"డ్రైవింగ్ సీట్లో కూర్చుని ఉన్నట్లు తీయించుకుంటే బాగుంటుంది" అన్నాను.చంచల్రావు కారు తలుపు లాగిచూసి "లాక్ చేసుంది" అన్నాడు. 

    "పోన్లే! కారుతో తీయించుకున్నావుగా, ఇప్పుడు నేను నిలబడతాను. నువ్వు తియ్యి" అంటూ కెమెరా చంచల్రావు చేతికిచ్చి నేను నిలబడ్డాను.

    చంచల్రావు కెమెరా అడ్జెస్టు చేసుకుంటూ "రెడీ" అన్నాడు.

    నేను నవ్వాను.

    "ఏంటా వెధవ నవ్వు? నువ్వేమైనా టీవీ యనౌన్సరువా? నువ్వేం నవ్వక్కర్లా, మామూలుగా నిలబడు" పళ్ళు కొరుకుతూ అన్నాడు చంచల్రావు   

    కారుదగ్గర నాకు మూడు నాలుగు ఫోటోలు తీశాడు చంచల్రావు.

    ఇంతలో నలుగురు పోలీసుల్ని వెంటబెట్టుకుని ఒకతను హడావిడిగా మా దగ్గరకు వచ్చాడు.

    "వీళ్ళే... వీళ్ళే పట్టుకోండి" అన్నాడతను.

    "ఏమిటి?" అన్నాం మేమిద్దరం తెల్లబోయి.

    "వీరి కారు దొంగతనం చెయ్యాలని మీరు ప్రయత్నస్తున్నట్టు ఈయన మాకు కంప్లయింట్ ఇచ్చారు" ఒక పోలీసు అన్నాడు.

    "అబద్దం. మేము కారు బాగుందికదా అని దాని దగ్గర ఫోటోలు తీయించు కుంటున్నాం" అన్నాను నేను

    "పచ్చి అబద్దం. వీళ్ళు నా కారు తలుపులు పట్టిలాగూతూ తెరవడానికి ప్రయత్నించడం నేను చూశాను. కారు దొంగలు మేము కారు దొంగలం అని చెప్పుకుంటారా? అసలే ఈ మధ్య సిటీలో కారు దొంగతనాలూ, స్కూటర్ దొంగ తనాలూ చాలా అవుతున్నాయ్. ఆ ముఠాతో వీళ్ళకు సంబంధం ఉందనుకుంటా" అన్నాడు కారు ఓనరు.

    అక్కడ కాలనీ జనం అంతా మూగారు. మేము అలాంటి వాళ్ళం కాదని వాళ్ళు పోలీసులకి చెప్పి చూశారు.

    మేము ఎంత మెత్తుకున్నా పోలీసులు మా మాట వినకుండా పోలీసు స్టేషన్ కి లాక్కెళ్ళారు.

    ఆ ఇన్ స్పెక్టర్ నన్ను అమాంతం కౌగిలించుకున్నాడు. అతని బిగికౌగిలికి నా షర్టు గుండీలు పటపట తెగి రాలిపోయాయ్.

                                       

     "నిజంసార్. దొంగని కాను, నన్ను వదలండి" అన్నాను అతని కౌగిలినుండి విడిపించుకుంటూ.

    "వదలనుగాక వదలను హ్హహ్హహ్హ" అంటూ నవ్వాడు.

    నేను ఆశ్చర్యంగా ఇన్ స్పెక్టర్ మొహం లోకి చూశాను.

    "నేన్రా శివరాంని, నీ క్లాస్ మేట్ ని.ఇక్కడ సబ్ ఇన్ స్పెక్టర్ గా పనిచేస్తున్నాను" అన్నాడు శివరాం.

    యూనిఫాంలో ఉండడంవల్ల నేను వాడిని గుర్తుపట్టలేదు.

    ఓరి నువ్వటరా...." అంటూ నేను శివరాంని కౌగిలించుకున్నాను.

    ఈ సారి శివరాం యూనిఫారమ్ గుండీలు పటపట తెగిపోయాయి.

    నేను శివరాంకి జరిగిన సంగతంతా వివరంగా చెప్పాను.

    "అదన్నమాట సంగతి. కానీ కెమెరా మట్టుకు చాలా బాగుందిరా" అన్నాడు.

    "సార్... సార్! మనమందరం ఫోటోలు తీయించుకుందాం సార్!" అన్నారు కానిస్టేబుల్సు.

    మా వాళ్ళు సర్దాపడ్తున్నారు, కొన్ని స్నాపులు తియ్యవోయ్" అన్నాడు శివరాం.

    కానిస్టేబుల్స్ అందర్నీ కలిపి ఒక ఫోటో, కానిస్టేబుల్సుని ఒక్కొక్కడికి విడివిడిగా ఒక్కోఫోటో, శివరాం ఒక్కడిని ఒక ఫోటో, చంచల్రావు, శివరాం, నేను,కానిస్టేబుల్స్...ఇలా ఫోటోలు తీయించుకున్నాం.

    "సార్! నా మరి నా ఫోటోనీ?" అన్నాడు కారు ఓనరు.

    "ఫిల్ము అయిపోయింది"అన్నాను నేను పళ్ళు కొరుకుతూ

    శివరాం దగ్గర శలవు తీసుకుని మేము బయట పడ్డాము.

    "ఒరేయ్!మొత్తం రీలు అయిపోయిందిగా. స్టూడియోలో కడగడానికి ఇచ్చేస్తేనో?" అన్నాడు చంచల్రావు.

    కొత్త కెమెరాతో తీసిన ఫోటోలు ఎలా వస్తాయో చూడాలన్న ఆత్రుత నాకుకూడా ఉంది.

    "పద వెళదాం" అన్నాను.

    ఫోటో స్టుడియోలోకి అడుగు పెట్టి యాదగిరికి రీలు ఇచ్చాము.

                                          

     "కాస్త దీన్ని కడిగి ప్రింట్సు వేసి పెట్టాలి" అన్నాను.

    "అర్రేకిషన్... రెండు చాయ్ లు చెప్పరా!"అని అరిచాడు యాదగిరి.

    "ఎంతౌతుంది?" అన్నాను.