Publish Date:Feb 24, 2012
.jpeg)
బెంగళూరు: కర్నాటకలో మాజీ ముఖ్యమంత్రి బిఎస్ యెడ్యూరప్ప మళ్లీ ముఖ్యమంత్రి పదవిని దక్కించుకోవాలని చేస్తున్న యత్నాలకు గండిపడి భంగపాటు మిగిలింది. అధికారంలో ఉన్న ప్రస్తుత ముఖ్యమంత్రి డివి సదానందగౌడను తొలగించే ప్రసక్తిలేదని అధిష్ఠానం స్పష్టం చేసింది. మాజీ ముఖ్యమంత్రి యెడ్యూరప్పపై వచ్చిన అవినీతి ఆరోపణలు తొలగిపోయే వరకు వేచి ఉండాల్సిందేనని తెలియచేసింది. నగర శివారులలోని ఒక రిసార్ట్‌లో పార్టీ శాసనసభ్యులు, ఎంపీల ‘చింతన్ మంతన్’ సమావేశానికి ముందు యెడ్యూరప్ప బిజెపి అధ్యక్షుడు నితిన్ గడ్కారీని కలిసి తనకు మళ్లీ ముఖ్యమంత్రిగా అవకాశం ఇచ్చేదీ లేనిదీ ఈ నెల 27లోగా తేల్చాలని కోరుతూ అల్టిమేటం ఇచ్చినా ఆయన ప్రయత్నాలు ఫలించలేదు. ‘ప్రస్తుత రాష్ట్ర ప్రభుత్వానికి సదానందగౌడ నాయకత్వం వహిస్తున్నారు. ఆయన నాయకత్వాన్ని మార్చే అవసరం లేదు’ అని యెడ్యూరప్ప తనను కలిసిన మర్నాడే గడ్కారీ తెగేసి చెప్పారు. గనుల తవ్వకాలలో జరిగిన అక్రమాలలో ముఖ్యమంత్రి యెడ్యూరప్పకు కూడా ప్రమేయం ఉందని కర్నాటక లోకాయుక్త తన నివేదికలో పేర్కొనడంతో పార్టీ అధిష్ఠానం ఆయనను ముఖ్యమంత్రి పదవికి రాజీనామా చేయాల్సిందిగా కోరింది. దీనిపై అసంతృప్తితో ఉన్న యెడ్యూరప్ప మళ్లీ ముఖ్యమంత్రి పదవిపై కన్నేసి అక్కడ ఎమ్మెల్యేలను, ఎంపీలను కూడగట్టుకుని తన బలాన్ని అధిష్ఠానం వద్ద చాటేందుకు ఇటీవల ప్రయత్నాలు చేశారు. ‘లోకాయుక్త నివేదిక యెడ్యూరప్పకు అన్యాయం చేసింది. దీనిపై ఆయన కోర్టులో సవాలు చేశారు. ఆయనకు త్వరలో న్యాయం జరుగుతుందని ఆశిస్తున్నాను. న్యాయస్థానం ఆయన నిజాయితీపరుడిని తేల్చిన తర్వాత తప్పనిసరిగా పార్టీ ఆయనను తగినవిధంగా గౌరవిస్తుంది’ అని గడ్కారీ వెల్లడించారు. దీంతో యెడ్యూరప్పకు భంగపాటు కలిగినట్లే అయింది.
By Teluguone
en-us
Political News
http://www.teluguone.com/news/content/bangalore-24-12167.html
Publish Date:Oct 10, 2026
తెలంగాణ సంస్కృతికి ప్రతీకగా నిలిచే రాష్ట్ర పండుగ బతుకమ్మ వేడుకలు శనివారం నుంచి అత్యంత వైభవంగా ప్రారంభమయ్యాయి.
తండ్రి అంటే పిల్లలకు ఒక భరోసా, కుటుంబానికి ఒక పెద్ద దిక్కు. బయట ఎంతటి బిజీ రాజకీయ జీవితం గడిపినా, ఇంట్లో తమ వారి కోసం వారు చూపించే ప్రత్యేక శ్రద్ధ ఎంతో మధురమైనది.
ఎల్ నినో ప్రభావంతో రాష్ట్రంలో ఇక వర్షాలు అంతంత మాత్రమేనని వాతావరణ పరిశోధకులు చెబుతున్నారు. డిసెంబర్, జనవరిలలో శీతాకాలంలో చలి కూడా అంతంత మాత్రంగానే ఉంటుందనీ, డిసెంబర్ నుంచే రోహిణిని తలపించే ఎండలు మండిపోతాయని అంచనా వేస్తున్నారు.
కన్నబిడ్డకు అనారోగ్యం వస్తే ఏ తల్లైనా తల్లడిల్లిపోతుంది. బిడ్డకు నయం చేయించేందుకు తన దగ్గర ఉన్నదంతా ఖర్చు చేయడానికైనా వెనుకాడదు.
ఇండియాలో క్యాంపస్‌ను ఏర్పాటు చేస్తున్న మొట్టమొదటి అమెరికన్ ప్రభుత్వ విశ్వవిద్యాలయం ఇదు అవుతుంది. అంటే ఇండియాలో ఏర్పాటు అవుతున్న అమెరికా యూనివర్సిటీ తెలంగాణకు తరలివచ్చిందన్న మాట.
తట్టి అన్నారం సమీపంలో నిర్మానుష్య ప్రాంతంలో కుక్కలు ఓ మృతదేహాన్ని పీక్కుతింటుండటాన్ని స్థానికులు గమనించారు. ఆ దృశ్యం చూసిన వారు వెంటనే పోలీసులకు సమాచారం అందించారు. అక్కడికి చేరుకున్న పోలీసులు మృతదేహాన్ని పరిశీలించి వివరాలు సేకరించారు. చివరకు ఆమెను ఓయూ మాణికేశ్వర్‌నగర్‌కు చెందిన మంగమ్మగా గుర్తించారు.
ప్రభుత్వాలు స్వల్పకాలిక ఆర్థిక ప్రయోజనాల కోసం మద్యంపై ఆధారపడటం వల్ల వైద్యం, శాంతిభద్రతల పరిరక్షణ, కుటుంబ సంక్షేమం కోసం ప్రభుత్వం కేటాయిస్తున్న నిధులు నిష్ప్రయోజనంగా మరుతున్నాయి.
ఉద్యోగాల క్రమబద్ధీకరణ సమయంలో సమర్పించిన పీజీ, బీటెక్ తదితర విద్యార్హతల ధ్రువపత్రాలు సంబంధిత విశ్వవిద్యాలయాలు జారీ చేసినవి కావనీ, అవి నకిలీ సర్టిఫికెట్లనీ నిర్ధారణ కావడంతో వాటి ద్వారా ఉద్యోగాలు సంపాదించిన 35 మంది లెచ్చరర్లను ఊస్ట్ చేస్తూ తెలంగాణ ఇంటర్ విద్యాశాఖ ఉత్తర్వులు జారీ చేసింది.
జూరాల ప్రాజెక్టు గద్వాల ప్రాంతానికి మాత్రమే కాకుండా సాగు, తాగునీటి అవసరాలకు కూడా కీలకమైన జలవనరు కావడంతో నీటి నుంచి దుర్వాసన రావడం, నీటి రంగుమారడంతో నీటి నాణ్యతపై అనుమానాలు వ్యక్తమౌతున్నాయి.
ట్రూఅప్ ప్రతిపాదనలపై విచారణ జరిపిన టీజీఈఆర్సీ తాజాగా ట్రూఆప్ చార్జీల వసూలుకు అనుమతి ఇస్తూ ఉత్తర్వులు జారీ చేసింది. రెండు ఆర్థిక సంవత్సరాలకు కలిపి మొత్తం 7,635.22 కోట్ల రూపాయల ట్రూఅప్ మొత్తాన్ని పరిగణనలోకి తీసుకుంది. ఇందులో వ్యవసాయ వినియోగానికి సంబంధించిన 2,214.99 కోట్లను రాష్ట్ర ప్రభుత్వమే భరించాలని ఆదేశించింది.
తెలంగాణ రాష్ట్రంలోని నిజామాబాద్ జిల్లాలో చోటుచేసుకున్న ఒక సంచలన సంఘటన స్థానికంగా తీవ్ర కలకలం సృష్టించింది.
రియల్ ఎస్టేట్ పెట్టుబడులు, ప్లాట్ల విక్రయాల పేరుతో పలువురి నుంచి భారీగా డబ్బులు వసూలు చేసినట్లు ఆరోపణలు
