శరీరానికి రక్ష..... ద్రాక్ష 

శరీరానికి రక్ష..... ద్రాక్ష

 

 

నల్ల ద్రాక్ష... శరీరంలోని వ్యర్థ పదార్థాలను బయటికి పంపిస్తుంది. చర్మానికి జీవకళను తెచ్చిపెడుతుంది. అలాగే జుట్టుకు కూడా మంచి ఔషధంలా పనిచేస్తుంది. ద్రాక్షలో ఉండే ఫ్యాటీ ఆమ్లాలు వెంట్రుకలకు మంచి పోషణనిస్తుంది.

ఈ పండ్లను తినడం వల్ల వృద్ధాప్య ఛాయలు త్వరగా దరిచేరవు. ద్రాక్షలో పండ్లలో ఉండే పాలిఫినాల్స్ శరీరంలోని కొల్లాజిన్ ను ఉత్పత్తి చేస్తుంది. ఇది చర్మాన్ని వాడిపోకుండా రక్షించడంలో ముఖ్య పాత్ర పోషిస్తుంది. చర్మానికి నిగారింపు తెస్తుంది.

ఇక బరువు తగ్గాలనుకునే వారికి ద్రాక్ష పండు చాల మంచివి. ఈ పండ్లు శరీరంలోని వ్యర్థాలను బయటికి పంపిస్తాయి. కొవ్వు పట్టకుండా చూస్తాయి. కనుక లావుగా ఉన్న వారు వీటిని ఎన్ని తిన్నా లాభమే కానీ, ఎలాంటి నష్టం ఉండదు.


ఇందులో ఫైటో కెమికల్స్ చెడు కొలెస్ట్రాల్ ను తగ్గిస్తుంది. గుండెకు మేలు చేస్తోంది. ఇందులో ఉండే కొన్ని పోషకాలు క్యాన్సర్ కారకాలతో పోరాడతాయి. నల్లద్రాక్ష ఆరోగ్యానికి అన్నివిధాలా సహకరిస్తుంది. రక్తంలోని చక్కెర స్థాయుల్ని అదుపులో ఉంచుతుంది. 

అధికరక్తపోటును నియంత్రణలో ఉంచుతుందని వైద్యులు చెబుతున్నారు. చదువుకునే వయసులో ఉన్న పిల్లలకు వీటిని తరుచూ తినిపిస్తూ ఉంటే వారిలో ఏకాగ్రత పెరుగుతుంది. జ్ఞాపకశక్తీ మెరుగవుతుంది.

ఉన్నట్టుండి నీరసంగా  కళ్ళు తిరిగినట్టు అనిపించడం ఈ వేసవిలో చాల మందికి ఎదురయ్యే సమస్య శరీరం బలహీనంగా ఉండడం రక్తలేమి విటమిన్ల లోపం , ఎండలో ఎక్కువ తిరగడం వంటివన్నీ ఇందుకు కారణాలుగా చెప్పుకోవచ్చు. అలాంటపుడు ఈ నల్ల ద్రాక్ష రసం తాగి చుడండి ,తక్షణ శక్తి శరీరానికి అందుతుంది.