బెన్ స్టోక్స్ సంచలన నిర్ణయం? నైట్‌క్లబ్ వివాదం తర్వాత రిటైర్మెంట్ షాక్!

Publish Date:Jun 10, 2026

Advertisement

ఇంగ్లాండ్ టెస్ట్ క్రికెట్ కెప్టెన్ బెన్ స్టోక్స్ కెరీర్ ఇప్పుడు ఒక పెద్ద మలుపులో పడింది. లార్డ్స్ మైదానంలో న్యూజిలాండ్‌తో జరిగిన మొదటి టెస్ట్ మ్యాచ్‌లో ఇంగ్లాండ్ జట్టు 115 పరుగుల భారీ తేడాతో అద్భుత విజయాన్ని అందుకుంది. ఈ మ్యాచ్ తొలి ఇన్నింగ్స్‌లో ఇంగ్లాండ్ కేవలం 140 పరుగులకే ఆలౌట్ అయినప్పటికీ, ఆ తర్వాత కివీస్ జట్టును 113 పరుగులకే కట్టడి చేసి 27 పరుగుల కీలక ఆధిక్యాన్ని సాధించింది. రెండో ఇన్నింగ్స్‌లో ఎమిలియో గే హాఫ్ సెంచరీ చేయడంతో ఇంగ్లాండ్ 226 పరుగులు చేసి, న్యూజిలాండ్ ముందు 254 పరుగుల లక్ష్యాన్ని ఉంచింది. అయితే కివీస్ బ్యాటర్లలో డెవాన్ కాన్వే 41 పరుగులు, గ్లెన్ ఫిలిప్స్ నాటౌట్‌గా 44 పరుగులు మినహా మిగిలిన వారు రాణించలేకపోవడంతో న్యూజిలాండ్ 138 పరుగులకే కుప్పకూలింది. ఇంతటి అద్భుత విజయం సాధించిన ఆనందం ఇంగ్లాండ్ క్రికెట్ బోర్డులో ఎంతోసేపు నిలవలేదు.

ఈ మ్యాచ్ ముగిసిన వెంటనే లండన్‌లోని ఒక నైట్‌క్లబ్‌లో జరిగిన ఘటన ఇంగ్లాండ్ క్రికెట్‌ను కుదిపేసింది. ఈ నైట్‌క్లబ్ వివాదంలో కెప్టెన్ బెన్ స్టోక్స్‌తో పాటు అతని సహచర ఆటగాడు గస్ అట్కిన్సన్, అలాగే సార్సన్స్ రగ్బీ క్లబ్‌కు చెందిన ఒక ఆటగాడు పాల్గొన్నట్లు వార్తలు వచ్చాయి. ఈ ఘటన బయటకు రావడంతో 35 ఏళ్ల బెన్ స్టోక్స్‌ తీవ్ర విమర్శలను ఎదుర్కొంటున్నాడు. గతంలో 2017లో కూడా బ్రిస్టల్ నైట్‌క్లబ్ వెలుపల ఇద్దరు వ్యక్తులతో జరిగిన ఘర్షణలో స్టోక్స్ చిక్కుకున్నాడు. మళ్లీ ఇప్పుడు అటువంటిదే మరో ఘటన రిపీట్ కావడంతో ఇంగ్లాండ్ అండ్ వేల్స్  బోర్డు (ECB) తీవ్ర ఆగ్రహంతో ఉంది. ఈ ఇద్దరు ఆటగాళ్లపై సస్పెన్షన్ మరియు భారీ జరిమానాలతో కూడిన కఠినమైన క్రమశిక్షణా చర్యలు తీసుకునేందుకు ఈసీబీ సిద్ధమవుతోంది. ఒకవేళ బోర్డు గనుక చర్యలు తీసుకుంటే, జూన్ 17 నుండి ది ఓవల్‌లో ప్రారంభం కానున్న న్యూజిలాండ్‌తో రెండో టెస్ట్‌తో పాటు, జూన్ 25 నుండి ట్రెంట్ బ్రిడ్జ్‌లో జరిగే మూడో టెస్ట్ మ్యాచ్‌లకు కూడా వీరు దూరం కావాల్సి ఉంటుంది.

ఈ క్రమంలోనే బెన్ స్టోక్స్ బుధవారం తన వ్యక్తిగత సలహాదారులతో అత్యవసరంగా సమావేశం కానున్నారు. బోర్డుతో ఉన్న విభేదాలు, ఈ వివాదాన్ని ఈసీబీ హ్యాండిల్ చేస్తున్న తీరుపై స్టోక్స్ అసంతృప్తిగా ఉన్నట్లు తెలుస్తోంది. ఈ ఒత్తిడి కారణంగా ఈసీబీ అధికారిక ప్రకటన చేసే కంటే ముందే, స్టోక్స్ తన సోషల్ మీడియా ద్వారా స్వతంత్రంగా రిటైర్మెంట్ ప్రకటించవచ్చనే భయాలు వ్యక్తమవుతున్నాయి. నిజానికి 2027 వరకు ఉన్న తన సెంట్రల్ కాంట్రాక్ట్ ప్రకారం స్వదేశంలో జరిగే యాషెస్ సిరీస్ ముగిసే వరకు ఆడాలని అతను భావించినప్పటికీ, ప్రస్తుత పరిస్థితులు అతనిని ముందే వీడ్కోలు పలికేలా చేస్తున్నాయి. ఈ వారంలోనే రెండో టెస్ట్‌కు సంబంధించిన జట్టును ప్రకటించనున్న ఈసీబీ, ఒక అత్యవసర బోర్డు సమావేశాన్ని కూడా నిర్వహించింది. ఈ వివాదం క్రికెట్ ప్రపంచంలో సంచలనంగా మారింది.

By
en-us Political News

  
తెలంగాణ రాష్ట్రంలో ప్రజలు వినియోగిస్తున్న ఆహార పదార్థాల్లో పెరుగు తున్న కల్తీ కారణంగా క్యాన్సర్‌తో పాటు అనేక దీర్ఘకాలిక ఆరోగ్య సమ స్యలు పెరుగుతున్నాయని ప్రభుత్వం ఆందోళన వ్యక్తం చేస్తోంది.
వీకెండ్ వేళ మద్యం మత్తులో వాహనాలు నడిపే వారిపై సైబరాబాద్ ట్రాఫిక్ పోలీసులు కొరడా ఝళిపిస్తున్నారు.
ప్రయాణికులను సురక్షితంగా గమ్యస్థానాలకు చేర్చాల్సిన ప్రభుత్వ రవాణా సంస్థ బస్సులు నడిరోడ్డుపై మొరాయిస్తే ఆ పరిస్థితి ఎంత ఘోరంగా ఉంటుందో ప్రత్యేకంగా చెప్పక్కర్లేదు.
ఆంధ్రప్రదేశ్‌లో సార్వత్రిక ఎన్నికల అనంతరం కూటమి ప్రభుత్వం అధికారంలోకి వచ్చిన నేపథ్యంలో, రాజకీయ సమీకరణాలు వేగంగా మారుతున్నాయి.
కాళేశ్వరం ప్రాజెక్టు పరిధిలోని లక్ష్మీ (కన్నేపల్లి) పంప్ హౌస్ వేదికగా తెలంగాణ రాష్ట్ర రాజకీయాలు ఒక్కసారిగా వేడెక్కాయి.
రాష్ట్ర వ్యాప్తంగా విస్తృతంగా అభివృద్ధి కార్యక్రమాలు కొనసాగుతున్నాయని ముఖ్యమంత్రి చంద్రబాబు తెలిపారు.
మునుగోడు ఎమ్మెల్యే కొమటిరెడ్డి రాజగోపాల్ రెడ్డి కీలక వ్యాఖ్యలు చేశారు.
ఇటీవల కాలంలో సోషల్ మీడియా వేదికగా సామాన్య ప్రజల సమస్యలపై నాయకులు స్పందించే తీరు మారుతోంది.
ఆధునిక రాజకీయాల్లో ఎలక్షన్ స్ట్రాటజిస్ట్‌లు (ఎన్నికల వ్యూహకర్తలు), పొలిటికల్ మేనేజ్‌మెంట్ కంపెనీల హవా నడుస్తోంది.
సినీ నటుడు ప్రకాష్ రాజ్‌పై పోలీసులు సుమోటోగా కేసు నమోదు చేసి వెంటనే అరెస్టు చేయాలని బీజేపీ సీనియర్ నాయకుడు ఎస్. విష్ణువర్ధన్ రెడ్డి డిమాండ్ చేశారు.
తెలియని వయసులో ప్రేమ.. భర్త వేధింపులు..!
పూణెకు చెందిన వ్యాపారవేత్త కేతన్ అగర్వాల్ హత్యతో తీవ్ర విషాదంలో ఉన్న ఆ కుటుంబాన్ని మరో దుఃఖం వెంటాడింది.
ఆదాయానికి మించిన ఆస్తుల కేసులో అరెస్టైన డీఎస్పీ భీమ్ రెడ్డి వ్యవహారంలో దర్యాప్తు వేగం పెంచిన ఏసీబీకి కీలక ఆధారాలు లభించాయి.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.