అల్లరి నరేష్‌ తో సితార మూవీ!

ఒకప్పుడు కామెడీ హీరోగా తనదైన ముద్ర వేసిన అల్లరి నరేష్ (Allari Naresh).. ఇప్పుడు విభిన్న చిత్రాలతో అలరిస్తున్నాడు. ప్రస్తుతం ''బచ్చల మల్లి" సినిమాతో బిజీగా ఉన్న నరేష్.. తాజాగా మరో చిత్రాన్ని ప్రకటించాడు. ఈ సినిమా సితార ఎంటర్‌టైన్‌మెంట్స్ బ్యానర్ లో రూపొందనుండటం విశేషం.

అల్లరి నరేష్ పుట్టినరోజు సందర్భంగా జూన్ 30న "మీరు అతని కంటి నుండి తప్పించుకోలేరు" అంటూ సితార సంస్థ ఈ సినిమాని ప్రకటించింది. ఈ సందర్భంగా విడుదల చేసిన కాన్సెప్ట్ పోస్టర్ ఆకట్టుకుంటోంది. సంకేత భాషతో రూపొందించిన ఈ పోస్టర్ ఎంతో క్రియేటివ్ గా ఉంది.

"ఫ్యామిలీ డ్రామా" ఫేమ్ మెహర్ తేజ్ ఈ చిత్రానికి దర్శకత్వం వహిస్తున్నాడు. అల్లరి నరేష్ యొక్క 63వ చిత్రంగా రానున్న ఈ సినిమా సితార ఎంటర్‌టైన్‌మెంట్స్ బ్యానర్ లో ప్రొడక్షన్ నెం.29 గా రూపొందనుంది. సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ పతాకాలపై సూర్యదేవర నాగవంశీ, సాయి సౌజన్య ఈ చిత్రాన్ని నిర్మిస్తున్నారు.