ఆంధ్రప్రదేశ్‌లోని దేవాలయాల్లో అర్చకులకు ఫ్రీహ్యాండ్ ఇస్తూ చంద్రబాబు ప్రభుత్వం నిర్ణయం తీసుకుంది. ఆలయాల్లో వైదిక విధుల్లో  ఈవో నుంచి దేవాదాయ కమిషనర్ వరకూ ఎవరూ జోక్యం చేసుకోకుండా ఉత్తర్వులు జారీ చేసింది. ఆధ్యాత్మిక విషయాల్లో ఏకాభిప్రాయం కుదరకపోతే పీఠాధిపతుల సూచనలు తీసుకోవాలని ఆ ఉత్తర్వులలో పేర్కొంది.  ఆలయ వైదిక విధులలో అధికారుల జోక్యం కారణంగా  సంస్కృతి, సంప్రదాయాలు దెబ్బతినే అవకాశముందని అలా దెబ్బతినకుండా ఉండాలన్న ఉద్దేశంతోనే ఈ నిర్ణయం తీసుకున్నట్లు ప్రభుత్వం పేర్కొంది.   ఆలయ అభివృద్ధి విషయంలో తప్ప వైదిక విధుల్లో అధికారులు సహా ఇతరుల జోక్యం కూడదని స్పష్టం చేసింది.