'కేరింత' ఫేమ్ పార్వతీశం, ప్రణీకాన్వికా జంటగా నటించిన చిత్రం 'మార్కెట్ మహాలక్ష్మి'. విఎస్ ముఖేష్ దర్శకత్వంలో బి2పి స్టూడియోస్ బ్యానర్ పై అఖిలేష్ కలారు నిర్మించారు. సాఫ్ట్‌వేర్ యువకుడికి, మార్కెట్‌లో కూరగాయలు అమ్మే యువతికి మధ్య జరిగే ప్రేమ కథగా రూపొందిన ఈ చిత్రం ఏప్రిల్ 19న థియేటర్లలో విడుదలై పరవాలేదు అనిపించుకుంది. ఇప్పుడు ఈ సినిమా ఓటీటీలో అలరించడానికి సిద్ధమైంది.
'మార్కెట్ మహాలక్ష్మి' డిజిటల్ స్ట్రీమింగ్ రైట్స్ ని ఆహా దక్కించుకుంది. ఈ చిత్రాన్ని జులై 4 నుంచి స్ట్రీమింగ్ చేయనున్నట్లు తాజాగా ఆహా ప్రకటించింది. మరి ఈ సినిమాకు ఓటీటీలో ఎలాంటి రెస్పాన్స్ వస్తుందో చూడాలి.
హర్ష వర్ధన్, మహబూబ్ బాషా, ముక్కు అవినాష్, కేదార్ శంకర్ తదితరులు నటించిన ఈ చిత్రానికి జో ఎన్మవ్ సంగీతం అందించగా సినిమాటోగ్రాఫర్ గా సురేంద్ర చిలుముల, ఎడిటర్ గా ఆర్.ఎం. విశ్వనాధ్ కూచనపల్లి వ్యవహరించారు.
.webp)
