బాహుబలిలో ప్రియమణి.. రాజమౌళి పిలిపించాడా?
on Jun 14, 2016
వరుస విజయాల దర్శకుడు ఎస్‌.ఎస్‌. రాజమౌళి దర్శకత్వంలో రూపొందిన ‘బాహుబలి’ చిత్రం దేశవ్యాప్తంగా మంచి క్రేజ్‌ని సంపాదించుకోవడమే కాకుండా తెలుగు సినిమాకు పేరు ప్రతిష్టలు తెచ్చిపెట్టిన సంగతి తెలిసిందే. అయితే ఈ చిత్రానికి కొనసాగింపుగా `బాహుబలి ది కన్ క్లూజన్`చిత్రం రాబోతున్న విషయం మీకు తెలిసిందే.. రామోజీ ఫిల్మ్ సిటీలో క్లైమాక్స్ సన్నివేశాలు చిత్రీకరిస్తున్నారు. ప్రధాన తారాగణంతో పాటు వేలాది మంది జూనియర్ ఆర్టిస్టులు పాల్గొనగా కీలక సన్నివేశాలు తెరకెక్కించారు. తొలి రోజు వచ్చిన ఫైనల్ ఔట్ పుట్ చూసుకొని దర్శకుడు రాజమౌళి సంతోషం వ్యక్తం చేశాడు. నెలల తరబడి సన్నద్ధం కావడం పనికొచ్చిందని చెప్పుకొచ్చాడు.
ఇది పది వారాల పాటు కొనసాగనుంది. కొన్ని నెలల పాటు ముందుగా ప్లాన్ చేసి, రిహార్సల్స్ వేసుకున్న తర్వాత క్లైమాక్స్ షూటింగ్ మొదలుపెట్టామని, ఇప్పటినుంచి ఆగస్టు వరకు తుది షెడ్యూలులో భారీ యుద్ధ సన్నివేశం షూట్ చేస్తామని సినిమా వర్గాలు వెల్లడించాయి. అయితే తొలి రోజు సెట్లో కథానాయిక ప్రియమణి దర్శనమివ్వడంతో ప్రియమణి కూడా `బాహుబలి ది కన్ క్లూజన్`చిత్రం లో నటిస్తుంది అంటూ పుకార్లు షికారు చేస్తున్నాయి.. ఇంతకీ ప్రియమణిని ఏదైనా పాత్ర కోసం రాజమౌళి పిలిపించాడా? లేదంటే ఆమెనే బాహుబలి షూటింగ్ చూసేందుకని వచ్చిందా? అన్నది తెలియాల్సి వుంది
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
