కిషన్ రెడ్డి ఇరుక్కున్నట్లేనా.. కాళేశ్వరం అవినీతిపై బీజేపీ విమర్శలకే పరిమితమా?

Publish Date:Nov 9, 2023

Advertisement

తెలంగాణ బీజేపీ అధ్యక్షుడు కిషన్‌రెడ్డికి కాళేశ్వరంపై చేసిన వ్యాఖ్యలకు ఊహించని విధంగా గట్టి రాటార్డ్ వచ్చింది.  కాళేశ్వరం ప్రాజెక్టు అవినీతిపై విచారణకు సీఎం కేసీఆర్‌ ముందుకు వచ్చి లేఖ రాస్తే.. తాను రెండుగంటల్లో సీబీఐ విచారణ చేయిస్తానని కిషన్ రెడ్డి  చెప్పారు. అలా చెప్పడం ద్వారా  కేంద్రం నేరుగా కాళేశ్వరం అవినీతిపై చేయగలిగిందేమీ లేదని అంగీకరించేసినట్లైంది. అయితే  సీబీఐ మాజీ డెరెక్టర్ నాగేశ్వరరావు కిషన్ రెడ్డి తప్పించుకోవడానికే ఇలా చెప్పారని కుండబద్దలు కొట్టేశారు. ఒక విధంగా చెప్పాలంటే బీజేపీ, బీఆర్ఎస్ మధ్య రహస్య బంధాలు ఉన్నాయనీ, అవి పరస్పరం సహకారం అందించుకుంటున్నాయనీ ఇంత కాలం ఉన్న అనుమానాలను బలపరిచే విధంగా నాగేశ్వరరావు కాళేశ్వరం ప్రాజెక్టు అవినీతిపై దర్యాప్తునకు కేసీఆర్ లేఖ అవసరం లేదంటూ ఆయన విస్పష్టంగా తేల్చేశారు.  కాళేశ్వరంపై సీబీఐ విచారణకు  తెలంగాణ సీఎం కేసీఆర్‌ అనుమతి అవసరం లేదనీ, ఆ ప్రాజెక్టుకు అనుమతులు ఇచ్చింది కేంద్రానికి చెందిన సంస్థలేననీ, అది కూడా ఒకటీ రెండూ కాదు ఏకంగా పది ఏజెన్సీలు అనుమతులు మంజూరు చేశాయనీ నాగేశ్వరరావు తెలిపారు. కాళేశ్వరం అవినీతిపై కేంద్ర జలవనరుల శాఖ సీబీఐకి ఫిర్యాదు చేస్తే చాలనీ, సీబీఐ దర్యాప్తు ప్రారంభించేయొచ్చనీ స్పష్టం చేశారు.  

దీంతో కేంద్రం కాళేశ్వరం అవినీతిపై కేసీఆర్ పై, ఆయన ప్రభుత్వంపై విమర్శలకే పరిమితమౌతుంది తప్ప సీబీఐ దర్యాప్తునకు ఆదేశించి..నిగ్గు తేల్చే ఉద్దేశంలో లేదని స్పష్టమైపోయింది.  దీంతో  కేసీఆర్ లేఖ రాస్తే తప్ప సీబీఐ దర్యాప్తు కోరలేమంటూ కిషన్ రెడ్డి చేసిన వ్యాఖ్య ఆయనను చిక్కుల్లో పడేసినట్లైంది. కేంద్ర మంత్రిగా కేసీఆర్ లేఖ కోసం ఎదురు చూడకుండా ఆయన కేంద్ర జలశక్తి శాఖ  ద్వారా సీబీఐకి లేఖ రాయించడమో, ఫిర్యాదు  చేయడమో ఎందుకు చేయడం లేదన్న ప్రశ్న ఉత్పన్నమైంది.  ఈ ప్రశ్నే బీజేపీ, బీఆర్ఎస్ రహస్య బంధాన్ని బట్టబయలు చేస్తోందని పరిశీలకులు విశ్లేషిస్తున్నారు. 

ఎన్నికల వేళ ఈ పరిస్థితి కచ్చితంగా కిషన్ రెడ్డికే కాదు, బీజేపీకి కూడా ఇబ్బందికరమే. దీంతో కిషన్ రెడ్డి ఏం చేస్తారన్న ఆశక్తి సర్వత్రా వ్యక్తం అవుతోంది. సీబీఐ మాజీ డైరెక్టర్ నాగేశ్వరరావు కాళేశ్వరం అవినీతిపై ఏయే సెక్షన్ల కింద రాష్ట్ర ప్రభుత్వ అనుమతి లేకుండా సీబీఐ దర్యాప్తునకు ఆదేశించాల్సిందో వివరంగా వెల్లడించిన తరువాత కూడా మీనమేషాలు లెక్కిస్తే.. అటు బీఆర్ఎస్, ఇటు బీజేపీల బండారం బయటపడిపోవడమే కాకుండా ఆ రెండు పార్టీల ప్రతిష్ట మసకబారడం ఖాయం అన్న అభిప్రాయం రాజకీయవర్గాలలో వ్యక్తం అవుతోంది. మద్యం లిక్కర్ కేసులో ఆప్ నాయకుడు, ఢిల్లీ మాజీ ముఖ్యమంత్రి మనీష్ సిసోడియాను జైలుకు పంపడానికి ఇసుమంతైన సంకోచించని కేంద్ర దర్యాప్తు సంస్థలు కవిత విషయంలో ఎందుకు వెనక్కు తగ్గాయో కూడా కాళేశ్వరం అవినీతిపై సీబీఐ దర్యాప్తు విషయంలో చేసిన వ్యాఖ్యలతో స్పష్టమైనట్లేనన్న విమర్శలు ఇప్పటికే వెల్లువెత్తుతున్నాయి.  
కాళేశ్వరం ప్రాజెక్టు పరిశీలనకు వెళ్లిన బృందానికి కిషన్‌రెడ్డి నాయకత్వం వహించారు. మేడిగడ్డ కుంగుబాటును పరిశీలించారు.   అవినీతిపై ఆరోపణలు గుప్పించారు.  అయినా  సీబీఐ విచారణకు మాత్రం అవినీతికి పాల్పడ్డారని తాము ఆరోపిస్తున్న కేసీఆర్ అనుమతి కావాలనడమేమిటన్న విమర్శలు వెల్లువెత్తుతున్నాయి. బీఆర్‌ఎస్‌కు బీజేపీ బీ టీము కాబట్టే లిక్కరు కేసులో కవితను ఇప్పటిదాకా అరెస్టు చేయలేదని , ఇప్పుడు కాళేశ్వరం ప్రాజెక్టులో అవినీతి జరిగిందని   ఆరోపిస్తూ కూడా సీబీఐ దర్యాప్తునకు ఆదేశించడం లేదనీ కాంగ్రెస్ విమర్శలు గుప్పిస్తోంది.  ఈ పరిస్థితుల్లో సీబీఐ మాజీ డైరెక్టర్ కాళేశ్వరంపై దర్యాప్తునకు రాష్ట్ర ముఖ్యమంత్రి అనుమతి అవసరం లేదని సెక్షన్లతో సహా చెప్పిన తరువాత కిషన్ రెడ్డి ఏ విధంగా స్పందిస్తారన్న ఉత్కంఠ సర్వత్రా వ్యక్తమౌతోంది.  

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.