టీ20 వరల్డ్ కప్ లో పాక్ కు షాక్.. కివీస్ తో ఆసీస్ ఫైనల్ పోరు...
Publish Date:Nov 11, 2021
Advertisement
టీ20 ప్రపంచకప్లో ఫైనల్ సమరం ఎవరి మధ్యే తేలింది. కివీస్ తో ఫైనల్ పోరులో ఆస్ట్రేలియా తలపడనుంది. గురువారం జరిగిన రెండో సెమీ ఫైనల్ మ్యాచ్ లో పాకిస్తాన్ పై ఆసీస్ విజయం సాధించింది. పాకిస్తాన్ విధించిన 177 పరుగులను చివరి ఓవర్ లో సాధించింది ఆసిస్. ఆరో వికెట్ కు స్టయినిస్, వేడ్ అద్బుతంగా ఆడి ఆసిస్ కు సంచలన విజయం అందించారు. తొలి ఓవర్ లో ఫించ్ డకౌట్ అయ్యాడు. తర్వాత వార్నర్ , మార్ష్ స్లోగా ఆడారు. ఐదో ఓవర్ లో ఫోర్ , సిక్సర్ తో దూకుడు పెంచాడు. దీంతో ఆరో ఓవర్ లో 50 పరుగులు దాటింది ఆసీస్ స్కోర్. ఏడో ఓవర్ లో మార్ష్ అవుట్ కావడంతో పాక్ పట్టు సాధించింది. తొమ్మిది ఓవర్ లో వార్నర్ సిక్సర్ బాదగా.. అదే ఓవర్ లో స్మిత్ అవుట్ కావడంతో ఆసీస్ కు కోలుకోలేని దెబ్బ తగిలింది. 11 ఓవర్ లో 49 పరుగుల వ్యక్తిగత స్కోర్ దగ్గర వార్నర్ కూడా అవుట్ కావడంతో ఆసీస్ కష్టాల్లో పడింది. 96 పరుగుల దగ్గర మాక్స్ వెల్ ను అవుట్ చేసి మ్యాచ్ పై మరింత పట్టు సాధించింది పాకిస్తాన్. పాకిస్తాన్ బౌలర్లు కట్టుదిట్టంగా బౌలింగ్ చేయడంతో ఆసిస్ టార్గెట్ రన్ రేట్ పెరుగుతూ పోయింది. స్ఠయినిస్ ధాటీగా ఆడటంతో ఆసిస్ కు మళ్లీ అవకాశాలు కన్పించాయి. 17 ఓవర్ లో స్టయినిస్ సిక్సర్, ఫోర్ కొట్టడంతో పాక్ శిబిరం డీలా పడింది. 18 ఓవర్ లో వేడ్ సిక్సర్ బాది ఆసిస్ ను విజయానికి చేరువ చేశాడు. 19 ఓవర్ లో స్టయినిస్ ఇచ్చిన క్యాచ్ ను హసన్ విడిచిపెట్టాడు. తర్వాత వేడ్ మూడు వరుస సిక్సర్లు కొట్టి మ్యాచ్ ను ఫినిష్ చేశాడు. అంతకుముందు మొదట బ్యాటింగ్ చేసిన పాకిస్థాన్ బ్యాటింగ్లో దుమ్మురేపింది. నిర్ణీత 20 ఓవర్లలో నాలుగు వికెట్ల నష్టానికి 176 పరుగులు చేసింది.టాస్ ఓడి బ్యాటింగ్కు దిగిన పాకిస్థాన్కు ఓపెనర్లు మహ్మద్ రిజ్వాన్, బాబర్ అజామ్ శుభారంభం అందించారు. వీరిద్దరూ నిలకడగా ఆడుతూ స్కోరు బోర్డును ముందుకు కదిలించారు. మ్యాక్స్వెల్ వేసిన మూడో ఓవర్లో చెరో ఫోర్ కొట్టగా.. హేజిల్వుడ్ వేసిన ఐదో ఓవర్లో రిజ్వాన్ ఓ సిక్సర్ బాదాడు. ఈ క్రమంలో పాక్ 9 ఓవర్లకు 68/0తో నిలిచింది. ఈ క్రమంలోనే జంపా వేసిన పదో ఓవర్లో చివరి బంతికి బాబర్ అజామ్.. వార్నర్కి చిక్కాడు. తర్వాత రిజ్వాన్ జోరు పెంచాడు. జంపా వేసిన వేసిన 12 ఓవర్లో వరుసగా సిక్స్, ఫోర్ బాదాడు. హేజిల్వుడ్ వేసిన 17వ ఓవర్లో రిజ్వాన్ ఫోర్, సిక్సర్ బాదగా.. జమాన్ కూడా సిక్స్ బాదాడు. దీంతో ఈ ఓవర్లో 21 పరుగులు వచ్చాయి. స్టార్క్ వేసిన తర్వాతి ఓవర్లో రిజ్వాన్.. స్మిత్కి చిక్కాడు. అదే ఓవర్లో జమాన్ ఫోర్, సిక్స్ కొట్టాడు. 19 ఓవర్లో అసిఫ్ అలీ (0), చివరి ఓవర్లో షోయబ్ మాలిక్ (1) వెనుదిరిగారు. ఆఖరి ఓవర్లో ఫకార్ జమాన్ రెండు సిక్స్లు బాదడంతో పాక్ భారీ స్కోరు సాధించింది. ఆస్ట్రేలియా బౌలర్లలో స్టార్క్ రెండు, కమిన్స్, జంపా తలో వికెట్ తీశారు.
http://www.teluguone.com/news/content/australia-enter-final-in-t20-world-cup-defeat-pakistan-t20-world-cup-39-126208.html





