సామాజిక మాధ్యమ దిగ్గజ సంస్థ మెటా భారత ప్రభుత్వానికీ, అలాగే ప్రధాని కార్యాలయానికీ క్షమాపణలు చెప్పింది. ఇంతకీ మెటా క్షమాపణలు ఎందుకు చెప్పాల్సి వచ్చిందంటే.. ప్రధాని ఫేస్ బుక్ అక్కౌంట్ నుంచి ఆయన వీడియోను తొలగించింది. ఈ ఘటన తీవ్ర కలకలానికి కారణమైంది.  ఇంతకీ మెటా తొలగించిన వీడియో ఏమిటంటే.. నీట్ లీకేజీపై  ఉద్యమిస్తున్న  యువత, విద్యార్థులను ఉద్దేశించి ప్రధాని మోదీ ఒక వీడియో సందేశాన్ని విడుదల చేశారు.

పరీక్షల్లో అక్రమాలకు పాల్పడే వారిపై  కఠిన చర్యలు తీసుకుంటామని, ఈ విషయమై త్వరలోనే స్పష్టమైన మార్గదర్శకాలు తెస్తామని పేర్కొంటూ ఆయన విడుదల చేసిన సెల్పీ వీడియో  సామాజిక మాధ్యమాల్లో అప్‌లోడ్ చేసిన స్వల్ప వ్యవధిలోనే   మిలియన్ల సంఖ్యలో వ్యూస్ లభించాయి.

అయితే..  ఎలాంటి ముందస్తు సమాచారం లేకుండానే..  ఫేస్‌బుక్ పోస్ట్ వేదిక నుంచి ఆ వీడియో  అదృశ్యమైంది. కంటెంట్ నిబంధనలను ఉల్లంఘించిందనో లేదా చట్టపరమైన అభ్యంతరంఉందనో  ఉందనో చూపే సందేశం ఆ వీడియో క్లిక్ చేస్తే రావడం వినియోగదారులను విస్మయానికి గురి చేసింది. ఈ క్రమంలో ప్రధాని వీడియో అకస్మాత్తుగా కనిపించకుండా పోవడంపై సోషల్ మీడియాలో  చర్చ మొదలైంది. దీంతో భారత ప్రభుత్వం స్పందించి మెటాను వివరణ కోరింది. దీనిపై మెటా సాంకేతిక లోపం వల్ల అలా జరిగిందనీ, పొరపాటును వెంటనే సరిదిద్ధి ఆ వీడియోను పునరుద్ధరించినట్లు వివరణ ఇచ్చింది.  ప్రధాని మోడీ వీడియోలో నిబంధనల ఉల్లంఘనలేవీ లేవని, అది పూర్తిగా తమ తప్పిదమని అంగీకరిస్తూ క్షమాపణలు చెప్పింది.  

 IT Ministry Summons Meta, Facebook Video Removal, Meta Apology, Technical Glitch, Paper Leak Message, PM modi Video