అది ఓ ఆలయం.. అమ్మ వారి సన్నిధి. భక్తులు వచ్చి వెళ్లే పవిత్రమైన ప్రదేశం. కానీ అదే ఆలయాన్ని బయట నుంచి తాళం వేసి లోపల మైనర్ బాలికతో ఓ వృద్ధుడు అసభ్యకరంగా ప్రవర్తిస్తున్న ఘటన స్థానికంగా కలకలం రేపింది. రామచంద్రాపురం పోలీస్ స్టేషన్ పరిధిలో వెలుగుచూసిన ఈ ఘటన స్థానికులను ఒక్కసారిగా ఉలిక్కిపడేలా చేసింది. ఆలయానికి బయట తాళం వేసి ఉండటంతో అనుమానం వచ్చిన స్థానికులు లోపల ఏం జరుగుతుందో గమనించగా.. మైనర్ బాలికతో ఓ వృద్ధుడు అసభ్యకరంగా ప్రవర్తిస్తున్నట్లు గుర్తించారు. అర్చకుడిగా బాధ్యతలు నిర్వహిస్తున్న సాయన్న అనే వృద్ధుడు మైనర్ బాలికను గుడి లోపలికి తీసుకువెళ్ళి అసభ్యంగా ప్రవర్తించ సాగాడు. 

ఘటనను గుర్తించిన స్థానికులు కొందరు దృశ్యాలను వీడియోలో రికార్డు చేశారు. వెంటనే గ్రామ పెద్దలు అందరూ కలిసి పోలీసులకు సమాచారం అందించారు. పవిత్రమైన ఆలయంలోని అమ్మవారి సన్నిధిలోనే బాలికతో వృద్ధుడు అసభ్యకరంగా ప్రవర్తించడాన్ని స్థానికులు ఆగ్రహం వ్యక్తం చేశారు. ఘటనపై సమాచారం అందుకున్న రామచంద్రా పురం పోలీసులు కేసు నమోదు చేసి దర్యాప్తు ప్రారంభించారు.  ఘటనకు సంబంధించిన వీడియో, ఇతర ఆధారాలను పోలీసులు పరిశీలిస్తున్నారు. బాలికకు సంబంధించిన వివరాలను పోలీసులు గోప్యంగా ఉంచారు. పవిత్రమైన ఆలయంలోనే ఇలాంటి ఘటనలు వెలుగులోకి రావడంతో రామచంద్రాపురంలో ఈ వ్యవహారం తీవ్ర చర్చనీయాంశంగా మారింది.

behavior of an elderly man with a minor girl, Ramachandrapuram Police Station, CM Revanth reddy, CP Sajjanar, Sayanna, Crime news