ఎన్నాళ్లకెన్నాళ్లకు.. వరుణ్ సందేశ్ కొత్త చిత్రం ప్రారంభం
on Jan 2, 2024
మహర్షి కూండ్ల సమర్పణలో వరుణ్ సందేశ్ హీరోగా ఎం3 మీడియా మరియు మహా మూవీస్ బ్యానర్ సంయుక్తంగా నిర్మిస్తున్న నూతన చిత్రం ఈరోజు హైదరాబాద్ లో ఘనంగా ప్రారంభం అయింది. ఈ సినిమా ద్వారా శ్రీ అద్యాన్త్ హర్ష డైరెక్టర్ గా పరిచయం అవుతున్నారు.
పూజా కార్యక్రమం అనంతరం ముహూర్తపు షాట్ కి హీరో వరుణ్ సందేశ్ క్లాప్ కొట్టగా, సినిమాటోగ్రాఫర్ అజయ్ కుమార్ మొదటి షాట్ చిత్రీకరించారు.
మూవీ లాంచ్ సందర్భంగా హీరో వరుణ్ సందేశ్ మాట్లాడుతూ ''సరికొత్త కథాంశంతో తీస్తున్న సినిమా ఇది. కథ, కథనాలు చాలా కొత్తగా గా ఉంటాయి. ఇప్పటివరకు నేను నటించిన సినిమాలకు పూర్తి భిన్నంగా ఉంటుంది'' అన్నారు.
దర్శకుడు అద్యాన్త్ హర్ష మాట్లాడుతూ "ఇదొక విభిన్నమైన కథాంశంతో వస్తున్న థ్రిల్లర్ చిత్రం. హీరో లుక్ మరియు అతని క్యారెక్టరైజేషన్ ప్రధాన ఆకర్షణగా నిలుస్తాయి" అని తెలిపారు.
చిత్ర నిర్మాత మహేంద్ర నాథ్ కూండ్ల మాట్లాడుతూ "డిఫరెంట్ మేకింగ్ అండ్ టేకింగ్ తో ఈ సినిమాని నిర్మించబోతున్నాం. లొకేషన్స్ కూడా చాలా కొత్తగా ఉంటాయి. కథ, కథనంతో పాటు విజువల్స్ కూడా ప్రేక్షకులకు ఒక కొత్త అనుభూతినించే చిత్రంగా దీన్ని నిర్మించబోతున్నాం'' అని చెప్పారు.
వరుణ్ సందేశ్, రఘు కారుమంచి, ప్రమోదిని, బలగం జయరామ్, వైవా రాఘవ, రవితేజ నన్నిమాల, కాకినాడ నాని, ఫణి ఆచార్య, అపర్ణా దేవి, కుషాలిని పూలపా, ప్రసాద్ బెహరా తదితరులు ఈ చిత్రంలో ముఖ్య తారాగణం. సినిమాటోగ్రాఫర్ గా అజయ్ కుమార్, ఎడిటర్ గా రామ్ తుము వ్యవహరిస్తున్నారు.

Latest News
Video-Gossips
TeluguOne Service
Customer Service
