బుట్ట‌బొమ్మ పూజా హెగ్డే వెండితెర‌పై మెరిసి ఈ ఏడాది ఆగ‌స్టు 31కి ప‌దేళ్ళు. ఇంత‌చేసి ఇప్ప‌టివ‌ర‌కు పూజ నాయిక‌గా సంద‌డి చేసిన సినిమాల సంఖ్య‌.. కేవ‌లం డ‌జ‌ను మాత్ర‌మే. అయితే, ఈ ఏడాది మాత్రం మిస్ హెగ్డేకి ఎంతో ప్ర‌త్యేకం కానుంది. ఎందుకంటే.. అన్నీ అనుకూలిస్తే ఈ ఒక్క క్యాలెండ‌ర్ ఇయ‌ర్ లోనే ఏకంగా సిక్స్ కొట్టేందుకు సిద్ధమైంది ఈ `డీజే` బ్యూటీ.

ఆ వివ‌రాల్లోకి వెళితే.. ఏప్రిల్ 1న మెగాప‌వ‌ర్ స్టార్ రామ్ చ‌ర‌ణ్ కి జంట‌గా న‌టించిన `ఆచార్య‌` థియేట‌ర్స్ లోకి రాబోతుండ‌గా.. అదే నెల 14న కోలీవుడ్ స్టార్ విజ‌య్ కి జోడీగా పూజ‌ యాక్ట్ చేసిన త‌మిళ చిత్రం `బీస్ట్` సంద‌డి చేయ‌నుంది. అలాగే యంగ్ రెబ‌ల్ స్టార్ ప్ర‌భాస్ స‌ర‌స‌న ఆడిపాడిన `రాధే శ్యామ్` కూడా వేస‌విలో విడుద‌ల‌య్యే అవ‌కాశ‌ముందంటున్నారు. అదే విధంగా.. ర‌ణ్ వీర్ సింగ్ కి జ‌త‌గా అభిన‌యిస్తున్న బాలీవుడ్ బొమ్మ `స‌ర్క‌స్` కూడా ఈ సంవ‌త్స‌రం జూలై 15న రాబోతోంది. అంతేకాదు.. సూప‌ర్ స్టార్ మ‌హేశ్ బాబు పెయిర్ గా క‌నిపించ‌బోతున్న `#SSMB 28`తో పాటు ప‌వ‌ర్ స్టార్ ప‌వ‌న్ క‌ళ్యాణ్ తో జ‌ట్టుక‌ట్ట‌నున్న `భ‌వదీయుడు భ‌గ‌త్ సింగ్` కూడా ఇదే క్యాలెండ‌ర్ ఇయ‌ర్ లో ఎంట‌ర్టైన్ చేసే అవ‌కాశ‌ముంది.

Also Read: డైరెక్ట్ రిలీజ్ కోసం 'రాధేశ్యామ్‌'కు ఓటీటీ దిగ్గ‌జం రూ. 400 కోట్ల ఆఫ‌ర్‌?

మొత్త‌మ్మీద‌.. 2022లో పూజా హెగ్డే సిల్వ‌ర్ స్క్రీన్ పై సిక్స్ కొట్టబోతుంద‌న్న‌మాట‌. మ‌రి.. వీటిలో ఏయే సినిమాలు పూజా హెగ్డే స్థాయిని మ‌రింత‌గా పెంచుతాయో చూడాలి.