'సైరా' చూసి నారా లోకేష్ ఒళ్ళు గగుర్పొడిచిందట!!
on Oct 4, 2019
తొలితరం స్వాతంత్య్ర సమర యోధుడు 'ఉయ్యాలవాడ నరసింహారెడ్డి' జీవిత చరిత్ర ఆధారంగా తెరకెక్కిన చిత్రం 'సైరా నరసింహారెడ్డి'. మెగాస్టార్ చిరంజీవి కథానాయకుడిగా తెరకెక్కిన ఈ చిత్రం అక్టోబర్ 2 న ప్రపంచవ్యాప్తంగా విడుదలైంది. విడుదలైన అన్ని చోట్లా పాజిటివ్ టాక్ తెచ్చుకున్న సైరా.. కలెక్షన్ల సునామీని సృష్టిస్తోంది. మెగాస్టార్ కెరియర్ లో సైరా ఓ మరుపురాని చిత్రంగా నిలిచిపోనుందని మెగా అభిమానులు గర్వంగా చెప్పుకుంటున్నారు. మెగా అభిమానులు మాత్రమే కాదు.. సగటు సినీ ప్రేక్షకులు, సినీ ప్రముఖులు కూడా సైరాని ఆకాశానికి ఎత్తేస్తున్నారు. అయితే సైరా ఫీవర్ సినీ ప్రముఖులకు మాత్రమే కాదు, రాజకీయ ప్రముఖులకు కూడా పట్టుకుంది. తాజాగా టీడీపీ నేత, ఏపీ మాజీ మంత్రి నారా లోకేష్ సైరాని ప్రశంసిస్తూ ట్విట్టర్ లో ట్వీట్స్ చేసారు.
"తెలుగు సినిమా స్థాయిని శిఖరానికి చేర్చిన సినిమా 'సైరా'. ఇది చిరంజీవిగారి 12 ఏళ్ళ కల. ఆయన తన కలను ఎంతో అద్భుతంగా ఆవిష్కరించుకున్నారు. తెలుగువీరుడు ఉయ్యాలవాడ నరసింహారెడ్డి స్వాతంత్య్ర పోరాటాన్ని తెరపై చూస్తుంటే ఒళ్ళు గగుర్పొడిచింది. హ్యాట్సాఫ్! చిరంజీవిగారు." అని లోకేష్ ట్వీట్ చేసారు.
"ఎంతో పరిశ్రమించి చిత్రాన్ని అద్భుతంగా తెరకెక్కించి విజయాన్ని అందుకున్న నిర్మాత రామ్ చరణ్, చిత్ర దర్శకులు సురేందర్ రెడ్డి, సాంకేతిక సిబ్బంది.. యూనిట్ మొత్తానికీ హార్దికాభినందనలు." అని లోకేష్ మరో ట్వీట్ లో పేర్కొన్నారు. టీడీపీ నేత లోకేష్.. చిరు సినిమాని ప్రశంసిస్తూ ట్వీట్ చేయడంతో.. నెటిజన్లు ఆశ్చర్యం వ్యక్తం చేస్తుంటే.. మెగా ఫ్యాన్స్ మాత్రం హర్షం వ్యక్తం చేస్తున్నారు.
Also Read
Also You May Like
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
