తెలంగాణా అంశంపై బిజెపికి అంత ఆసక్తి దేనికో?

Publish Date:Feb 27, 2013

Advertisement

 

భారతీయజనతా పార్టీ గత రెండు దశబ్దాలుగా దక్షిణాది రాష్ట్రాలలో తన కమలాన్ని వికసింపజేయాలని ఎంతగా ప్రయత్నిస్తున్నపటికీ, కర్ణాటకలో తప్ప మరి వేరే ఏ రాష్ట్రంలోను మొగ్గ తొడగలేకపోయింది.అధికారంలో ఉన్న ఆ ఒక్క రాష్ట్రంలో కూడా తిరుగుబాటు చేసిన మాజీ ముఖ్యమంత్రి ఎడ్యురప్ప సొంత కుంపటి పెట్టి బీజేపీకి ఎసరు పెడుతుండటంతో, అక్కడ కూడా ఆపార్టీ పరిస్థితి (ఎడ్యురప్ప) తుమ్మితే ఊడిపోయే ముక్కులా దయనీయంగా తయారయింది.

 

ఇక, ఆంధ్ర, తమిళనాడు, కేరళ రాష్ట్రాలలో ఉన్నబలమయిన ప్రాంతీయ పార్టీలు బీజేపీ ఆయా రాష్ట్రాలలో కాలు కాదుకదా, వేలు కూడా పెట్టేందుకు చోటు మిగల్చకపోవడంతో, మూడు రాష్ట్రాలలో ఆ పార్టీ ఉనికి అంతంత మాత్రంగానే ఉంది. అయితే, గత దశాబ్దకాలంగా సాగుతున్న తెలంగాణా ఉద్యమం, బీజేపీకి రాష్ట్రంలో ఊహించని ఒక కొత్త అవకాశాన్నిఅందజేసింది. మొదట్లో బీజేపీ తెలంగాణా విషయంలో కొంచెం సందిగ్ద పడినప్పటికీ, అదే తమకు రాష్ట్రంలో కాలుమోపేందుకు ఒక చక్కటి అవకాశం కల్పిస్తోందని గ్రహించిన బీజేపీ తెలంగాణా విషయంలో మరిక ఎన్నడూ కూడా వెనుతిరిగి చూడలేదు. నాటి నుండి నేటి వరకూ కూడా బీజేపీ తెలంగాణా ఉద్యమాలలో కీలక పాత్ర పోషిస్తూ, క్రమంగా తెలంగాణాలో తన బలం పెంచుకొనగలిగింది.

 

అదే సమయంలో, బీజేపీ అధిష్టానం కూడా తెలంగాణా విషయంలో నిర్ద్వందంగా తన అభిప్రాయాన్ని ప్రకటిస్తూ, తాము అధికారంలోకి రాగానే ఖచ్చితంగా 100 రోజుల్లోనే తెలంగాణా రాష్ట్రం ఏర్పాటు చేస్తామని ప్రకటించింది. నిన్న ఆ పార్టీ అధ్యక్షుడు రాజ్ నాథ్ సింగ్ పార్లమెంటులో అదే విషయాన్నీ మరో మారు దృవీకరిస్తూ, యు.పీ.ఏ. ప్రభుత్వం గనుక తెలంగాణా ఈయకపోతే, తాము అధికారంలోకి రాగానే తెలంగాణా ఇస్తామని మరోమారు స్పష్టం చేసారు.

 

కాంగ్రెస్ పార్టీ నాన్చుడు ధోరణితో విసిగెత్తిపోయిన తెరాస అధినేత కేసీఆర్ కూడా యు.పీ.ఏ. కాకపొతే ఎన్డీయే మరో ప్రత్యామ్నాయం ఉందంటూ ప్రకటించాడు.

 

ఇక, రాష్ట్రంలో బీజేపీ విషయానికి వస్తే, కాంగ్రెస్, వైయస్సార్ కాంగ్రెస్, తెలుగుదేశం పార్టీలకు లేని ఒక గొప్ప అవకాశం అది కలిగిఉంది. ఆ మూడు పార్టీలు కూడా రాష్ట్రంలో తమ పరిస్థితులు తలక్రిందులవుతుందనే భయంతో తెలంగాణా అంశంపై నేటికీ నోరు మెదపడానికి భయపడుతుండగా, రాష్ట్రంలో తెలంగాణాలో తప్ప మరే ఇతర ప్రాంతాలలో ప్రభావం చూపని బీజేపీ సరిగ్గా ఇదే కారణంతో ఆరెండు పార్టీలను అధిగమించి నిర్ద్వందంగా తెలంగాణా అనుకూల నిర్ణయం ప్రకటించి, చురుకుగా ఉద్యమంలో పాల్గొంటోంది.

 

తద్వారా బీజేపీకి రాష్ట్రంలో కొత్తగా కోల్పోయేదేమి లేకపోయినా, తెలంగాణాలో తానూ చేస్తున్న ఉద్యమాలవల్ల కనీసం తెలంగాణా ప్రాంతాలలోనయినా తన జెండా ఎగురవేయగలిగే అవకాశం దక్కుతుందని అది ఆశపడుతోంది.

 

అయితే, తెలంగాణా బలంగా ఉన్న తెరాసను కాదని తానూ ఒంటరిగా గెలవగలదని ఖచ్చితంగా చెప్పలేనప్పటికీ, బీజేపీకి రాష్ట్రంలో తన ప్రాభల్యం పెంచుకొనేందుకు ఇంతకంటే వేరే ప్రత్యామ్నాయ అవకాశం కూడా లేదు గనుక తెలంగాణా అంశం పట్టుకొని ముందుకు సాగిపోతోందని చెప్పవచ్చును.

 

ఒకవేళ ఆ పార్టీకి కూడా ఆంద్రా ప్రాంతంలో గెలిచే అవకాశాలు స్పష్టంగా ఉండిఉంటే, బహుశః బీజేపీ కూడా తెలంగాణా అంశంపై కాంగ్రెస్,వైయస్సార్ కాంగ్రెస్, తెలుగుదేశం పార్టీలు ప్రస్తుతం అనుసరిస్తున్న వైఖరినే అవలంబించి ఉండేదేమో!

By
en-us Political News

  
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు  జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు...
తెలంగాణ  రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో  సహజంగానే అందరిలోనూ ఆసక్తి నెలకొంది...
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో  తెర పడింది.రాష్ట్రంలోని మహబూబ్‌నగర్‌-హైదరాబాద్‌-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్‌ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది. 
​సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా  తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి   కూడా తానూ హిందువును అనే విషయం ఇప్పుడు గుర్తుకొచ్చింది.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది...
జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు.
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు  అసమ్మతి స్వరాన్ని పెంచారు...
పంచతంత్రంగా పిలుచుకుంటున్న ఐదు రాష్టాల అసెంబ్లీ ఎన్నికల్లో అద్భతం జరగబోతోంది. కేంద్ర ఎన్నికల సంఘం నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల షెడ్యూలు ప్రకటించిన వెంటనే, వివిధ సంస్థలు అసెంబ్లీ ఎన్నికలు జరిగే  అస్సాం. పశ్చిమబెంగాల్, తమిళనాడు రాష్ట్రాలతో పాటుగా కేరళలోనూ ఒపీనియన్ పోల్స్ నిర్వహించాయి...
కేంద్ర ఎన్నికలసంఘం ‘పాంచ్ పటాక’ గంట కొట్టింది. అస్సాం, పశ్చిమ బెంగాల్, కేరళ, తమిళనాడు రాష్ట్రాలు, పుదుచ్చేరి కేంద్ర పాలిత ప్రాంతాల అసెంబ్లీ ఎన్నికల షెడ్యూలును కేంద్ర ఎన్నికల సంఘం విడుదలచేసింది. ఎన్నికల గంట మోగడంతో మొదలైన మరో భారత ‘మినీ’  సంగ్రామానికి మే 12 తేదీన జరిగే ఓట్ల లెక్కింపుతో తెర పడుతుంది.ఈలోగా వివిధ అంచల్లో పోలింగ్ జరుగుతుంది.  
నాలుగు రాష్టాలు అస్సాం, పశ్చిమ బెంగాల్ తమిళనాడు,కేరళ, కేంద్ర పాలిత ప్రాంతం పుదుచ్చేరి శాసన సభలకు  మరో రెండు నెలల్లో ఎన్నికలు జరుగుతాయి. ఇది అందరికీ తెలిసిన విషయం.
ఏపీ కేబినెట్ అనూహ్య నిర్ణయం తీసుకుంది. ఇప్పటికే 50 శాతం నిర్మాణం పూర్తయి.. పెండింగ్‌లో ఉన్న భవనాలను పూర్తి చేయాలని సర్కారు నిర్ణయించింది. అందుకు  3వేల కోట్ల బ్యాంక్ గ్యారంటీ ఇచ్చేందకు ప్రభుత్వం అంగీకరించింది. ఇప్పటికీ ప్రారంభం కానీ, కొద్దిగా ప్రారంభమైన భవనాల నిర్మాణాలపై ఇంజనీరింగ్ నివేదిక వచ్చాక నిర్ణయం తీసుకోవాలని కేబినెట్‌ అభిప్రాయ పడింది. 
ఆంధ్రప్రదేశ్ లో పంచాయతీ ఎన్నికల క్రతువు ముగిసింది. ఈ నెల 9వ తేదీన మొదలైన పోలింగ్, ఆదివారం జరిగిన నాల్గవ విడత పోలింగ్ తో ముగిసింది. ఇంచుమించుగా సంవత్సరంపాటు సాగిన పంచయతీ వివాదం చివరాఖరుకు ఆల్ ఈజ్ వెల్ దట్ ఎండ్స్ వెల్ అన్నట్లుగా మొత్తం 10,890 సర్పంచ్ స్థానాలకు జరిగిన ఎన్నికల పోలింగ్ చాలా వరకు ప్రశాంతంగా జరిగాయి.   ఈ ఎన్నికలలో ఎవరు గెలిచారు,ఎవరు ఓడిపోయారు అనే విషయాన్నిపక్కన పెడితే  కొవిడ్ భయాన్ని, ఇతరత్రా  ఎదురైన సమస్యలను పక్కన పెట్టి, గ్రామీణ ఓటర్లు, ప్రజాస్వామ్య స్పూర్తిని పుష్కలంగా కురిపించారు. నాలుగు దశల్లో పోలింగ్ జరిగితే, ప్రతి దశలోనూ ఓటర్లు ఉత్సాహంగా ఓటింగ్’లో పాల్గొన్నారు. మొత్తంగా చూస్తే 80.14 శాతం ఓటర్లు ఓటు హక్కును వినియోగించుకున్నారు.
రోడ్లన్నీ రద్దీ. గుంపులు గుంపులుగా జనం. ఉద్యోగాలు, వ్యాపారాలు, పెళ్లిళ్లు, ఫంక్షన్లు, గుళ్లు, పండగలూ ఇలా జనజీవనం మళ్లీ మామూలు స్థితికి వచ్చేసింది. కరోనా లేదు. గిరోనా లేదు. ఇండియన్ల ముందు చైనీస్ వైరస్ తోకముడిచిందంటూ గొప్పలు. మాస్కులు పెట్టుకోవడం తగ్గించేశారు.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.