అన్ని సినిమాలు సర్దార్ ను ఆడుకుంటున్నాయి..!
on Apr 15, 2016
.png)
పవన్ సినిమా వస్తుందని భయపడిన సినిమాలన్నీ ఇప్పుడు సర్దార్ ముందే ఖుషీ ఖుషీగా తోకజాడించేస్తున్నాయి. సర్దార్ గబ్బర్ సింగ్ కున్న క్రేజ్ చూసి, ఆ సినిమాకు వారం ముందు వారం వెనుక అన్ని సినిమాలూ రావచ్చా వద్దా అని భయపడ్డాయి. కానీ ఎప్పుడైతే యావరేజ్ టాక్ తెచ్చుకుందో, అక్కడితో సర్దార్ కథ కంచికెళ్లిపోయింది. నెగటివ్ పబ్లిసిటీని మిగిలిన సినిమాలు క్యాష్ చేసుకున్నాయి. ప్రస్తుతం సర్దార్ ఆడుతున్న అన్ని థియేటర్లలోనూ, కొత్త సినిమాలు చిన్న సినిమాలూ నింపేస్తున్నాయి. ఓ పక్క సర్దార్ కంటే ముందే రిలీజైన ఊపిరి, కంఫర్టబుల్ గా, తన పని తను చేసుకెళ్లిపోతోంది. ఆ సినిమాకు పవన్ ఎఫెక్ట్ తగల్లేదు. ఇక నిన్న రిలీజైన మంచు విష్ణు రాజ్ తరుణ్ ల ఈడో రకం ఆడో రకం సినిమా టైం పాస్ మూవీ అంటూ పాజటిలివ్ టాక్ తెచ్చుకోవడం, తెలుగులోనూ తమిళంతో సమానంగా దిల్ రాజు రిలీజ్ చేసిన పోలీస్, తెలుగు ప్రేక్షకులను కూడా పలకరిస్తానంటూ వస్తున్న షారుఖ్ ఫ్యాన్ , సర్దార్ ను ఇంటికి పంపే ఏర్పాట్లలో ఉన్నాయి. ప్రతీ కొత్త సినిమా, చిన్న సినిమా కూడా సర్దార్ పై ప్రభావం చూపించడం విచిత్రం. అంతే మరి. ఓడలు బళ్లౌతాయి. బళ్లు ఓడలవుతాయి.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
