రెండున్నరేళ్లలో అమరావతి పూర్తి!

Publish Date:Jun 15, 2024

Advertisement

అమరావతి పనులు పరుగులు పెట్టనున్నాయి. ప్రపంచ స్థాయి రాజధాని కావాలన్న ఆంధ్రుల కల అతి త్వరలో సాకారం కానుంది. ఆంధ్రప్రదేశ్ రాజధాని అమరావతి నిర్మాణం రెండున్నరేళ్లలో పూర్తి కానుంది. ఈ విషయాన్ని మంత్రి నారాయణ స్వయంగా చెప్పారు. చంద్రబాబు హయాంలో అమరావతి దాదాపు పూర్తి కావచ్చిన తరుణంలో రాష్ట్రంలో ప్రభుత్వం మారిన సంగతి తెలిసిందే. జగన్ సర్కార్ కొలువుదీరిన క్షణం నుంచీ అమరావతి నిర్వీర్యమే లక్ష్యంగా పాలన సాగింది. కరకట్టపై ఉన్న ప్రజావేదిక కూల్చివేతతో మొదలైన జగన్ విధ్వంస పాలన అమరావతిని స్మశానం అనడం వరకూ సాగింది.

అభివృద్ధి పనులను పడకేసేలా చేసి రాష్ట్రాన్ని రాజథాని లేని రాష్ట్రంగా మార్చారు. అమరావతి కోసం భూములిచ్చిన రైతులు నాలుగున్నరేళ్లుగా అవిశ్రాంతంగా జరిపిన పోరాటం చంద్రబాబు ముఖ్యమంత్రిగా ప్రమాణ స్వీకారం చేసిన తరువాత మాత్రమే ముగిసింది. చంద్రబాబు ఏపీ సీఎంగా బాధ్యతలు చేపట్టడంతో ఇక అమరావతిని ఆగదన్న విశ్వాసం తమకు ఉందని రైతులు ఆనందంతో చెబుతున్నారు. ఆంధ్రుల కలల రాజధాని అమరావతి సాకారం తథ్యమన్న నమ్మకం, విశ్వాసం సర్వత్రా వ్యక్తం అవుతోంది. అందుకు తగ్గట్టుగానే రాష్ట్ర మంత్రిగా నియమితులైన తరువాత అమరావతి రైతులలో ముచ్చటించిన మంత్రి నారాయణ రెండున్నరేళ్లలో అమరావతి నిర్మాణం పూర్తి చేస్తామని ఉద్ఘాటించారు.

ఏపీ ఎన్నికలలో జగన్ పరాజయం పాలైన మరుక్షణం నుంచీ అమరావతి వెలుగులు జిమ్మడం ఆరంభమైంది. చంద్రబాబునాయుడు ఇంకా సీఎంగా ప్రమాణ స్వీకారం చేయడానికి ముందే అమరావతిలో అభివృద్ధి మెలకలు ఆరంభమయ్యాయి. జగన్ నిర్వాకంతో అడవిని తలపించేలా మారిపోయి ముళ్ల కంపలతో నిండిపోయిన అమరాతిలో చెత్తను తొలగించే కార్యక్రమం ఆరంభమైంది. రహదారులకుఇరువైపులా వెలుగులు విరజిమ్మేలా వీధిదీపాలు దేదీప్యమానంగా వెలిగాయి. ఇక చంద్రబాబు సీఎంగా ప్రమాణ స్వీకారం చేసి, ఆ మరుసటి రోజునే సెక్రటేరియెట్ కు వచ్చి కూర్చున్నారు. దాంతో సెక్రటేరియెట్ లో ఐదేళ్ల కిందటి కళ తిరిగి వచ్చింది. ఇక మిగిలినదంతా లాంఛనమే.

నిర్మాణ పనులు జోరందుకోనున్నాయి. జగన్ నిర్వాకం కారణంగా పడుబడిన నిర్మాణాల మరమ్మతులపై ఇప్పటికే మంత్రి నారాయణ దృష్టి పెట్టారు. ఈ విషయాన్నే ఆయన అమరావతి రైతులతో మాట్లాడుతూ చెప్పారు. అడ్డంకులు తొలగిపోయాయి. రాష్ట్రానికి పట్టిన జగన్ గ్రహణం వీడిపోయింది. ఇక పనులు పరుగులు పెట్టడమే తరువాయి. అమరావతి నిర్మాణాన్ని చంద్రబాబు ప్రభుత్వం రెండున్నరేళ్లలో పూర్తి చేస్తుందని నారాయణ చెప్పారు. దీంతో భూములిచ్చిన తమకు సత్వర న్యాయం జరుగుతుందన్న భరోసా అమరావతి రైతులలో వ్యక్తం అవుతోంది.  

By
en-us Political News

  
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ ప్రభుత్వం ప్రతిష్టాత్మకంగా తెచ్చిన ఇందిరమ్మ కుటుంబ జీవిత బీమా పథకం వివరాలు. రూ. 5 లక్షల ఉచిత బీమా కవరేజ్, అర్హతలు, వయస్సు పరిమితి మరియు దరఖాస్తు విధానం గురించిన పూర్తి సమాచారం.
విజయవాడలో ప్రతిష్ఠాత్మక రామోజీ ఎక్స్‌లెన్స్ అవార్డుల ప్రదానోత్సవం ఘనంగా నిర్వహించారు.
ఆన్‌లైన్ పరిచయం.. చాటింగ్‌తో స్నేహం.. వీడియో కాల్స్‌తో నమ్మకం.. ఆ తర్వాత ఇంటికి ఆహ్వానం. అంతా సజావుగా సాగుతున్నట్లే కనిపిస్తుంది. కానీ ఆ పరిచయాల వెనుక ఉన్నది స్నేహం కాదు
హైదరాబాద్ వేదికగా ఇటీవల జరిగిన భారత్ సమ్మిట్‌ 2026లో చోటుచేసుకున్న పరిణామాలు రాజకీయ వర్గాల్లో తీవ్ర చర్చకు దారితీశాయి.
సినిమాను తలపించిన నగల దొంగతనం..పట్టించిన పచ్చబొట్టు.!
హైదరాబాద్ నగరవాసులకు, ముఖ్యంగా బిర్యానీ ప్రియులకు భారీ షాక్ తగిలింది.
ప్రియుడి హత్యకు 19 ఏళ్ల యువతి సుపారీ.. షాకింగ్ ట్విస్ట్.!
దీపావళి పండుగను కుటుంబ సభ్యులతో కలిసి ఆనందంగా గడపడానికి స్వస్థలానికి వచ్చిన ఓ యువతికి మృత్యువు అనూహ్య రీతిలో ఎదురైంది.
హిందూ ధర్మంలో అత్యంత పవిత్రమైనదిగా భావించే కార్తీక మాసం ప్రారంభం కావడంతో తెలుగు రాష్ట్రాల్లోని శైవక్షేత్రాలన్నీ ఆధ్యాత్మిక శోభను సంతరించుకున్నాయి.
తెలుగు చలనచిత్ర పరిశ్రమలో మరో విషాద ఛాయలు అలుముకున్నాయి.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.