రాష్ట్ర వ్యాప్తంగా సంచలనం సృష్టించిన రౌడీ షీటర్ సాయికృష్ణ కేసులో సస్పెన్షన్ కు గురై, ప్రస్తుతం రాజమహేంద్రవరం కేంద్ర కారాగారంలో రిమాండ్ ఖైదీగా ఉన్న సీఐ నాగరాజుపై మరో కేసు నమోదైంది. ఆత్మహత్యకు పాల్పడే మందు ఒక వ్యక్తి రికార్డ్ చేసిన వీడియో ఆధారంగా ఈ కేసు నమోదైంది.  ఎన్టీఆర్ జిల్లాలో సంచలనం సృష్టించిన క్రాంతి కుమార్ ఆత్మహత్య కేసులో  మృతుడి సెల్ఫీ వీడియో ఆధారంగా ఈ కేసు నమోదైంది.   ఆత్మహత్యకు ప్రేరేపించడంతో పాటు ఎస్సీ, ఎస్టీ అట్రాసిటీ నిరోధక చట్టం కింద కృష్ణలంక పోలీసులు నాగరాజుపై  కేసు నమోదు చేశారు.  పురుగుల మందు సేవించి ఆత్మహత్య చేసుకునే ముందు క్రాంతి కుమార్..    సీఐ నాగరాజు తనను వేధించారని ఆరోపిస్తూ  సెల్ఫీ వీడియో రికార్డ్ చేశారు. ఆ వీడియో ఆధారంగా  నార్త్ ఏసీపీ సత్యానందం మృతుడి కుటుంబ సభ్యుల నుంచి వాంగ్మూలం తీసుకుని, గతంలో నమోదైన అనుమానాస్పద మృతి కేసును సవరిస్తూ  నాగరాజును నిందితుడిగా చేర్చారు.  

RowdiSheeter, SaiKrishna, Missingcase, Remand, Booked, Kranthikumar, Sucide, Case, Selfie Video, Teluguone