అన్న క్యాంటిన్ల పునరుద్ధరణకు వంద రోజుల కార్యాచరణ ప్రణాళిక!

Publish Date:Jun 14, 2024

Advertisement

ఆంధ్రప్రదేశ్ లో చంద్రబాబు నాయుడి ప్రభుత్వం కొలువుదీరగానే పేదలకు తక్కువ ధరకే పట్టెడన్నం పెట్టే అన్న క్యాంటీన్ల పునరుద్ధరణ ఫైలుపై సంతకం చేశారు. సెప్టెంబర్ 21లోగా రాష్ట్ర వ్యాప్తంగా 203 అన్న క్యాంటీన్లను ప్రారంభించాలన్నది ప్రభుత్వం లక్ష్యంగా పెట్టుకుంది. పేదలకు కేవలం 15 రూపాయల ఖర్చుతో మూడు పూటలా కడుపు నింపాలన్న ఉదాత్త ఆశయంతో చంద్రబాబు ప్రభుత్వం గతంలో ప్రారంభించిన అన్న క్యాంటిన్లను జగన్ సర్కార్ రద్దు చేసిన సంగతి తెలిసిందే. చంద్రబాబు తిరిగి అధికారంలోకి రాగానే అన్న క్యాంటీన్ల పునరుద్ధరణపై ప్రత్యేక దృష్టి సారించి, వాటి పునరుద్ధరణ ఫైలుపై సీఎంగా బాధ్యతలు చేపట్టిన రోజునే సంతకం చేశారు. అంతే కాకుండా సెప్టెంబర్ 21లోగా అన్న క్యాంటిన్లను ప్రారంభించాలని ఆదేశించారు. ఇందు కోసం వంద రోజుల కార్యాచరణ ప్రణాళికను చంద్రబాబు ప్రభుత్వం రూపొందించింది. ఈ ప్రణాళిక శనివారం (జూన్ 15) నుంచే ప్రారంభం అయ్యింది. పురపాలక, నగరపాలక సంస్థల కమిషనర్లు, ప్రజారోగ్యం, పట్టణ ప్రణాళికా విభాగం అధికారులను ఈ కార్యాచరణ ప్రణాళికలో భాగస్వాములను చేశారు. 

 గతంలో ప్రారంభించిన క్యాంటీన్నల ప్రస్తుత పరిస్థితులను పరిశీలించి వాటిని వినియోగంలోకి తెచ్చేందుకు చర్యలు తీసుకోవాలని ప్రభుత్వం ఇప్పటికే కమిషనర్లను ఆదేశించింది. గతంలో మంజూరు చేసిన  203 క్యాంటీన్లకు గాను 184 క్యాంటీన్లు అప్పట్లోనే పూర్తయ్యాయి.   పాత డిజైన్ మేరకు మిగిలిన వాటి నిర్మాణ పనులకు టెండర్లు పిలవాలని ప్రభుత్వం సూచించింది. ప్రభుత్వం రూపొందించిన కార్యాచరణ ప్రణాళిక మేరకు శనివారం (జూన్ 15) పట్టణ, స్థానిక సంస్థల కమిషనర్లు తమ పరిధిలోని క్యాంటిన్లను పరిశీలించి భవనం తాజా పరిస్థితి, ఫర్నిచర్ ఇతర అవసరాలపై ప్రాథమిక నివేదిక రూపొందిస్తారు.  ఆ తరువాత జూన్ 19న క్యాంటిన్ల పునరుద్ధరణకు పాత డిజైన్ ప్రకారం భవన నిర్మాణ పనులకు మునిసిపల్ ఇంజినీర్లు, పట్టణ ప్రణాళికా విభాగం అధికారులతో  కలిపి కమిషనర్లు అంచనాలు రూపొందిస్తారు. ఇక జూన్ 30 నాటికి ఇప్పటికీ భవన నిర్మాణాలు జరగని క్యాంటిన్ల పనులు చేపట్టేందుకు స్థానిక ప్రజా ప్రతినిథులతో కలిసి స్థలాల ఎంపిక జరుగుతుంది. క్యాంటీన్ల కోసం నిర్మించిన భవనాలలో నిర్వహిస్తున్న వార్డు, సచివాలయాలను ఖాళీ చేయించి వాటిని ప్రత్యామ్నాయ భవనాలను ఎంపిక చేస్తారు. 

ఇక వచ్చే నెల 30 నాటికి   క్యాంటీన్లకు ఉదయం అల్పాహారం, మధ్యాహ్నం, రాత్రి భోజనం సరఫరా చేసే ఏజెన్సీలను ఖరారు చేస్తారు.  క్యాంటీన్ల పర్యవేక్షణ, స్మార్ట్ బిల్లింగ్, విరాళాల నిర్వహణకు సాఫ్ట్వేర్ కోసం సంస్థలను ఖరారు ఖరారు చేస్తారు. 

ఇక ఆగస్టు 15 నాటికి క్యాంటీన్ భవన నిర్మాణ పనులు, కొత్తపరికరాలు, సాఫ్ట్వేర్ సమీకరణ, ఇతర మౌలిక సదుపాయాలకు ఏజెన్సీలతో చేసుకున్న ఒప్పందాలకు ప్రభుత్వం నుంచి అనుమతులు తీసుకోవలసి ఉంటుంది. అదే తేదీ నాటికి మిగిలిన క్యాంటీన్ భవనాల నిర్మాణ పనుల కోసం టెండర్లు పిలిచి గుత్తేదారు సంస్థలతో  ఒప్పందాలు పూర్తి చేసుకోవలసి ఉంటుంది.  తాగునీరు, విద్యుత్తు, ఇంటర్నెట్ సహా సదుపాయాలన్నీ కల్పించాల్సి ఉంటుంది. ఇక  సెప్టెంబరు 21 నాటికి  పుర, నగరపాలక సంస్థల్లో 203 క్యాంటీన్లను ప్రారంభించాల్సి ఉంటుంది.

By
en-us Political News

  
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.