ఇసుకతో దాడి చేసిన అధికారికి ప్రమోషన్.. జగనన్న పాలన స్పెషల్..

Publish Date:Nov 12, 2021

Advertisement

ఏపీలోని పలు ప్రభుత్వ విభాగాల్లో అవినీతి, అరాచకాలు పెచ్చు మీరిపోతున్నాయి. దేవాదాయశాఖ ఇందుకేమీ మినహాయింపు కాదు. చిత్ర విచిత్ర ధోరణులకు దేవాదాయశాఖ ఆలవాలంగా మారిపోయింది. ఉన్నతస్థాయి అధికారిపై ఇసుక చల్లిన కిందిస్థాయి అధికారి చేతికే ఏకంగా తాళం అప్పగించిన వైనం ఇది. విశాఖపట్నం అసిస్టెంట్ కమిషనర్ శాంతికి పాడికుండలాంటి ఎర్నిమాంబ ఆలయం ఈఓగా ప్రభుత్వం అదనపు బాధ్యతలు అప్పగించడం చర్చనీయాంశం అయింది. ఈ మొత్తం వ్యవహారం వెనక అధికార పార్టీ నేత హస్తం ఉందనే గుసగుసలు వినిపిస్తున్నాయి.

వివాదాస్పద అధికిరా శాంతిని అందలం ఎక్కించడంతో డిప్యూటీ కమిషనర్ పుష్పవర్ధన్ ఉద్యోగానికి రాజీనామా చేశారు. అధికార పార్టీ నేత అండదండలు ఉన్న ఏసీ శాంతి ఆపై మరింతగా చెలరేగిపోయారు. కొందరు దిగువస్థాయి సిబ్బందిపై వేధింపులకు దిగారు. ఒక ఉద్యోగిని కలెక్టరేట్ కు సరెండర్ చేశారు. మరో ఇద్దరిపై క్రమశిక్షణ చర్యలకు సిఫార్సు చేశారు. ఏసీ శాంతి వేధింపుల కారణంగా కార్యాలయ ఉద్యోగులు, ఆలయ ఈఓలు సెప్టెంబర్ లో మూడు రోజులు సామూహిక సెలవు పెట్టారు.దీంతో రాజమండ్రి ప్రాంతీయ అధికారితో దేవాదాయశాఖ ఉన్నతాధికారులు విచారణ చేయించారు. ఆ తర్వాత వచ్చిన దేవాదాయశాఖ కమిషనర్ అక్టోబర్ 13న శాంతికి చార్జిమెమో ఇచ్చారు. చార్జిమెమోలో కమిషనర్ అడిగిన తొమ్మిది అంశాలకు ఆమె వివరణ ఇచ్చారో లేదో గానీ.. ఆమెను నెల రోజుల్లో బదిలీ చేస్తామని కార్యాలయ సిబ్బందికి హామీ ఇచ్చారు.

ఒక పక్కన శాంతి తీరుపై కిందిస్థాయి సిబ్బంది ఆందోళనలు, ఇంకో పక్కన విచారణ జరిగిన నేపథ్యంలో ఆమెకు ఎర్నిమాంబ ఆలయం ఈఓగా అదనపు బాధ్యతలు అప్పగిస్తూ ప్రభుత్వం ఉత్తర్వులు ఇవ్వడంపై విమర్శలు వెల్లువెత్తుతున్నాయి.

నిజానికి ఎర్నిమాంబ ఆలయమే వివాదాలకు మూలం. ఈ ఆలయానికి ఏటా కోటి రూపాయలకు పైగా ఆదాయం వస్తుంది. సంవత్సరం క్రితం అనకాపల్లి ఇన్ స్పెక్టర్ శ్రీనివాసరాజుకు అసిస్టెంట్ కమిషనర్ శాంతి బాధ్యతలు అప్పగించారు. శ్రీనివాసరాజు హయాంలో హుండీ ఆదాయం దారిమళ్లుతోందనే ఆరోపణలు వచ్చాయి. దీంతో ఆయనను తప్పించి రాజగోపాలరెడ్డిని కొత్త ఈఓగా నియమించారు. కోవిడ్ కారణంగా రాజగోపాలరెడ్డి 15 సెలవుపై వెళ్లారు. ఆ సమయంలోనే ఆయన ఆర్డర్ రద్దుచేసి మళ్లీ శ్రీనివాసరాజునే ఈఓగా ఏసీ శాంతి నియమించారు. ఆరోపణలు ఎదుర్కొంటున్న శ్రీనివాసరాజును డిప్యూటీ కమిషనర్ పుష్పవర్ధన్ సస్పెండ్ చేశారు. ఇదే పోస్టులో సీతమ్మధార షిర్డీసాయి ఆలయం ఈఓ శిరీషకు అదనపు బాధ్యతలు అప్పగించారు. సెక్రటేరియట్ స్థాయిలో ప్రయత్నాలు చేసి ఎర్నిమాంబ ఆలయాన్ని శాంతి తన గుప్పిట్లోకి తెచ్చుకున్నారు.

పరిపాలనా రాజధానిగా ప్రకటించిన తర్వాత విశాఖపట్నానికి మంత్రి, ఇతర ఉన్నతాధికారుల వస్తుండడంతో, ఎర్నిమాంబ ఆలయం బాధ్యత తనకు అప్పగిస్తే వారి ప్రోటోకాల్ ఖర్చుల్ని తాను చూసుకుంటానని శాంతి చెప్పినట్లు తెలుస్తోంది. ఏసీ శాంతి ఇచ్చిన ఆ హామీతోనే ఎర్నిమాంబ ఆలయం బాధ్యతలను అధికారపార్టీ నేత అండదండలతో ఆమెకు అప్పగించినట్లు దేవాదాయశాఖ వర్గాల కథనం. ఇంకా ప్రొబేషన్ కూడా పూర్తవని అధికారిణి శాంతికి ఆమె కోరిన పోస్టింగ్ ఇవ్వడం వెనక అధికారపార్టీ నేత హస్తం ఉందనే ప్రచారం జరుగుతోంది. అధికార పార్టీ నేత దన్నుతోనే శాంతి పై అధికారులపై ధిక్కార ధోరణితో వ్యవహరిస్తున్నారని ఆ శాఖ వర్గాలు అంటున్నాయి.

By
en-us Political News

  
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.