ప్రపంచ క్రికెట్ చరిత్రలో అత్యుత్తమ వన్డే బ్యాటర్ ఎవరు అనే ప్రశ్న వచ్చినప్పుడల్లా క్రికెట్ ప్రేమికులు, విశ్లేషకుల మధ్య ఆసక్తికరమైన చర్చ నడుస్తూనే ఉంటుంది. క్రికెట్ దేవుడిగా కొలవబడే సచిన్ టెండూల్కర్ ఒకవైపు, ఆధునిక క్రికెట్ పరుగుల యంత్రం విరాట్ కోహ్లీ మరొకవైపు నిలిచి అభిమానులను ఎప్పుడూ ఆలోచనలో పడేస్తుంటారు. సరిగ్గా ఇలాంటి సమయంలో ఆస్ట్రేలియా మాజీ కెప్టెన్ ఆరోన్ ఫించ్ వన్డే క్రికెట్ చరిత్రలోనే అత్యుత్తమ 'టాప్-8' బ్యాటర్ల జాబితాను విడుదల చేసి క్రికెట్ ప్రపంచంలో ఒక సరికొత్త సంచలనానికి తెరలేపారు. ఒక ప్రత్యేక వీడియో సెగ్మెంట్‌లో దిగ్గజ ఆటగాళ్ల పేర్లు ఒకదాని తర్వాత ఒకటి రాగా, ఫించ్ తన ఆల్-టైమ్ వన్డే ర్యాంకింగ్స్‌ను రూపొందిస్తూ క్రికెట్ దిగ్గజం సచిన్ టెండూల్కర్‌ను దాటి విరాట్ కోహ్లీకి అగ్రస్థానాన్ని కట్టబెట్టడం విశేషం.

సచిన్ టెండూల్కర్ కంటే విరాట్ కోహ్లీనే ఎందుకు గొప్పవాడో చెప్పడానికి ఫించ్ వద్ద స్పష్టమైన గణాంకాలు, విశ్లేషణలు ఉన్నాయి. గణాంకాల పరంగా పరిశీలిస్తే, Master Blaster సచిన్ టెండూల్కర్ తన సుదీర్ఘ కెరీర్‌లో 463 వన్డే మ్యాచ్‌లు ఆడి 18,426 పరుగులు సాధించారు. ఇందులో 49 సెంచరీలు, 96 అర్ధసెంచరీలు ఉన్నాయి. కానీ, విరాట్ కోహ్లీ కేవలం 314 వన్డేల్లోనే ఏకంగా 14,941 పరుగులు సాధించి అందరినీ ఆశ్చర్యపరిచాడు. సచిన్ కంటే దాదాపు 149 మ్యాచ్‌లు తక్కువ ఆడినప్పటికీ, వన్డే ఫార్మాట్‌లో ఏకంగా 54 సెంచరీలు, 79 అర్ధసెంచరీలు బాదడం కోహ్లీ అసాధారణ స్థిరత్వానికి నిదర్శనం. ఆధునిక క్రికెట్‌లో లక్ష్య ఛేదనలో కోహ్లీ చూపే నిలకడ, ఒత్తిడిలో మ్యాచ్‌లను గెలిపించే అద్భుతమైన సామర్థ్యమే ఆయనను వన్డే చరిత్రలోనే అత్యుంత గొప్ప బ్యాటర్‌గా అగ్రస్థానంలో నిలబెట్టిందని ఫించ్ స్పష్టం చేశారు.

ఈ జాబితాలో సచిన్ టెండూల్కర్ రెండవ స్థానంలో నిలిచారు. సచిన్ సాధించిన పరుగుల వర్షం, ఆయన క్రికెట్ ప్రపంచంపై చూపిన ప్రభావం మరవలేనివని, అయితే ప్రస్తుత శకంలో కోహ్లీ సాధించిన మ్యాచ్ విన్నింగ్ నాక్స్, ఇంపాక్ట్ సచిన్ కంటే కాస్త ఎక్కువగా ఉన్నాయని ఫించ్ అభిప్రాయపడ్డారు. ఇక మూడవ స్థానంలో దక్షిణాఫ్రికా మిస్టర్ 360 డిగ్రీల బ్యాటర్ ఏబీ డివిలియర్స్ నిలవగా, ఆస్ట్రేలియాకు రెండు ప్రపంచకప్‌లు అందించిన దిగ్గజ కెప్టెన్ రికీ పాంటింగ్‌కు 4వ స్థానం లభించింది.

virat kohli ahead of sachin aaron finch,aaron finch all time best odi batsmen,rohit sharma 5th spot aaron finch odi list.