'పవన్'ని పొగుడుతూ 'బన్నీ'పై షాకింగ్ కామెంట్స్!
on Jan 31, 2022
సుకుమార్ దర్శకత్వంలో అల్లు అర్జున్ హీరోగా నటించిన పాన్ ఇండియా మూవీ 'పుష్ప ది రైజ్' నార్త్ లో కలెక్షన్ల వర్షం కురిపించిన సంగతి తెలిసిందే. దీంతో హిందీ మార్కెట్ పై టాలీవుడ్ దృష్టి మరింత పడింది. ఈ క్రమంలో తాజాగా డైరెక్టర్ రామ్ గోపాల్ వర్మ చేసిన వ్యాఖ్యలు సంచలనంగా మారాయి. బన్నీ నటించిన పుష్పనే హిందీలో అంతటి విజయం సాధిస్తే, ఇక పవన్ కళ్యాణ్ నటించిన 'భీమ్లా నాయక్' ఎలాంటి సంచలనాలు సృష్టిస్తుంది అంటూ ట్విట్టర్ వేదికగా ఆయన ఆసక్తికర వ్యాఖ్యలు చేశారు. 'సర్దార్ గబ్బర్ సింగ్' సమయంలో నా మాట వినకుండా తప్పు చేశారు, కనీసం ఇప్పుడైనా నా మాట వినండి అంటూ ఆర్జీవీ పవన్ ని ఉద్దేశించి చేసిన ట్వీట్స్ హాట్ టాపిక్ గా మారాయి.
"పవన్ కళ్యాణ్ గారూ ,ఆ రోజు సర్దార్ గబ్బర్ సింగ్ ని హిందీలో రిలీజ్ చెయ్యొద్దు వర్కవుట్ అవ్వదు, అని ఈ ట్విట్టర్ సాక్షిగా ఎంత మొత్తుకున్నా మీరు వినలేదు.. ఫలితం చూసారు...ఇప్పుడు మళ్లీ చెప్తున్నా .. భీమ్లా నాయక్ ఏ మాత్రం తగ్గకుండా పాన్ ఇండియా రిలీజ్ చెయ్యండి.. పవర్ ప్రూవ్ చెయ్యండి."
"పుష్ప సినిమానే అంత చేస్తే పవర్ స్టార్ పవన్ కళ్యాణ్ అయిన మీరు నటించిన భీమ్లా నాయక్ ఇంకా ఎంత కలెక్ట్ చెయ్యాలి?.. పాన్ ఇండియా సినిమా లాగా రిలీజ్ చెయ్యకపోతే మీ ఫ్యాన్స్ అయిన మేమంతా బన్నీ ఫ్యాన్స్ కి ఆన్సర్ చెయ్యలేము."
"అల్లు అర్జున్ గురించి నా ట్వీట్స్ అన్నీ నా వోడ్కా టైం లో పెట్టాను కానీ నేను ఇప్పుడు పెట్టిన ఈ ట్వీట్స్ నా కాఫీ టైం లో పెడుతున్నా. దీన్ని బట్టి నా సీరియస్ నెస్ ని అర్థం చేసుకోండి."
"ఎప్పుడో మీ తర్వాత వచ్చిన పిల్లలు జూనియర్ ఎన్టీఆర్, రామ్ చరణ్ కూడా పాన్ ఇండియా స్టార్స్ అయిపోతూ ఉంటే, మీరు ఇంకా ఒట్టి తెలుగు ని పట్టుకుని వేలాడటం మీ ఫ్యాన్స్ అయిన మాకు కన్నీటి మయంగా ఉంది. దయచేసి భీమ్లా నాయక్ ని పాన్ ఇండియా తీసుకెళ్ళి మీరే సబ్కా బాప్ అని ప్రూవ్ చెయ్యండి."
"ఇంటీరియర్ ఆంధ్ర లో జరిగిన పుష్ప సబ్జెక్ట్ పాన్ ఇండియా సబ్జెక్ట్ అయినప్పుడు, కొమరం భీమ్, అల్లూరి లాంటి తెలుగు వీరుల సబ్జెక్ట్ పాన్ ఇండియా అయినప్పుడు, భీమ్లా నాయక్ సబ్జెక్ట్ పాన్ వరల్డ్ సబ్జెక్ట్ కాదంటారా పవన్ కళ్యాణ్ గారూ?" అంటూ ఆర్జీవీ వరుస ట్వీట్స్ తో రెచ్చిపోయారు.
కాగా, గతంలో అల్లు అర్జునే రియల్ మెగాస్టార్ అంటూ బన్నీని ఆకాశానికెత్తుతూ ఆర్జీవీ పలు ట్వీట్స్ చేశారు. అయితే ఇప్పుడు పవన్ ని పొగుడుతూ.. గతంలో బన్నీ గురించి చేసిన ట్వీట్స్ వోడ్కా టైం లో చేసినవి అని కామెంట్స్ చేయడం హాట్ టాపిక్ గా మారింది.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
