ప్రభాస్ డార్లింగ్ తమిళంలో బాహుబలి...!
on Apr 22, 2016
ఏ ముహూర్తాన ప్రభాస్ నాకు తెలీదు అని నిత్యా మీనన్ అందో కానీ, ఆ తర్వాత బాహుబలితో దేశంలో కాశ్మీర్ నుండి కన్యాకుమారి వరకూ ఫ్యామస్ అయిపోయాడు ప్రభాస్. ఈ బాహుబలి తెలియని వాళ్లు ఎవరూ లేరంటే ఆశ్చర్యం లేదేమో. తమిళ, మళయాళ మార్కెట్లలో కూడా ప్రభాస్ కు మంచి మార్కెట్ క్రియేట్ అయింది. అందుకే ఇప్పుడు ప్రభాస్ తెలుగు సినిమాలన్నీ బయటి భాషల్లోకి తర్జుమా అవుతున్నాయి. మిర్చి, మిస్టర్ పెర్ఫెక్ట్, రెబల్, ఛత్రపతి సినిమాలు ఇప్పటికే తమిళ్ లో డబ్ అయ్యాయి. ఈ లిస్ట్ లో ఇప్పుడు ప్రభాస్ డార్లింగ్ సినిమా చేరింది. ఫ్లాపుల్లో ఉన్న ప్రభాస్ కు, డార్లింగ్ మళ్లీ లైఫ్ ఇచ్చింది. 2010లో వచ్చిన ఈ రొమాంటిక్ డ్రామాను తమిళంలో ప్రభాస్ బాహుబలి పేరుతో రిలీజ్ చేస్తున్నారు. భద్రకాళీ ఫిలిమ్స్ సంస్థ డార్లింగ్ డబ్బింగ్ రైట్స్ ను మంచి ధరకు దక్కించుకుంది. సినిమాలో తమిళ ప్రేక్షకులకు సుపరిచితులైన కాజల్, ప్రభు లు కీలక పాత్రలు పోషించడం, జీవీ ప్రకాష్ కుమార్ సంగీతం అందించడం లాంటి కారణాల వల్ల తమిళంలో కూడా ఈ సినిమా బాగా ఆడుతుందని భావిస్తున్నాయి సినీ వర్గాలు. కాగా బాహుబలి 2 షూటింగ్ నుంచి సమ్మర్ బ్రేక్ తో రిలాక్స్ అవుతున్నాడు డార్లింగ్ ప్రభాస్. త్వరలోనే నెక్స్ట్ షెడ్యూల్ లో భారీ వార్ సీక్వెన్సెస్ కు మూవ్ అవుతారని సమాచారం.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
