ఏపీలో కమలం విరియకముందే వాడి పోతుందా?

Publish Date:Aug 1, 2020

Advertisement

ఉమ్మడి ఆంధ్రప్రదేశ్ లో కాంగ్రెస్ పార్టీ బలంగా ఉండేది. కానీ రాష్ట్ర విభజన నిర్ణయంతో ఆంధ్రప్రదేశ్ లో కుప్పకూలిపోయింది. కనీసం అన్ని స్థానాల్లో అభ్యర్థులను కూడా నిలబెట్టలేని స్థాయికి దిగజారిపోయింది. అసలు ఆంధ్రప్రదేశ్ లో మళ్ళీ కాంగ్రెస్ పుంజుకుంటుందన్న నమ్మకం ఆ పార్టీ నేతల్లో కూడా లేదు. ఇప్పుడు ఆంధ్రప్రదేశ్ లో బీజీపీది కూడా ఇదే పరిస్థితి.

 

బీజీపీ ఆంధ్రప్రదేశ్ లో మొదటినుంచి బలమైన పార్టీ ఏం కాదు. కానీ 2014 ఎన్నికల్లో మోడీ మేనియాతో పాటు టీడీపీతో కలిసి పోటీ చేయడంతో గౌరవప్రదమైన ఓట్లు, సీట్లు సాధించింది. ఆ తరువాత ఏపీలో ఒంటరిగా బలపడాలని చూసింది కానీ.. ఓ రకంగా బీజీపీ వేస్తోన్న అడుగులే ఆ పార్టీ ఎదుగుదలకి అడ్డుపడుతున్నాయి. అధికారంలోకి రాకముందు ప్రత్యేకహోదా ఇస్తామని హామీ ఇచ్చారు. తీరా అధికారంలోకి వచ్చాక మాట మార్చారు. అదే ప్రత్యేకహోదా మాట నిలబెట్టుకొని ఉంటే.. ఏపీలో బీజేపీకి మంచి మైలేజ్ వచ్చేది. అంత మంచి అవకాశాన్ని పోగొట్టుకోవడమే కాకుండా.. ఏపీ ప్రజల నమ్మకాన్ని కూడా పోగొట్టుకుంది.

 

ఇక రాజధాని విషయంలో బీజేపీ రెండు పడవల మీద ప్రయాణం చేయడం ఏపీలో ఆ పార్టీ మనుగడనే ప్రశ్నార్థంలో పడేసింది. రాష్ట్ర నాయకులుగా ఏపీ రాజధాని అమరావతే ఉండాలని కోరుకుంటాం.. కానీ రాజధాని విషయంలో కేంద్ర కలగచేసుకోదు అంటున్నారు. పోనీ రాష్ట్ర నాయకులు అమరావతే ఉండాలని పోరాడుతున్నారా అంటే అదీ లేదు. 

 

ఇప్పటికే మూడు రాజధానుల అంశంలో వైసీపీ ప్రభుత్వానికి కేంద్రంలోని బీజేపీ అండ ఉందన్న ప్రచారం ఉంది. తాజాగా గవర్నర్ మూడు రాజధానుల బిల్లుకి ఆమోదం తెలపడంతో.. ఆ ప్రచారం నిజమన్న భావన మొదలైంది. ఎందుకంటే ఈరోజుల్లో గవర్నర్ పదవి అనేది అలంకారప్రాయం. కేంద్రంలో అధికారంలో ఉన్న తమ పార్టీకి అనుకూలంగానే నిర్ణయాలు ఉంటాయి. అంతెందుకు కర్ణాటక, మహారాష్ట్ర వంటి రాష్ట్రాలలో పూర్తి మెజారిటీ లేకున్నా ప్రభుత్వ ఏర్పాటుకు ముందుగా బీజేపీని ఆహ్వానించడం.. రాజస్థాన్ లో కాంగ్రెస్ ప్రభుత్వానికి బలనిరూపణకు సమయం ఇవ్వకుండా ఆలస్యం చేయడం.. ఇలాంటి కొన్ని ఉదాహరణలు చాలవా? గవర్నర్ నిర్ణయాలు కేంద్రంలోని తమ పార్టీకి నచ్చేవిలా ఉంటాయని చెప్పడానికి. 

 

అలాగే ఇప్పుడు ఏపీ రాజధానుల బిల్లు విషయంలో కేంద్రాన్ని సంప్రదించకుండా గవర్నర్ నిర్ణయం తీసుకొని ఉండరనేది జగమెరిగిన సత్యం. దానికి తోడు రాజధానుల బిల్లుని ఆమోదించవద్దని గవర్నర్ కి లేఖ రాసిన కన్నా లక్ష్మీనారాయణను తప్పించి ఆయన స్థానంలో పార్టీ రాష్ట్ర అధ్యక్షుడిగా సోము వీర్రాజుని తీసుకురావడం, ఇది జరిగి రెండు రోజులు గడవక ముందే గవర్నర్ రాజధానుల బిల్లుకి ఆమోదం తెలపడం.. చూస్తుంటే బీజేపీ పరోక్షంగా మూడు రాజధానులకు మద్దతు తెలిపిందన్న భావన కలుగుతోంది.

 

మొత్తానికి అమరావతి విషయంలో బీజేపీ అనుసరిస్తోన్న తీరు.. ఏపీలో ఆ పార్టీ భవిష్యత్ ని ప్రశ్నార్థంలో పడేసింది. మూడు రాజధానుల బిల్లుకి గవర్నర్ ఆమోదం తెలపడంతో.. అమరావతిని రాజధానిగా కోరుకునే వారు వైసీపీని ఎంత వ్యతిరేకిస్తారో బీజేపీని అదేస్థాయిలో వ్యతిరేస్తారు. మరోవైపు, మూడు రాజధానులకు మద్దతు తెలిపేవారికి కూడా బీజేపీ దగ్గరయ్యే అవకాశం లేదు. ఎందుకంటే రాష్ట్ర నాయకత్వం అమరావతికే మా ఓటు అంటుంది. అంటే ఇటు పోరాడి అమరావతికి మద్దతిచ్చే వాళ్లకూ దగ్గరవ్వట్లేదు, అటు వ్యతిరేకించి మూడు రాజధానులకి మద్దతు తెలుపుతున్న వాళ్ళకీ దగ్గరవ్వట్లేదు. రెండు పడవల మీద కాలేస్తూ.. ఏపీలో బలపడాలన్న కలని కలగానే మిగుల్చుకొంటుంది.

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.