కూతురితో కమల్ సినిమా మొదలవుతోంది..!

on Apr 12, 2016

భారతదేశం గర్వించదగ్గ నటుల్లో, కమల్ హాసన్ పేరు తప్పకుండా ఉంటుంది. సినీఇండస్ట్రీల్లో తన మార్క్ ను అంత స్పష్టంగా వేశారాయన. కమల్ తనయగా ఇండస్ట్రీలో ఎంటరై, తనకంటూ ఒక ఇమేజ్ ను ఎస్టాబ్లిష్ చేసుకుంది శృతిహాసన్. తాజాగా ఈ తండ్రీకూతుళ్లిద్దరూ కలిసి నటించడానికి సిద్ధపడుతున్నారు. టికే రాజీవ్ కుమార్ దర్శకత్వంలో తన కూతురితో కమల్ నటించబోతున్నారు. ఈ నెల 29 న చెన్నైలో సినిమా ముహూర్తపు షాట్ ను చిత్రీకరించనున్నారు. తండ్రీ కూతుళ్ల మధ్యన ఉండే అనుబంధం గురించి చూపిస్తూ ఈ సినిమా సాగుతుందని సమాచారం. కమల్, శృతి ఇద్దరూ ఎన్నారైలుగా నటించబోతున్న ఈ సినిమాకు ఇళయరాజా సంగీతాన్ని అందించబోతున్నారు. వీళ్లిద్దరూ కలిసి కనబడటం ఇదే మొదటి సారి కావడం విశేషం. త్వరలోనే మూవీకి సంబంధించిన అఫీషియల్ అనౌన్స్ మెంట్ చేయబోతున్నారు.