కుడా రాకపోవచ్చని అంటున్నారు. 
అయితే, ఒక్క బీజీపీ మినహా మిగిలిన అన్ని పార్టీలు పెద్ద సంఖ్యలో ముస్లిం అభ్యర్ధులను బరిలో దించాయి.తొలి విడతలో పోలింగ్ జరిగే 58 స్థానాల్లో ఎస్పీ – ఆర్ఎల్’డీ  కూటమి 13 మంది ముస్లింలకు టికెట్ ఇచ్చింది. బీఎస్పీ 17 అందని ముస్లిం అభ్యర్ధులను బరిలో దించింది. రెండు పార్టీ ఎనిమిది నియోజక వర్గాల్లో ముస్లిం అభ్యర్ధులనే బరిలో దించాయి, లాగే   కాంగ్రెస్ పార్టీ కూడా  పెద్ద సంఖ్యలోనే ముస్లింలకు టికెట్లు ఇచ్చింది. అలాగే, ఎంఐఎం కూటమి ఇంచు మించుగా కూటమి పోటీచేస్తున్న అన్ని స్థానాల్లో ముస్లిం అభ్యర్ధులనే బరిలో దించింది. ఇది,  ముస్లిం ఓట్ల చీలికకు, లేదా ఆఖరి క్షణంలో కౌంటర్ పోలరైజేషన్ ‘కు దారి తీస్తే, అది బీజేపీకి మేలు చేయవచ్చును. నిజానికి 2017లో జరిగింది అదే. అయితే, అదే సీన్ పునరావృతం అయ్యే అవకాశాలు ఇంచుమించుగా లేవనే అంటున్నారు.

By
en-us Political News

  
విజయవాడలో ప్రతిష్ఠాత్మక రామోజీ ఎక్స్‌లెన్స్ అవార్డుల ప్రదానోత్సవం ఘనంగా నిర్వహించారు.
ఆన్‌లైన్ పరిచయం.. చాటింగ్‌తో స్నేహం.. వీడియో కాల్స్‌తో నమ్మకం.. ఆ తర్వాత ఇంటికి ఆహ్వానం. అంతా సజావుగా సాగుతున్నట్లే కనిపిస్తుంది. కానీ ఆ పరిచయాల వెనుక ఉన్నది స్నేహం కాదు
హైదరాబాద్ వేదికగా ఇటీవల జరిగిన భారత్ సమ్మిట్‌ 2026లో చోటుచేసుకున్న పరిణామాలు రాజకీయ వర్గాల్లో తీవ్ర చర్చకు దారితీశాయి.
సినిమాను తలపించిన నగల దొంగతనం..పట్టించిన పచ్చబొట్టు.!
హైదరాబాద్ నగరవాసులకు, ముఖ్యంగా బిర్యానీ ప్రియులకు భారీ షాక్ తగిలింది.
ప్రియుడి హత్యకు 19 ఏళ్ల యువతి సుపారీ.. షాకింగ్ ట్విస్ట్.!
దీపావళి పండుగను కుటుంబ సభ్యులతో కలిసి ఆనందంగా గడపడానికి స్వస్థలానికి వచ్చిన ఓ యువతికి మృత్యువు అనూహ్య రీతిలో ఎదురైంది.
హిందూ ధర్మంలో అత్యంత పవిత్రమైనదిగా భావించే కార్తీక మాసం ప్రారంభం కావడంతో తెలుగు రాష్ట్రాల్లోని శైవక్షేత్రాలన్నీ ఆధ్యాత్మిక శోభను సంతరించుకున్నాయి.
తెలుగు చలనచిత్ర పరిశ్రమలో మరో విషాద ఛాయలు అలుముకున్నాయి.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
తెలుగు చలనచిత్ర పరిశ్రమలో తీవ్ర విషాదం చోటుచేసుకుంది.
తీపి పదార్థమనుకుని నోట్లో పెట్టుకున్నాడు.. చివరకు విగతజీవిగా మారాడు!
డిజిటల్ ఆర్థిక వ్యవస్థలో కీలక పాత్ర పోషిస్తున్న గిగ్ వర్కర్ల సంక్షేమానికి తెలంగాణ ప్రభుత్వం కీలక అడుగులు వేస్తోంది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.