Previous Page Next Page 
అమృతం కురిసిన రాత్రి పేజి 35

చెరగి
నేను పుట్టిన పురిటి నొప్పుల చీకటి బాధ
చెరగి
నేను నశించి చావు సంజెల నెత్తుటిచార
చెరపికొని నీ మధ్య నా మధ్య గల దూరపు రేఖ
తెలిసికొని
నీ మధ్య నా మధ్య
వంగిన తారకల శాఖ
రేఖగా
పొలిమేరగా
కరిగి నిల్చిన నేను
నిర్వాత దీప ని
శ్చలముగా నిలువగా
నిర్హేతు కానంద
నీరవగళాన పిలువగా
వెండిచుక్కల మీట
పవడంపు దారాల భావాల నల్లుకొను
కలలొత్తి అలలొత్తి
కడలిలా పరుచుకొను
నాలోన
లోలోన
ఒక శ్రుతి
ఒక గతి

    *    *     *   
                    ---1959


 Previous Page Next Page 

WRITERS
PUBLICATIONS