ఉత్తరాంధ్ర భవిష్యత్తును మార్చే శక్తి భోగాపురం అంతర్జాతీయ విమానాశ్రయానికి ఉందా అనే చర్చ తీవ్రంగా సాగుతోంది. దాదాపు దశాబ్ద కాలం క్రితం సీఎం చంద్రబాబు నాయుడు హయాంలో రూపుదిద్దుకున్న ఈ భారీ ప్రాజెక్టు, అనేక రాజకీయ, పరిపాలనాపరమైన హెచ్చుతగ్గులను దాటుకుని ఇప్పుడు సాకారమవుతోంది. శ్రీకాకుళం, విజయనగరం, విశాఖపట్నం జిల్లాల ప్రజల కలల ప్రతిరూపంగా నిలుస్తున్న ఈ ఎయిర్‌పోర్ట్ కేవలం ఒక మౌలిక వసతి మాత్రమే కాదు, తరతరాల వలస వ్యథలకు చెక్ పెట్టే ఒక ఆశల దీపం. విశాఖపట్నంలో ప్రస్తుతం ఉన్న విమానాశ్రయం ఇండియన్ నేవీ నియంత్రణలో ఉండటం వల్ల విమానాల ల్యాండింగ్, టేకాఫ్‌లపై పలు భద్రతా పరిమితులు ఉండేవి. భోగాపురం అంతర్జాతీయ విమానాశ్రయం, పోర్టులు, సిక్స్ లేన్ రహదారులు, భారీ పరిశ్రమల రాకతో ఈ ప్రాంతం ఆంధ్రప్రదేశ్‌లో తదుపరి గ్రోత్ హబ్‌గా మారుతుందా అనే అంశంపై మాజీ ఐఏఎస్ అధికారి పి.వి. రమేష్‌  తెలుగు వన్ ఎండీ కంఠమనేని రవిశంకర్ మధ్య ఆసక్తికర చర్చ జరిగింది.

ఈ పరిమితులను అధిగమించడానికి భోగాపురం ఎయిర్‌పోర్ట్ అత్యంత కీలకమైన ప్రత్యామ్నాయంగా మారింది. అయితే, కేవలం విమానాశ్రయాన్ని నిర్మించినంత మాత్రాన ఒక ప్రాంత ఆర్థిక స్థితిగతులు రాత్రికి రాత్రే మారిపోవు. ఎయిర్‌పోర్ట్ అనేది అభివృద్ధికి అవసరమైన ఒక ముఖ్యమైన సాధనం మాత్రమే. వలసల బాట వీడి స్వగ్రామాల్లోనే ఉపాధి ఒకప్పుడు ఉపాధి వెతుక్కుంటూ పాలమూరు లాగే ఉత్తరాంధ్ర ప్రజలు కూడా శ్రీకాకుళం, విజయనగరం జిల్లాల నుంచి సుదూర ప్రాంతాలకు వలస వెళ్లేవారు. కుటుంబాలను విడిచిపెట్టి, పొట్టకూటి కోసం వేరే రాష్ట్రాల్లో పడే బాధలు వర్ణనాతీతం. భోగాపురం ఎయిర్‌పోర్ట్ రాకతో ఈ వలసల కష్టాలకు తెరపడే అవకాశం కనిపిస్తోంది. ఎయిర్‌పోర్ట్ కేంద్రంగా టూరిజం, హోటల్ రంగాలు, సర్వీస్ ఇండస్ట్రీ విపరీతంగా పెరిగే అవకాశం ఉంది.

అంతేకాకుండా, ఉత్తరాంధ్రలో విస్తారంగా ఉన్న జీడిపప్పు (క్యాషూ) పంటను, సముద్ర ఉత్పత్తులను ప్రోత్సహించే ఫుడ్ ప్రాసెసింగ్, మెరైన్ ప్రాసెసింగ్ యూనిట్లకు ఎయిర్‌పోర్ట్ దగ్గరగా ఉండటం వల్ల ఎగుమతులు సులువవుతాయి. చిన్న, మధ్య తరహా పరిశ్రమలు అభివృద్ధి చెందితే, స్థానిక యువతకే స్వగ్రామాల్లోనే ఉద్యోగాలు లభిస్తాయి. ఐటీ డేటా సెంటర్లు, ఆర్సెలర్ మిట్టల్ వంటి మెగా స్టీల్ ప్లాంట్లు విశాఖ పరిసరాల్లో ఏర్పాటు కావడం వల్ల గ్రోత్ మోమెంటమ్ ఊపందుకుంటోంది. మౌలిక వసతుల విస్తరణే అసలైన ప్రగతివిశాఖపట్నం పోర్ట్, గంగవరం పోర్ట్, శ్రీకాకుళం ప్రతిపాదిత పోర్ట్‌లతో పాటు గోల్డెన్ క్వాడ్రిలేటరల్ సిక్స్ లేన్ రహదారులు ఇప్పటికే ఈ ప్రాంతంలో రవాణా వ్యవస్థను బలోపేతం చేశాయి. 

శ్రీకాకుళం నుంచి భోగాపురం వరకు ఉన్న బెల్ట్ రేర్ ఎర్త్స్  అలాగే గ్రీన్ హైడ్రోజన్ హబ్‌గా మారే అవకాశాలు ఉన్నాయి. ఇది భవిష్యత్ ఆర్థిక రంగానికి అత్యంత కీలకమైన అంశం. అయితే, కేవలం ఎయిర్‌పోర్ట్, ఎక్స్‌ప్రెస్ వేలు మాత్రమే కాకుండా మారుమూల గ్రామీణ ప్రాంతాలకు ప్రజల రవాణా వ్యవస్థ  బస్సు సర్వీసులు, రైలు కనెక్టివిటీ విస్తరించినప్పుడే అభివృద్ధి పూర్తిస్థాయిలో ఫలించి సాధారణ ప్రజలకు మేలు జరుగుతుంది. రాబోయే రెండు దశాబ్దాల్లో ఉత్తరాంధ్ర ఆర్థికంగా, సామాజికంగా సరికొత్త రూపాంతరం చెందుతుందనడంలో ఎలాంటి సందేహం లేదు. 

Bhogapuram International Airport, Uttarandhra Development, Vizag Growth Hub, PV Ramesh IAS Interview, Andhra Pradesh, Vizag Airport vs Bhogapuram Airport, Srikakulam,CM Chandrababu