బాబు బంగారం టీజర్ రివ్యూ...!
on Jun 6, 2016
విక్టరీ వెంకటేష్, నయనతార జంటగా మారుతి తెరకెక్కిస్తున్న సినిమా బాబు బంగారం. ఇప్పటి వరకూ రిలీజ్ చేసిన ఫస్ట్ లుక్స్ లో వెంకీ, నయన్ చాలా రిఫ్రెషింగ్ కనబడుతూ ఆకట్టుకున్నారు. టీజర్ లో కూడా అదే ఫ్రెష్ నెస్ కనిపిస్తోంది. విక్టరీ చాలా కాలం తర్వాత, మళ్లీ ఇంత గ్లామరస్ గా కనబడుతున్నాడని చెప్పచ్చు. వెంకీకి ఫ్యామిలీ సెంటిమెంట్, కామెడీ కొట్టిన పిండి. వీటిని చాలా ఈజ్ తో పెర్ఫామ్ చేయగలగడం ఆయనకే సాధ్యం. బాబు బంగారంలో కామెడీతోనే ఫుల్ ఎంటర్ టైన్ చేసేలా కనిపిస్తున్నాడు. తను ఎలాంటి సినిమాను తెరకెక్కించాడో క్లియర్ కట్ గా టీజర్ లో తెలిసేలా కట్ చేశాడు దర్శకుడు మారుతి. మదర్ థెరిసా మళ్లీ పుట్టి పోలీస్ అయితే ఎలా ఉంటుందో, అదే మా ఏసిపి కృష్ణ అంటూ వెంకీ ఫైట్ చేస్తున్నప్పుడు వచ్చే డైలాగ్ నవ్విస్తుంది. హీరోయిన్ గా నయనతార అందంగా కనిపిస్తే, వెంకీ ఫ్రెండ్ గా వెన్నెల కిషోర్ నవ్వించాడు. బొబ్బిలి రాజాలో వెంకటేష్ చెప్పే అయ్యో అయ్యో అయ్యయ్యో డైలాగ్ ఎంత ఫ్యామస్ అయిందో తెలిసిందే. టీజర్ లాస్ట్ షాట్ లో రౌడీలను కొడుతూ, వెంకటేష్ ఇదే డైలాగ్ చెప్పడం విశేషం. టీజర్ కు ఇదే హైలెట్ అని చెప్పచ్చు. టీజర్ తో సినిమాపై అంచనాల్ని మరింత పెంచేలా కట్ చేశాడు మారుతి. చూస్తుంటే, వెంకీ మళ్లీ తన ట్రాక్ లోకి వచ్చినట్టే కనిపిస్తోంది.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
