మోహన్‌బాబు కొత్త లుక్ దేని కోసం?
on Feb 8, 2020
విలక్షణ నటుడిగా పేరుపొందిన మోహన్‌బాబు స్టార్ హీరోగా ఎన్నో సినిమాల్లో మనల్ని అలరించారు. కొంతకాలంగా తనకు బాగా నచ్చిన పాత్రల్ని మాత్రమే చేస్తూ వస్తున్నారు. ప్రస్తుతం ఆయన సూర్య హీరోగా సుధ కొంగర డైరెక్ట్ చేస్తున్న 'సూరారై పొట్రు'లో ఒక కీలక పాత్ర చేస్తున్నారు. తెలుగులో ఈ సినిమా 'ఆకాశం నీ హద్దురా' పేరుతో రానున్నది.
కాగా శనివారం తన న్యూ లుక్ ఫొటోలను మోహన్‌బాబు తన మీడియా బృందంతో మీడియాకు రిలీజ్ చేశారు. అందులో కొద్దిగా నెరసిన గడ్డం, మెడ మీదుగా వేసుకున్న తెల్లటి శాలువా, మెడలో రుద్రాక్ష మాల, పులిగోరుతో కనిపిస్తున్నారు. ఈ లుక్ ఇప్పుడు నెట్టింట హల్‌చల్ చేస్తోంది. ఇప్పుడు ఈ లుక్‌ను మీడియాకు రిలీజ్ చెయ్యడం వెనుక కారణం ఏమిటో తెలీదు కానీ, త్వరలో తెలుగులో ఆయన చేస్తున్న సినిమాకు సంబంధించిన లుక్ అంటూ ప్రచారంలోకి వచ్చింది.
చిరంజీవి హీరోగా కొరటాల శివ దర్శకత్వంలో తయారవుతున్న సినిమా షూటింగ్ హైదరాబాద్ పరిసర ప్రాంతాల్లో రేయింబవళ్లు జరుగుతోంది. ఇందులో ఒక కీలక పాత్రకు మోహన్‌బాబును దర్శ నిర్మాతలు సంప్రదించారనీ, ఆయన ఈ సినిమా చేసే అవకాశం ఉందనీ ఫిలింనగర్‌లో ప్రచారం జరుగుతోంది. అయితే ఈ చిత్రాన్ని నిర్మిస్తోన్న కొణిదెల ప్రొడక్షన్స్, మ్యాట్నీ ఎంటర్‌టైన్‌మెంట్ సంస్థలు మాత్రం ఇంతదాకా దీనిపై ఎలాంటి ప్రకటనా చేయలేదు. అయితే అది సినిమాకు సంబంధించిన స్టిల్లేనని తెలుస్తోంది. ఏ సినిమాలో ఆయన ఆ రూపంలో కనిపిస్తారనే విషయం మాత్రం ప్రస్తుతానికి సస్పెన్స్.
.jpg)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
