ఎపిలో శ్రీకాళహస్తిలో హల్ చల్ చేసిన అఘోరీ తాజాగా   నంద్యాలజిల్లా పాణ్యం మండలం బలపనూరులో  కనిపించారు. ఎపిలో వరుసగా శైవక్షేత్రాలను దర్శించుకుంటున్న అఘోరీ శనివారం నంద్యాల రోడ్డుపై బైఠాయించారు. శ్రీకాళ హస్తి నుంచి తిరుగు ప్రయాణంలో ఆమె కారు ప్రమాదానికి గురైంది. పోలీసులు బలవంతంగా పంపించడం వల్లే కారు యాక్సిడెంట్ అయ్యిందని చెబుతూ అఘోరీ వీడియో కూడా చేసింది. నంద్యాలలో రోడ్డుపై బైఠాయించడంతో పోలీసులు అలర్ట్ అయ్యారు. కారు షెడ్ లో ఉండటంతో అఘోరీ కాలినడకన శ్రీశైలం బయలు దేరినట్టు తెలుస్తోంది. అఘోరీ రాకతో స్థానికులు అక్కడికి చేరుకుంటున్నారు. తెలుగు రాష్ట్రాల్లో గత కొన్ని రోజులుగా  అఘోరీ హల్ చల్ చేస్తున్నారు. విఖాఖ నక్కపల్లి టోల్ గేట్ ద్వారా ఎపిలో కనిపించిన అఘోరీ వరుసగా శైవ క్షేత్రాలను దర్శించుకుంటున్నారు.