ఇలాంటి వారు కూడా ఉంటారా అనుకున్నాను
on Jan 11, 2022
కింగ్ అక్కినేని నాగార్జున, యువసామ్రాట్ నాగచైతన్య, రమ్యకృష్ణ, కృతి శెట్టి కాంబినేషన్లో తెరకెక్కిన చిత్రం 'బంగార్రాజు'. అన్నపూర్ణ స్టూడియోస్, జీ స్టూడియోస్ సంయుక్తంగా నిర్మించిన ఈ చిత్రానికి నాగార్జున నిర్మాతగా వ్యవహరించారు. కళ్యాణ్ కృష్ణ దర్శకుడు. ఈ చిత్రం సంక్రాంతి కానుకగా జనవరి 14న థియేటర్లలో విడుదలకానుంది. ఈ సందర్భంగా తాజాగా మీడియాతో ముచ్చటించిన కృతిశెట్టి పలు ఆసక్తికర విషయాలను పంచుకుంది.
* బంగార్రాజు కథ విన్నప్పుడే ఇలాంటివారు కూడా ఉంటారా. ఇంత కాన్ఫిడెంట్గా మనుషులు వుంటారా! అనిపించింది. నా పాత్ర గురించి వినగానే నవ్వేశాను. దాన్ని వెండితెరపై చూసి ప్రేక్షకులు అదే ఫీలవుతారని అనుకుంటున్నా. కనుకనే నేను ఈ పాత్ర చేయడానికి ఒప్పుకున్నా.
* ఈ మూవీలో ఓ గ్రామ సర్పంచ్ గా చేశాను. సర్పంచ్ అంటే స్పీచ్లు ఇవ్వాలి. నాకు అది కొత్తగా అనిపించింది. సహజంగా డైలాగ్ పేపర్ ఇవ్వగానే నాకు కొంచెం అర్థం అవుతుంది. కానీ ఇందులోని డైలాగ్స్ లో ఇప్పటి వరకు వినని చాలా కొత్త పదాలు తెలుసుకున్నా.
* నాగార్జున సార్తో సినిమా అన్నప్పుడు ఎలా రిసీవ్ చేసుకుంటారో అనిపించింది. కానీ ఆయన్ను కలిశాక ఆయన తోటి నటులపై చూపించిన గౌరవం, హుందాతనం చూసి ఆశ్చర్యపోయాను. నేను జూనియర్ అని కాకుండా టీమ్మేట్లా చూశారు.
* నేను చదివింది సైకాలజీ. అది సినిమారంగానికి బాగా ఉపయోగపడింది. తెలీని చాలామందిని పరిశీలించడం వల్ల జీవితం గురించి చాలా తెలుస్తుంది.
* నేను సైకాలజీ స్టూడెంట్ గా అందరినీ గమనిస్తుంటాను. నాగార్జున సార్ లో కొన్ని గమనించాను. షాట్ లేనప్పుడు చాలా క్లాసీగా మాట్లాడతారు. షాట్ రెడీ అనగానే వెంటనే పాత్రలో లీనమైపోయి భాషలోని మాండలికాన్ని కరెక్ట్గా మాట్టాడడం, పాత్రపరంగా పొగరుగా వుండడం అనేవి వెంటనే చూపించేస్తారు. అది చాలా గ్రేట్.
* నేను షూటింగ్లోనే తెలుగు నేర్చుకున్నా. ఉప్పెన టైంలోనే కొద్దిగా తెలుసు. ఆ తర్వాత తెలుగు సినిమాలు చూడడం రెగ్యులర్గా నా టీమ్తో తెలుగులోనే మాట్లాడడం జరిగింది. చాలామంది తెలుగులో డబ్బింగ్ చెప్పమన్నారు. కానీ నాకింకా పూర్తి కాన్ఫిడెన్స్ రాలేదు. ఎందుకంటే నా గొంతు నాకు అంతగా నచ్చదు. ముందుముందు అందరికీ నచ్చితే తప్పకుండా డబ్బింగ్ చెబుతాను.
* సోగ్గాడే చిన్ని నాయనా సినిమాను 2020లోనే చూశాను. అందుకే బంగార్రాజు సినిమా చేసేటప్పుడు ఒత్తిడి అనిపించలేదు. ఆ సినిమాలో కామెడీ టైమింగ్ నాకు బాగా నచ్చింది. నాకు తెలుగు రాకపోయినా సినిమాకు కనెక్ట్ అయ్యాను.
* శ్యామ్ సింగరాయ్లో చేసిన బోల్డ్ సీన్స్ గురించి ఆలోచించలేదు. కానీ ఆ పాత్రను ఎలా రిసీవ్ చేసుకుంటారనే ఆందోళన మొదట్లో వుండేది. కానీ ప్రేక్షకులు బాగా రిసీవ్ చేసుకోవడంతో మంచి పేరు వచ్చింది.
* శ్యామ్ సింగరాయ్లో కొద్దిసేపే కనిపించాను. ఆ పాత్ర నిడివి అంతే. కానీ బంగార్రాజులో నా పాత్రకు చాలా ప్రాధాన్యత వుంది. కథ చెప్పినప్పుడే చిన్న బంగార్రాజు, పెద్ద బంగార్రాజు, సత్యభామ, నాగలక్ష్మీ అనే నాలుగు పాత్రలు సినిమాకు నాలుగు స్తంభాలాంటివని దర్శకుడు చెప్పారు.
* రమ్యకృష్ణగారితో కాంబినేషన్ పెద్దగా లేదు. కానీ ఆమె నుంచి చాలా నేర్చుకున్నాను. మేము కలిసినప్పుడు చాలా విషయాలు చెప్పారు.
* నేను గ్లిజరిన్ లేకుండా ఏడుపు సీన్స్ చేసేస్తాను. కేరెక్టర్ బిహేవ్ ఇలా చేయాలనేది తెలుసుకుని వెంటనే చేసేస్తాను.
* నేను ఇప్పటివరకు ఆరు పాత్రలు చేశాను. వేటికవే భిన్నమైనవి. ఆరంభంలోనే నాకు ఇలాంటివి రావడం ఛాలెంజింగ్గా అనిపించింది. నేను కథలు ఎంపిక చేసుకునేటప్పుడే నాకు సెట్ కాకపోతే వద్దనుకుంటా. యాక్టర్గా ఎదగడానికి ఉపయోగపడే పాత్రలనే ఎంపిక చేసుకుంటాను.
* ఇంద్రగంటి మోహనకృష్ణ దర్శకత్వంలో 'ఆ అమ్మాయి గురించి మీకు చెప్పాలి' సినిమా చేశాను. తర్వాత నితిన్ తో 'మాచర్ల నియోజకవర్గం', రామ్తో మరో సినిమా వున్నాయి. లేడీ ఓరియెంటెండ్ కథ ఇంకా ఫైనల్ కాలేదు. త్వరలో తెలియజేస్తాను.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
